بنات ساعدوني مو قادره انام

[حبيبة زوجها..]

مرحبا كروشاااات


صباح الخير لكل مصحصحه ولكل وحده مانامت


بنات انا الان لي 36 اسبوع ومن دخلت الثامن واني حالتي حاله ماعرف طعم النوم حدي انام من 4 الى 5 ساعات


ولا نومي مقطع كمان

والمشكله انو في شد بطني بقووووه مو مخليني حتى اغفى اذا احد عنده حل اقدر اخفف من الشد الي ببطني يفيدني الله يسهل عليكم

[al-johara]

شي طبيعي حبيبتي انا بعد جاتني فتره ماقدرت انام كلش

بعطيج كم من نصيحه يمكن ترريحج

عشان يسهل عليج النوم حطي مخده بين الركبتين نامي ع يمينج

ولاتحطين راسج الا وانتي نعساااانه حدج وقبله اشربي حليب دافي

اقري دعاء النوم ونامي

انشالله اكون افدتج

الله يسهل علينا وعليج وييسر حملنا و ولادتنا يارب

^^

[جولييت]

والله حالتي مثل حالتك

انام وانتبه واجلس افككر شنو بيصير فيني بعددين وهل بولد طبيعي لان ولادتي ببكري قيصريه وووو....والله من هالاسئله يروح النوم ولا انام مثل هالناس>_<

[اول غرام]

الله يعينك ...

انا باسابع ومانام الا 4 ساعات

شلون انتي بالتاسع...!!!

الله يهون عليك يارب ...

[دلوعة حبيبها]

الله يسهل عليك حبيبتي دهني بطنك بازيت زيتون دافي وانشاء الله ترتاحين وتنامين..

[همس الكلام]

والله نفس حالتي الحمد لله نومي تعب مااقدر انام لا عالظهر ولا عالجنب احس رجلي يجيها شد عضل ونوم مقطع زيك
الله يعين بس وانا بابدا التاسع بكرة ان شاء الله

[نادية آلس]

أنا من الشهر السابع صرت ماأقدرأنام أكثر من3 أو 4 ساعات والأن صارت أقل ومتقطعة جدا أصحى على ركل الجنين أو تشنج الساق إذا نمت على اليمين تنمل الرجل اليمنى حتى لو خليت بين رجليا مخدة وتحت بطني كمان ونفس الشي إذا نمت على الجهة اليسرى ,وطبعا ماأقدر انام على ظهري أختنق بسرعة هذا غير ألم الظهر وألم الحوض الفظيع ماأقدر حتى انقلب لازم أرفع جسمي كله لما اريد اغير الوضعية وماعرفت ايش الحل
الله يعينا ويسهل ولادتنا
أدعولي حوضي يتوسع لان اليوم عرفت ان الجنين أكبر من الحوض رغم أني لسة مادخلت التاسع يعني الجنين راح يكبر أكثر

[ام مرزوق]

حتى انا في الشهر السابع ما اقدر انام الاقليل ومتقطع ولا استطيع ان اتحرك
من جهة الي جهة الا لين اقوم واجلس ونقلب مرة ثانية وركلات الجنين مرة
قوية تصحيني من النوم ونا احس ان هذا شي طبيعي ياعزيزتي ولا تخافي
ما عليك الا ان تقرئي القران والاذكار وتدهني بزيت الزيتون وان شاء الله معافاه
تقبلي تحيااااااااااااااااااااااااااااااااااتي

[حبيبة زوجها..]

تسلمو الي على مروركم ونصايحكم وربي يسهل عليكم جميع ونسمع بسلامتكم