اخيرا ولله الحمد ولدت بطلق طبيعي والسبب

[namm444]

خواتي مابي منكم غير دعوة من قلب لكل من تجرب طريقتي اقولكم سالفتي من اول حمل حتى تستفيدون خواتي واي سؤال انا حاضرة حتى نفاسكم وش تبون تعرفون وانا افيدكم من تجربتي بسم الله بابدا انا عندي ولدين الله يصلحهم ويخليهم لي جبتهم على بعض وكلهم اطوف ادخل العاشر وينفتح الرحم ومافيني طلق وجربت كل شي قرفه اباريق اشربها وعسل طبيعي ماخليت شي الا الخروع ماتجريت عليه ونصحتني دكتورة تقول لاتاخذينه خليكي متابعه معنا احسن من الخروع واتنوم بالمستشفى ويولدوني طلق صناعي طبعا الحمل الاول تجربه جديده ماتحسين بكل شي وكنت اغيب عن الوعي من قو الوجع وطلوق بظهري احس يتكسر وتسهلت بفضل الرحمن الحمدلله كنت اردد ذكر الله لان الوحده من حملها الاول تحاول تمسك نفسها عن بعض الالفاظ وتلجألرب العالمين حملي الثاني كنت باموت من قو الطلق الصناعي احس جسمي كله ينتفض وظهري بينخلع ولعبو فيني اللي ولدوني اتعبوني زياده يشدون علي كان دكتور ودكتورة ماعندهم اسلوب ابد حتى بالكلام المهم راحت وانتهت باللي فيها ذيك الايام وصار عندي مشع بظهري لدرجه مااقدر اشيل ولدي من الارض وكويت ظهري عند معالجه والحمدلله على كل حال جعلها تخفيف ذنوب طبعا حرمت بعدها اشيل اي ثقيل ابدا لان الجسم خلاص مايتحمل وهذي نتيجه الطلق الصناعي مو انا بس اغلب اللي جربو الطلق الصناعي له اضراره بعدها خواتي جلست 3 سنين وربي اراد وحملت وكنت افكر كيف احاول اولد بطلق طبيعي ومن بدايه شهوري الاولى وانا ابحث عن احد يدلني على تجربة صادقة ومنها فايده المهم مرت الشهور ودخلت التاسع وكنت مرررة ثقيله بصعوبه اقوم من نزول البطن تحت مرة وكلمت واحده اعرفها كبيرة في عمرها قلت باسالها عن شي في اغراض النفاس لاني كنت اجهزها ونسيت شي منها قلت باكلم ام عبدالله تقولي من خبرتها وسبحان الله ربي اراد اسالها عن شي يحمي الطلق وقلت لها انا اولد بطلق صناعي ودي اولد بطلق طبيعي وقالت لي خوذي فذات تمر ومعها شوي رشاد وشوي حبة البركه بكاس ماءواغليه واشربيه دافي تقول يحمي الطلق هذا الكلام قالته الجمعه وكنت تعبانه وفجر السبت كنت على جنبي حسيت بالم فضيع بثواني وقمت وقفت وصبت مويه الجنين اول مرة يصير كذا لي ناديت على امي كنت عند اهلي وودوني المستشفى قالو تنويم مافيه طلق والرحم بس 2 وخايفين ع البيبي تنومت هذا الصباح الساعه 9 معي ولا نمتوا ههههههههههههه اقصد خفتوا اه اه تذكرت احداث قبل 6 اشهر طبعا ماجاني مغص ولاطلق ولاشي حطوني بغرفه مشتركه مامعي من اهلي احد انا مااحب يكون معي احد احس اتعب نفسيا اكثر قلت للوالده ارتاحي ماعندي ولاده اطمنها لانها تقلق وكان معي بالغرفه انسانه محترمه خلوقه نسولف وندردش ونذكر بعض ذكر الله بعد صلاه العشاءجت الدكتورة قالت الساعه 12 بنعطيكي مضاد بالغذايه عشان البيبي مايتاثر لان الميه اللي تحميه راحت والصباح بنولدك طلق صناعي قلت زين امر الله وكنت هاديه على غير عادتي بس ربي اراد اني اتماسك وذكرت كلام ام عبدالله وكلمت الوالده قلت ارسلي اخوي فيها وخليه يغبيها بقاروره مويه الصحه خفت يمنعونها وترسل تمر وترمس كمون شاي يكون الكمون مطحون عشان يكون مركز المهم شربت مويه التمرة والرشاد وحبه البركه واكلت تمر وشربت الترمس الله يكرمكم قمت اروح واجي للحمام ونصحتني جارتي بالغرفه اني اكثر مشي اذا حسيت ان المويه ماتكب معي وصرت امشي من الساعه 9 الى 12 وقت المضاد جت الممرضه وحطته بالغذايه مدته نص ساعه بعدها قمت اكمل مشي جت الساعه 1ونص وقمت احس بمغص غريب قوي كل ربع ساعه صاريجي جت الساعه 2نمت على جنبي الايمن وصار يزيد الالم اخيرا من الله علي بطللللللللللللللللق طبببببببببيعي ياربي لك الحمد والشكر ياربي عفوك ورحمتك ارحمني يارحم الراحمين ياغفور وقمت ادعي رب العالمين هو اللي قادر وحده على كل شي وصار الطلق كل 10 وناديت الممرضه وركبت الجهاز عشان تتاكد انه طلق طبيعي وتاكدت وبسرعه ودتني على كرسي لقسم الولاده وكنت اتالم الم كله ببطني مغص واوراكي يتكسرو المهم ربي سخر لي دكتورة سعوديه شابه مرنه بتعاملها كلامها وتوليدها حديث مرة معها بس ممرضتين يساعدونها من زحمه الولادات بالقسم قالت لي ساعديني وامشي معي خطوة خطوة لما صار الطلق متواصل والم فضيع هذا الساعة5 والحمدلله بفضل الله ثم مساعده الدكتورة ولدت وجبت بنت زي القمر كنت خايفه ان المويه لما طلعت تاثر عليها بس الحمدلله سوو فحوصات لها قبل تطلع من المستشفى وطلعت انا قبلها واخذتها اليوم الثاني عشان كانت بالحضانه لاجراء التحاليل والحمدلله بعد ماتقرون سالفتي ابي دعوات منكم بصلاح ذريتي واخواني وان الله يرزقني بالوظيفة اللي انتظرها من زمان واي سؤال انا حاضرة

[عاشقة الجنه]

كيف الطريقه الرشاد مطحون ممع الحبه السوداء
نسيت ابارك لك الف مبرررروك الله يحفظها لك وعقبالنا يارب

[namm444]

الله يسهل عليكي ويباركلك ويهونها ربي الرشاد مايطحن ابد حتى لو بتاخذينه لهوم بعد الولاده الطريقه بالمقادير كاس ونص ماء خمس فذات تمر ملعقه صغيرة رشادغير مطحون وحبه البركه مجروشه ملعقه صغيرة بعد وتحط بابريق وتغلى عشر دقايق وتشرب دافيه وعلى فكرة انا شربت المويه وبلعت معه الرشاد وحبه البركه وهي اللي لينت بطني الله يكرمكي وكل شوي على الحمام

[Almasah]

_
ألف الحمد لله على سلامتك
وربي يبارك لك بعيالك

بس ياليت لو تكتبين لنا المقادير بضبط
تمر =
رشاد =
حبة البركه =
تغلى بمويه اوكي لكن نشربها ساخنه لازم ولا عادي بارده
تغليها ممكن ومتى ماشربناها

ودي اسوي كذا متى مابغيتها شربتها :)
وادعي لي أولد طبيعي انا بعد ياااااااااااااااارب

[ام هتاف]

انا حطولي طلق صناعي لانه نزلت المويه يعني جربت الم الظهر موووت بس في النهايه ولدت عمليه قيصريه هذا الكلاكم في بنتي قبل 5 سنوات
ودحين حامل في الثامن ونفسي اولد طبيعي يااااارب
ان شالله ح اجرب التمر والرشاد وحبه البركه لكن ايش فذات التمر قصدك النوا حق التمر والله يعطيك العافيه

[namm444]

الله يسهل على الجميع ويرزقكم الذريه الصالحه بالنسبه للمقادير ذكرتها سابقا وباعيدها لعيونكم كاس ونص ماء مغلي بابريق وتحطين عليه خمس حبات تمر بنواها وملعقه صغيرة رشاد غير مطحون وملعقه صغيرة حبة البركه السوداء مجروشه يفضل وممكن تحطينها كذا غير مطحونه بس انا سوتها لي امي مجروشه وتغلى لمده عشر دقايق وتشرب دافيه افضل مو بارده وبالنسبه لوقتها افضل شي لما يكون الرحم مفتوح بعد طبعا كشف الدكتورة وماعندك طلق لان هالطريقه للي مايجيهم طلق طبيعي هذا اللي صار معي كان الرحم عندي 2سم وطلعت المويه ومافيني طلق وربي فرجها زي ماقلت هالطريقه للي الرحم فاتح وماجاها طلق اتمنى افدتكم

[namm444]

اختي ام هتاف انتي ذكرتيني بجارتي جابت بنتها البكر بقيصري بعد معاناه وبعد خمس سنوات زيك حملت وولدت طبيعي جابت ولد كنت معها بالمستشفى وقت ولادتها لانها مثل اختي رحت معها وحملت على ولدهاقبل يكمل سنه وولدت طبيعي فتطمني ان شاء الله تتسهل وبالنسبه لكلمه فذات اقصد حبات تمر بنواها وعلى فكرة الولاده الطبيعي البنت وجعها بالبطن شديد والاولاد بالظهر اما الطلق الصناعي بكل الحالات يمسك الظهر بشدة لانه مو طبيعي الله يرحمنا برحمته تصدقين اغلب مشاكل الحريم من طريقه الولاده ارتحاء الرحم والمهبل ووو والظر المشع كلها من الصناعي

[نوووره]

الف مبروك

[العطر الفرنسي]

الحمدالله عسلامتك حبيبتي والله يهنيكي بالمولود الجديد

[دنيتـي زوجي]

الف مبرررروك قلبي وعقبالي

بجرب طريقتك وارد لكم لما اولد