لو اهل زوجك مابيعجبهمش العجب ادخلي هنا

[prịncēṧṧ]

هلا بنات
موضوعي عن الاتيكيت مع ام زوجك اولا
خصوصا لو كانت ارشانه ( يعني ميعجبهاش العجب ولا الصيام في رجب)

طبعا لما تزورك وتعرفي انها جايه ( معظم الستات بيبقي يوم رعب اول ماتدخل حمتها البيت ) هيهيههي كنت كدا لما اتجوزت بس الله يخليلهالي طلعت نايس وزوق

اولا خلي جوزك يلبس نظيف ويستحمي ويتعطر علشان ماتقولش
انتي ليه هامله جوزك ليه مش نظيف الخ الخ الخ واعوزو بالله لو ارشانه
تخليكي تطلعي من هدومك اساسا
ثانيا انتي البسي وتعطري وكوني ملكه حتي لو مابتلمسيش الميك اب
حطي شويه بس مش اوفر يعني
خليها تحس ان ابنها متجوز واحده اخر جمال

ثالثا لو عندك اطفال لبسيهم كويس دول اهم حاجه في الدنيا
بتنتقضك لو العيل مش نظيف وبتبقي حاجه وحشه اوي انها تقولك
كلمه علي عيالك وخصوصا لو بيبي صغير خليه يلمع كدا

رابعا نظفي بيتك ركزي بقي علي الحتتين دول
الحمام وانتو بكرامه
والمطبخ
دول اكتر حتتين في الشقه كلها مهمه بالنسبالها
دا يحدد مدي مستوي نظافتك ولو سقطي في الاختبار دا
هاتلاقي جوزك امه بتتصل بي كل 5 دقايق تعاله كل عندي

خامسا استحملي وتعالي علي نفسك واسمعي كلامها
وماتقوللهاش ياخالتي يا حماتي لالا
قوللها ياماما علشان تحس انك بتحبيها
حتي لو مش بتحبيها اساسا

سادسا ودا اخير اعمللها غداء او عشاء محترم كدا
علشان تعرف ان انتي بنت كرم مش بخيله
ولو انتي في بيتها
ماتتحركيش من علي الكرسي غير لما تناديكي
لو عاوزتك يعني
اتكلمي بصوت هادي كدا تكوني نسمه كدا قاعده معاهم
بلاش حب الاستطلاع الي عند نص الناس دا
خليكي كدا في حالك وطيبه
من وقت للتاني قوللها اساعد حضرتك في حاجه وكدا
دا بالنسبه للام

ابو زوجك بقي اغلبهم هاتلاقيهم طيبين اوي
كلمات بسيطه اوي تكسبي بيها حماكي
اولا خدي رأيه في القعده
يعني مثلا عايزه تهزري وتقولي جوزي كشري مثلا
تقوليله مش كدا ياعمي
يعني حسسيه ان ليه قيمه في الموضوع

تانيا
قوليله يابابا ديما علشان تحسسيه انك بتحبيه

تالتا اسئليه عاوز حاجه كدا
دا بالنسبه لوالد زوجك
شوفتو الرجاله طيبه ازاي

اخواته بقي
لو ليه اخت ارشانه ( برضو مايعجبهاش العجب ولا الصيام في رجب)
اتعملي معاها بحب وطيبه حتي لو بتكرهيها
اياكي واحذري كل الحذر من الضحكات الصفرا
او الي من غير نفس دي
لما تيجي عندك افرشلها الارض ورد
وحسسيها انك بتحبيها
ولو عندها اطفال من الي بتكسر البيت
لما تيجي شيلي اي حاجه ممكن تتكسر
ولو كسر حاجه قولي لزوجك بس بينك وبينو مش قدامها وهو هايتصرف
اما بقي لو هيا ست في حاله كدا وطيبه وعسوله كدا
صاحبيها وحبيها
انا واخده اخت جوزي صحبتي والله ماشوفتش حد في طيبتها ابدا
اما لو كان راجل
فاعادي مش هاتلاقي مشكله في التعامل
اغلبهم بيقولك مرحبا ويروح يتكلم مع اخوه
مش زي الستات تاخد وتدي في الكلام

لو انتي في بيت اخو او اخت زوجك
برضو خليكي في حالك وقوليلها مثلا
بيتك جميل وعجباني مثلا الكنبه دي
حتي لو زوقها بلدي اهو امدحي وخلاص


وفي النهايه دي كانت حبه نصايح كدا
لان اختي متجوزه وزوجها غلبااااااااااااان
انما اهله الله مايوريكم مش ممكن
يلا
فانا اتعلمت منها وقولت افيد يعني
يلا سلام

[ام فهيد باذن الله]

شكراوالله كل الي قلتيه اسويه واسوي لهاكل شي اغسل لهاانضف البيت لهااطبخ لهاالي تتطلب من انواع الاكلاات واجيب لهاهدياواحنيهاواتكلم معهاواتصل اسال عنهاواي شي نفسهافيه اقول لولدهاعلى طول وووووووووووووووووووووووبس ماتحبني ولايعجبهاشي ابدامن الي اسويه الحمد لله على كل حال

[حنين الجنة]

قوللها ياماما علشان تحس انك بتحبيها
حتي لو مش بتحبيها اساسا


ده عند ام ادهههههههم

تسلمى على الموضوع الشيق بس ياريت ينفع معاها

[يارب فرجها]

يعني اموت من التعب عشان تحبني عنها ماحبتني ...اش اسوي بجلس على طبعي حبتني ولا خلتني ...انا ماتزوجتها عشان ارضيها !!!!!...عشان زوجتني ولدها اكون زي الشغاله ....معليش انا طيبه وعلى نياتي ...لكن كلمة حق والله الحموات ماينفع معهم الطيبه ولو مدحوك في وجهك تكلمو فيك من وراك ...يعطيك العافيه حبيبتي

[سموةالجرح]

صحيح الكلام عمرها ماحبتني اهم شي زوجي وعيالي والباقي خس

[prịncēṧṧ]

صح والهي في حموات الله مايوريكم جربتها مع اختي

[زهره الرمان]

الله لايردهااااااا لا هي ولا اتكيتهاااااااااااااااااااا

[prịncēṧṧ]

ايوا في حموات فظيعه

[فخورة بزوجها]

صح بس الكلمة الطيبة تلين الحجر

[ام ريناد0]

لا والله حماتي ساكنة معي في نفس العمارة
وتنزل عندي كل يوم من الطفش وكلمة حق عمرها مادخلت في شي
الله يعطيها الصحة والعافية وخليها