هل وجع أسفل البطن وألم في المبايض من أعراض الحمل
هل وجع أسفل البطن وألم في المبايض من أعراض الحمل
يا بنات انا البيريود جاتلي الشهر اللي فات 14/11
واخدت من ثالث يوم البيريود برشام اسمه فيمارا وبعد ما خلص الدكتور كتبلي علي حقن اسمها جونابيور وبعد ما خلصتها اداني حقنتين تفجير وقالي ان انا عندي بويضتين ف الجهة اليمين 19
وقبل ميعاد البيريود ب 10 ايام اداني برشام اسمه يتروكير المهم انا فاضل علي ميعاد الدورة يومين ومن فترة حاسة بحاجات غريبة كده اول ما اكل حاجة ارجعها والم جامد اسفل البطن وف المبيضين والم ف الظهر جامد بس الالم اللي اسفل البطن ده بيزيد جامد مع اقتراب موعد البيريود وعملت تحليل حمل منزلي من يومين طلع خط واحد بس
هل انا كده استعجلت ف التحليل ؟؟
ولا فعلا كده مفيش حمل ؟؟
ووجع اسفل البطن ده ووجع المبايض هل ده من اعراض الحمل ولا ده مجرد وجع قبل البيريود
ياريت تطمنوني وياريت اللي حصل معايا الاعراض دي الم اسفل البطن والم المبايض وحللت ولقت نفسها حامل تطمني وتقولي وبالله عليكوا بالله عليكوا ادعولي ربنا يرزقني واكون حامل الا انا تعبت اوي