السلام عليكم ورحمة الله وبركاته
اول شي لازم كل وحده تتوكل على الله ومتى ما كتب الله اصلاحها بالحمل باذن الله راح تحمل بس حاولوا تبتعدوا عن التفكير في الحمل ولا تتعبون نفسيتكم عشان هالشيء ممكن يأثر على الحمل وربي يرزق كل وحده يارب
ابدأ الموضوع باسم الله
مره من المرات كتبت موضوع اني حاسه باعراض غريبه مع تأخر الدورة يوم وانا دورتي متنتظمة حيل وتحليل المنزلي طلع خط خفيف حيل وبعد كم ساعة وضح شوي غير الاعراض اللي قبل الدورة باسبوع وتأملت اني حامل بس بعد يومين نزلت علي الدورة وتعبتني حييل وكان عندي اختبار فاينل
عزمت بعدها اني ما افكر في موضوع الحمل واذا فكرت على طول استغفر الله وافكر كيف اطور من نفسي في دراستي
وجات لي الشهر اللي بعده الدورة وبعد ما راحت صرت امشي كل يوم نص ساعة على الاقل عشان انشط جسمي وكان تحدي لمدة 20 يوم
بعد اسبوعين من غسلت حسيت بألم جهة المبيض الايمن وقلت ما بتأمل يمكن لان مشيت كثير هذا اليوم
الحين جا موعد الدوره بس قبل الدوره باربع ايام تقريبا كنت اروح كثير لدورة المياه -وانتم بكرامة- والكمية قليلة
الشي الثاني الغريب ان المهبل قبل الدوره بكم يوم يكون ضيق وجاف بس هالمره كان واسع ورطب
يوم موعدها حسيت بآلامها وقلت خلاص بتنزل الظهر وفي المغرب اختفت كل الآلام وما فيني شي ابداً بس الافرازات كثيرة وانا عادة قبل الدورة تكثر افرازاتي
يوم ثاني عندي اختبار وكنت لازم اخذ كتب معي كان عددهم 8 كتب كبيررة وثقيلة فتعبت نفس كل مره وانا اشيلها وطول الطريق اقول بتنزل الدورة واذا رحت اشيك اشوف افرازات
بعد ما خلصت اختبار رحت المستشفى احلل دم لان المنزلي ما طلع لي شي وطلع تحليل الدم حمل ضعيف قالت الدكتورة ارتاحي ولا تشربي دارسين ولا رمان ولا زنجبيل ولا اناناس وتعالي بعد 5 ايام عيدي التحليل وان شاء الله خير
بعد يومين شفت بقعة بنية صغيره وخفت حييل وصرت دايم انسدح وما اتحرك وكان ينزل دم وقت اصلي وكان قليل حيل وعندي آلام في ظهري
يومين الحمدلله ووقف النزيف ورحت المستشفى وسويت تحليل رقمي والحمدلله طلع حمل والحين انا في الشهر الرابع ادعوا لي الله يتمم حملي ويسهل اموري ويوفقني في دراستي
اما بالنسبة للاعراض اللي الناس تقولها خيوط بيضاء ونبض السرة واشياء كثيره اغلبها خطأ ومن وحده الى وحده يختلف بسبب عوامل كثيرة
ربي يرزقكم ولا يحرمكم ياارب ![84](images/smilies/TR (80).gif)