السلام عليكم ورحمة الله وبركاته
بسم الله الرحمن الرحيم
انا بدخل في الموضوع لانو بالقوة اكتب بس ابغى شورتكم عليا وربي اني محتاجه لو دعوة تهديني
عجزت افهم تصرفات زوجي من اتزوجت مارتحت ولايوم وانا زي دحين حمليالتاني بعد اجهاضي مو مريحني انا مابغى اكتب القصة حياتي بس ابغى اعرف كيف ارتاح واريح زوجي دا
امس في الليل قبل مانام زوجي مايحب يسول اسنانه ولا يتوضأ قبل النوم وانا مع الوحم احس اني استفرغ كل يوم اطلع بشي عشن اقنعو يتنظف ومرات بدلع ومرات ببوسات ومرات بكلام زي العسل لكن امس خلاص وصلت حدها ماني طايقه نفسي مع الوحام قبلها بيوم جلست اكلم امي عادي لاني بأمريكا وسهرنا مع بعض وهو جالس جنبي يتفرج تلفزيون وكلامنا كان عادي عن خالاتي واقاربنا وعن حملي وكدا
وبعد مانتهيت الين اليوم التاني ماكلمني وخرج من البيت 6 ساعات سهران برى وانا لوحدي في البيت لاطلعه ولا خرجه
رجع البيت انا نمت وهو جالس على النت وتعبانه من الحمل
جا قبل الفجر ينام جنبي وريحتو ماني طايقتها قام يحضني ويسلم عليا ويغطيني
صحيت من النوم قلت خلاص ابعد الشيطان امس زعلني وتركني وبدون سبب زي القردة لوحدي اكل واشرب وااني من الحمل والوحام جينا في الليل <<<<<<<<<<< وهنا المشكله قبل لاننام جا مسك الكتاب وجالس يقر فوق السرير وانا زي الجدر سكت وعصبت وبطني توجعني مووت قلتلو انتي ماتحب تسوك اسنانك في الليل بس في النهار قام زعل ويغلط عليا كلامك سخيف ودي ملاحظه فاشله منك قلت خلاص اسحب كلامي وقال انا بيطلع يكمل يقرا برى ونص ساعه وارجع طلع نام بصاله صحيت نص الليل دخلتو ينام معايا وانا ابكي ليش المعامله دي انا ملقلت شي لكن زوجتك والشي الي يقهرني لما يجي يخرج من البيت يستحمى ويعطر جسمو بعشرة عطور ويسوك اسنانه ويمشط شعرو ويلبس احسن لبس ويطلع طيب من له حق دحين انا ولا الي في الشارع ولا بنات امريكا افضل مني انا تعبت ودي طبعا مشكلله من اصغر المشاكل الي اعاني منها في مشاكل ماحد يتحمل اني اكتبها وانا اسفه اني طووولت لكن ردو عليا ضروري وبسرعه عشان اقدر اتفاهم معاه اذا جا البيت