51طريقه تقولين فيها لزوجك (انا احبك)واكثرررر

[شموخي عذبني]

51 طريقه تقولين فيها لزوجج ( انا أحبك) .. واكثررررر


....



اختاري 5 نقاط كل يوم و شوفي شلون راح تتغير حياتج الزوجية!


في بداية الزواج كل وحدة تتسائل شلون عشت عمري اللي فات من غير هالانسان!؟ كل واحد منا يركز على الثاني ويدور رضاه وهذا اللي خلانا حيل قراب من بعض…. ولكن!!
بعد مرور سنين من الزواج يتحول تركيزنا الى اشياء ثانيه الدوام , العيال , البيت ويقل تركيزنا حق بعض ويمكن يختفي , لسوء الحظ هذا اللي يخلي الحياة الزوجيه تصير بارده وفي حالات ثانيه تخلي العلاقة تموت ...






عمركم تسائلتوا شلون الناس يظل زواجهم لمده 30 او 40 سنه اواكثر والحب مايموت؟؟
تبون زواجكم يتم الى اخر العمر مع وجود الحب؟؟






المفتاح انج تخلين شوي تركيز على زوجج وشريك حياتج , هذي بعض النقاط اللي تبينين فيها لزوجج ان حبج موجود ..


اختاري 5 نقاط كل يوم و شوفي شلون راح تتغير حياتج الزوجية!






1- دزيله مسج حب : دزيله مسج فيه كلمات رومانسية وحاره.











2- سوي أحد أعماله أو أحد واجباته : اذا كان زوجج متعود يسوي شي بالبيت سويه مره نيابه عنه عشان تخففين عنه تعب هالعمل.





مثلا ..




او بإمكانج تنظفين حوض السمج









او تسقين الزرع









او تقطين الجهال الصبح المدرسه او اتجيبينهم من المدرسه










او اي شي تعتقدين راح يفرحه بهاليوم اذا سويتيه بداله.






3- ابدوا هوايه مع بعض : اختاروا شي تسوونه مع بعض كهوايه مثلا تزرعون بالبيت او تمشون بالممشى او تسوقون قاري او اي رياضه ثانيه..









اوتطلعووون للبحرر











4- لعبوا مع بعض : الالعاب وااايد ( بلايستيشين \ risk \ بيليارد \ تنس طاوله... )




Uno









Monopoly









Clue









دومينا









اختاروا لعبه واستمتعوا بس لا ينتهي اللعب بهوااااش!





5- إظهار التقدير لزوجك : لمن يتأخر بالدوام أو يسويلج شي دايما شجعيه وبينيله انج مقدرته بكلمه حلوه وابتسامه .











6- حولي بيتج ملجأ له : حاولي تخلين بيتج الملجأ اللي يلجأله زوجج حتى ينحاش من ضغوط الحياه ويلقى فيه الراحه والهدوء والسكينه والمتعه الى درجه انه ما وده يتركه ..









حافظي على نظافه المكان وترتيبه وتعطيره بالعطور اللي تريح البال وتهدي الاعصاب في ناس ترتاح اذا شمت ريحه اللافندر او الورد او الفانيلا او الفراوله شوفي ريلج شنو يحب؟









حاولي بين فتره وفتره تغيرين كفر السرير او الكوشيات بالصاله او النباتات او الاكسسوارات و الالوان وقطع الزل..










7- دايما ادعيله : ادعي ربج يوفقه بشغله و يحفظه ويسخر قلبه لج ويحنن قلبه على بيته وعياله .. ادعي جدامه وخليه يسمعج, اذا طلع قوليله ربي يحفظك ويوفقك واذا سوالج شي قوليله ربي يخليك لي ولا يحرمني منك … الدعاء له أثر حلو على النفس لج وله ..










8- سئلي قبل ماترتبين اغراضه : قبل ماتغيرين ترتيب الاغراض اللي على المكتب او داخل الكبت او اي شي يخص زوجج سئليه لأنه ساعات يكون عارف مكان الاغراض وبعد الترتيب يصير صعب يوصل حق الاغراض اللي يبيها..










9- لا تتوقعين منه يقرا أفكارج : اذا كنتي تبين زوجج يعرف انج محتاجه شي او فيج شي بكل بساطه قوليله لا تتوقعين منه يقرا اللي في بالج..










10- حاولي تحولين الشد الى فكاهه : اذا صار موقف وضايقج حاولي تبينين بطريقه فكاهيه من غير نرفزه وعصبيه حتى مايتحول الجو شد وهواش ونجره ..










11- لا تتجسسين : اذا كنتي تبين تعرفين شي عن زوجج لا تتجسسين عليه سئليه وكوني صريحه معاه …










12- اهديه بطاقه رومانسية :اهديه بطاقه رومانسية من غير مناسبه , حطيها بسيارته او كبت الملابس او بالحمام الصبح اذا قام يشوفها وكتبي عليها كلمات تهدينها له ..





13- اشتريله شي يحبه لمن تطلعين : اذا رحتي الجمعيه اشتريله البسكوت او الككاو اللي يحبه او اذا طلعتي السوق اشتريله شي حتى لو كان بسيط المهم انج ذكرتيه وانتي طالعه.

( boxers فكره حلوه! ) .












14- اخذوا حمام مع بعض : في واجد بنات يستحون من هالحركه اذا كنتي وحدة منهم تقدرين تقعدين معاه بملابسج الداخليه او نفنوف قصير من غير ملابس داخلية مع الماي حركه حلوة وتأثير اقوى ...










15- دزيله ايميل كتغيير: دزيله ايميل تعبرين فيه عن حبج او تذكرينه بأول ايام زواجكم او تعزمينه على عشا رومانسي او ليله بفندق او طلعه السينما او أي شي تحبين..





- اعتذار : اذا غلطتي بالكلام او جرحتي زوجج حتى لو من غير قصد او بشكل عفوي اعتذري ...










17- اوفي بالوعود : لمن تقولينلزوجج راح تسوين الشي الفلاني كوني عند كلمتج ..





18- مساج: متى ماشفتيه تعبان او قاعد يطالع تلفزيون دلكي ريله ودلليه ..










19- حولي غرفه نومج الى مكان يحلم فيه كل العشاق : نثري الورد على الفراش واستعملي مناظر قصيره عند الطوف وحطي قبالها شموع عشان تنعكس صورها عالمناظر بهالطريقه يبين المكان اوسع وعدد الشموع اكثر فيعطي تأثير حلو.















20- كتبيله على المنظره في الحمام : لمن يكون قاعد يسبح دخلي الحمام شوي شوي وكتبيله كلمات على المنظره بصبعج بعد مايكون الحمام كله بخار.










21- حفري في الصابون : حفري في صابونته بالحمام شكل قلب او كلمه احبك..










- مساج: حولي غرفة نومج spa واشتري زيوت خاصة للمساج وسويله مساج كامل للجسم ولاتنسين تحطين الموسيقى الهادية او صوت عصافير وماي ولاتنسين الشموع...










23- لا تنبشين بالماضي : إذا كان مسوي شي من قبل وهالشي ضايقج وتكلمتوا بالموضوع واعتذر او ندم لا تردين تذكرينه فيه كل ما اختلفتوا ..










24- اكلوا على ضوء الشموع : كتغيير سويله الأكلة اللي يحبها وجهزي طاولة الطعام نفس طاولات المطاعم واكلوا على ضوء الشموع وكل واحد عينه في عين حبيبه..










25- لا تتعارضين معاه جدام الناس : لا تختلفين معاه جدام أحد وخصوصا جدام عيالكم لأنه هالشي يقلل من احترامهم له ...










26- دافعي عن زوجج : لا تخلين أحد يسخر من رجلج , إذا قلل أحد من إحترامه دافعي عنه..




7- حبي نفسج : يمكن تحسين هالنقطه غريبة لكن المنطق يقول لمن الإنسان يتعلم يحب نفسه ويهتم فيهاويشوف كل شي إيجابي راح يسهل عليه يحب اللي حواليه ..










28- إذا مرض : دلليه إذا مرض و اهتمي فيه من ناحية الأكل و وفريله جو هادئ وتأكدي إن مو ناقصه شي..














29- لمن يتكلم معاج : لمن يسولف أو يكلمج دايما بينيله إنج مهتمة طالعي عينه فهذا دليل على إنج مهتمة باللي يقوله وإنج مستمعة جيدة ..










30- لا تروحين الفراش معصبة : إذا رحتي الفراش معصبة من خلاف صار بينكم راح تقومين من النوم منحبطة وتحسين الأمور متراكمة كأنها جبل وكأنج غاصة في كلام تبين تقولينه , من الأحسن إنج تنهين أي خلاف قبل ماتروحين الفراش عشان إذا صار الصبح تبدون يوم جديد من غير زعل ..










31- لا تقارنينه بأحد : أبدا لا تحاولين تقارنين زوجج بأحد من الرجاجيل حتى بأبوج , زوجج إنسان مستقل ومختلف عن باجي الرجاجيل حبيه لهالسبب..












32- استقبليه عند الباب : لا تنطرينه يدخل ويقول حبيبتي آنا وصلت البيت , استقبليه إنتي عند الباب واحظنيه وبوسيه ..










33- قعديه من النوم ابوسه…










34- فطور بالفراش على شكل قلب : كتغيير سويله فطور بالفراش في يوم الإجازة ويكون على شكل قلب " البيض, بانكيك , الزبدة , التوست …."




















35- ساعديه لمن يحلق..










36- كوني أقرب أصدقائه : خليه ياخذ راحته معاج ويكون على طبيعته ومايتصنع وحاولي تكونين أقرب أصدقائه لمن يبي يتكلم تسمعينه ولمن يضحك شاركيه وحتى لمن يشكي أو يبجي واسيه ..









- ساعديه لمن يلبس : ساعديه لمن يلبس ملابسه صكري زراراته أو مسكيله الفوطة عند الحمام لمن يغسل وجهه ...










38- كوني متألقة : حاولي تكونين دايما جذابة بعينه وأنيقة من ناحية نظافتج ,لبسج, شعرج, ريحتج , والأهم ابتسامتج ودلعج بس هاااا لا تتصنعين! ...











39- لا تتذمرين : لا تتذمرين من نمط معيشتكم أو حالتكم المادية أو الأشياء اللي ماتقدرين تحصلين عليها أو مايقدر زوجج يوفرها لج , حاولي دايما تستمتعين في حياتج مهما كانت بسيطة ..










40- حاولي تكونين جريئة : المره طبعها خجولة ودايما تنطر الرجال اهو اللي يقوم بالخطوة الأولى لكن التغيير حلو , حاولي تقلبين الأدوار شوي وكوني جريئة و ابدي إنتي الخطوة الأولى ولمحيله ...
























41- لا تحرمينه : إذا عنده الرغبة وإنتي مو بالمزاج لا تردينه , طبيعة البنت تحب المقبلات اللي تسبق المعاشرة فتذكري إن الريال يحب الجنس والمعاشرة أكثر مما الحريم يحبون هذي المقبلات ( العناق والبوس) ..




42- لا تكونين متشائمة: لا تركزين واجد على السلبيات في حياتكم الزوجية حتى لمن تختلفون حاولي تتذكرين اللحظات الحلوة, للأسف بعض الحريم إذا اختلفوا مع أزواجهم حتى لو على شي تافه يكبرون الموضوع وهالشي التافه عندهم يمحي كل الأشياء الحلوة اللي سووها لهم أزواجهم من قبل.. دوري على النقاط الإيجابية بعلاقتكم …










43- حاولي تسرحين في ملامحه : لمن يكلمج حاولي تطالعين عينه وخشمه و بعدها شفايفه وسرحي إذا حس فيج طالعيه وابتسمي ..










44- اخذي رايه في كل الأمور: اخذي رايه بالمواضيع اللي تخص الجهال و شنو يحب يتغدى وكل شي , خليه يحس إن رايه مهم في البيت …





45- تكلمي عن إهتماماته : إذا زوجج يحب شي معين أو عنده هواية معينة ( سيارات , حداق , كرة , بورصة ,عقار …) تكلمي معاه عنها راح تشوفينه ينطلق بالكلام وماراح تقدرين تسكتينه ! …










46- فكرة للبدء بليلة رومانسية إذا كان زوجج بره البيت : سوي على الأرض ممر من باب البيت الى غرفة النوم باستعمال :




الشموع









الورد + الشموع









47- حطي ورقة على ريموت التلفزيون كتبي عليها ((turn me on instead!










48- التغيير حلو مع شوية ضحك " للجريئة فقط " : حاولي تخلين ذكرى في كل غرفة في البيت وكل مكان بالغرفة يعني لا تتعودين دايما بالفراش أو على القنفة ( جربي على الغسالة أو النشافة واهي تشتغل ! )










49- ورقة في بوكه : حطيله ورقة في بوكه بين الفلوس كتبي عليها (احبك ) أو أي كلمة حلوة .










50- لمن يسافر: حطيله ورقة بين أغراضه بالجنطه كتبي عليها ( اشتقتلك ) او( وحشتني ).










51- احتفلي بالمناسبات ( يوم زواجكم , يوم ميلاده , الأعياد ...) خصصي اليوم لكم انتوا وبس وحاولي تنومين الجهال امبجر أو يغيرون جو ينامون بيت يدتهم أو عمتهم أو خالتهم ... جهزي المكان , اللبس , الأكل , مع هدية بسيطة . وإذا ماعندج ميزانية أحلى هدية تقدمينها

اشتري من المكتبة بطاقات ملونة باللون اللي تختارينه لهاليوم وكتبي على كل بطاقة عمل تقدمينه له ورسمي صورة لهالعمل وخلي الرسم كاريكاتير مضحك مثال:







Spa رسمي شموع و فوط وورد









حمام استرخاء ورسمي بانيو كله فقاعات









عشاء على مزاجك (وانتي تكونين الشيف و الجرسون )











و ان شاء الله يارب يعمر حبكم كلكم الى اخر العمر ...

تحياتي

[أم عمران]

يعطيك العافيه اختي شموخي عذبني على هالموضوع
تسلمين

[عصفورة القمر]

افكار حلوه
شكرا عالموضوع

[جيداء]

موضوع رائع

[أميرة الأميرات]

يسلمووووووووووووو يالغلا

[حلم الامومة]

يعطيك العافيه على الموضوع

[أمومه ومحبه]

جزاك اللــــــــه خيـــــــــــــــــر ..

[همس الكلام]

موضوع راااااااااااااااائع اختي
سلمت يدااااااااااااااااااك

[NanaWewe]

يسلمو
والله يعطيك العافية وجزاك الله كل خير

[حنونة فهد]

42- لا تكونين متشائمة: لا تركزين واجد على السلبيات في حياتكم الزوجية حتى لمن تختلفون حاولي تتذكرين اللحظات الحلوة, للأسف بعض الحريم إذا اختلفوا مع أزواجهم حتى لو على شي تافه يكبرون الموضوع وهالشي التافه عندهم يمحي كل الأشياء الحلوة اللي سووها لهم أزواجهم من قبل.. دوري على النقاط الإيجابية بعلاقتكم …








امس صارت معايا جيت اقوم زوجي وهو فجأ صرخ يبغى ينام وانا جالسه ابكي ودموعي تنزل

قال اوووووف ما اقدر انام يعني

وانا دموعي مهي راضيه توقف وقفتها بالقوة واقول حتى الواحد وهو نايم حا تحاسبيه على كل شي

فكرت وفكرت واخرتها نسيت الموقف

بس احلى شي انه لما رجع ثاني ينام قال معليش تعبتك وانتي تصحيني ترى بعض الاحيان اصرخ

قلت له اليوم صرخت

قال كأني حاس

بعدها كان على قلبي زي العسل

يارب يخلي لي زوجي ويسخره لي


بس من جد موضوعك يجنن

بس الكلمه إللي على الريموت شو معناها ( ثقافتي فرنسيه للاسف ) هههههههه