اللي مانامت وعندها خبرة ترد علي؟؟

[ام الجازي]

بنات من غير مقدمات
معي ألم مثل الدورة يروح ويجي بدى الساعة 4 الفجر اليوم
ولين إلحين مستمر الم في ظهري على بطني يشد
بنات طمنوني وش اسوي ولا نزل معي شي
فيه شي يحمي الطلق إذا كانه طلق

[حجازيه]

ياقلبي مبروك مقدمآ

أنصحك أول روحي أكشفي يمكن يكون مفتوح وخلاص ولاده

لأنوآ أنآ بولادتي الأولى كان مفتوح 7 سم وألم خفيف لانوا طلقي بارد

إنتي بس اتحركي كثير ولا تنتظري شي ينزل منك لانوا مو شرط
احيآنآ ماتنزل موية الراس إلى إذا خلاص بيخرج الطفل
الله يهون عليكي ولاتنسيني من دعائك

[توووته]

السلام عليكم ورحمة الله وبركاته صباااااااح الخير ام الجازي احتمال يكون طلق مثل ماقالت اختنا حجازيه بارد الله يسهل عليك يارب وتفرحي بشوفة البيبي دعواااتك الله يسهلها علي وعلى كل حامل يارب طمنينا عنك

[توووته]

حجازيه ذكرتيني بموقف لما قلتي لها تحركي كثيييير طبعا كانت عندي ولاده لانه نزل معي دم بس شي بسيط لايذكر ورحت المستشفى وكشفو وقالو عندك ولاده بس ارجعي لنا المغرب يكون حمي الطلق وفتح الرحم طبعا كان حسب جهاز الطلق انه خفيف طلعت ومشييييت حول رصيف المستشفى ماكملت نص ساعه الاوانا راجعه لهم وربي من شدة الالم ماقدرت اوقف طحت عند باب غرفة الولاده لا وتسالني الممرضه انتي فيه ولاده وقمت اصيح وشالوني ممرضتين وبسرير الكشف ولدت طبعا قلت كيف قلتو اطلعي وارجعي بالليل كان ردهم بكل برود جهاز الطلق طلع خرباااان حسبي الله عليهم بس مشيت شوي ولدت كيف لو راجعه البيت كان ولدت بالسياره والحييييين الله يسهلها وربي ماتهنا حتى بالنوم من كثر ماافكر بالولاده قصة ذي مو مووووقف بس الحكايه فعلا الحركه تحمي الطلق وتفتح الرحم خاصة الللي عندها بدااااية ولاده

[ساهرة]

احتمال طلق بس بدايه يعني اذا مايكون متواصل توه ببدايته
او انك مجهده نفسك بشي فصار تعب فقط
انتظري لبعد كم ساعه اذا موقف او زاد مره
روحي اكيد ولاده

[ام الجازي]

يعطيكم العافية
نمت بعد ماكتبت لكم ماقدرت انتظر ردودكم
وقمت الساعة 8 وربع الألم زاد رحت دورة المياه (الله يكرمكم)
مانزل شي بس نفس المنطقة تعورني
طبعا أنا عند أهلي نزلت تحت وصلحت لي ساندويش وكليت نصها وشربت عصير برتقال
ومشيت شوي الألم يروح ويجي بس كيف أتاكد إنو ولادة

[جولييت]

الله يسهل عليك
روحي وكشفي يمكن الرحم مفتوح

امانه لاتنسين تدعين لي بالولاده الطبيعيه

[ام توتووبوبو]

اه اه الله يسهل عليكي انا نفس المشكله عندي حاسه فيكي والله تعبت بس اني 34 اسبوع واحس بتقلصات واوجاع مثل الدوره احس شي بينزل مني الان حملي الثالث ...وفي بناتي الثنتين اولد بسرعه اخر اسبوع بالثامن ماادخل التاسع الله يسهل لكل حامله جنيني ياااااااااااااارب

[أإأم ع‘ـــزُوـوزُ]

الله يسهل عليكي يـآـآرب أنـآ نفس الشي ومـآنزل معي شي غير إفرآآزآآت بيضـآء مـآيله للون الأخضر
والله يكرمكم ويكرم القارئ نزل بسروالي شي دآآئري شفاف ومطاطي كبير شوي مـآأدري وش هو يمكن يكوون السدآده

وكل شوي أحس بآلآم ومغص ببطني أكثر من ظهري ....

الله يسهل عليكم وعلي وعليكي يـآ أم الجـآزي ...

وأنـآ خلصت التـآسع ودخلت أول يوم العاشر ...

[ام الجازي]

الله يهون علينا وعلى جميع الحوامل
أنا المغص يجيني كل ربع ساعة
ولانزل معي دم ولاموية
بس إفرازات لونها مايل للأصفر
وآلالام اسفل البطن وظهري وفخوذي
بس ماأبغلى أروح للمستشفى لما أشوف علامة
تدل على قرب الولادة لإني أبغى طلق طبيعي ماأبغى صناعي
والله يكتب إللي فيه الخير لي ولكم