الحماة والمقعد الأمامي

[نغم]

مشاكل المقعد الأمامي للسيارة بين الحماة و الزوجة
موضوع لا يخلو من الطرافه لكن......
مشاكل المقعد الأمامي للسيارة
لا تستغربي من موضوعي هذا فقد حصلت بالفعل مشاكل كثيره بين الأزواج بسبب أن أم الزوج ( الحماه ) تجلس بالمقعد الأمامي للسياره أثناء أصطحاب إبنها لها مع زوجته في مشوار ما .

فالزوجه ترى أنها الأولى أن تجلس بالمقعد الأمامي بجانب زوجها و تجلس حماتها بالمقعد الخلفي .
والحماة كونها الأم ترى أن لها الأحقيه كونها الأم أعرف أحدى معارفي كانت رايحه مشوار ولما شافت أم زوجها قدام تقول جن جنوني وصعدت شقتها ركض وسوت حنقه كبيره موت مع زوجها المسكين
طيب بنات قولوا الصدق مين أحق أنت ولا أم زوجك برأيك الشخصي
أتمنى تفاعل وأتمنى أن موضوعي مو مكرر

[أم الشيخ خلودي]

ام الزوج والله حرمه كبيره وتستحق التقدير انا اطلب منها تركب قدام وهي ياحوبي لها ترفض طقاق عند الباب اذا عاد مره اصرت ركبت قدام ..*_^ ولاهي دايم معنا مب ضارني

[ماسة الذهبي]

طبعا أم الزوج أحق تخيلي نفسك بكرة هل ترضين ان ولد يركبك ورى وزجته قدام انا حتى لو وحدة من اخواته اللي اكبر مني اجلسها قدام وفي النهاية كلنا رح نوصل مع بعض خخخخخخ

[بيسان]

طبعا احتراما لها تجلس قدام لأنها الأكبر وهي أم ورح يجي يوم وأنا كون أم وألقى نفس الأحترام ان شالله

[همس الكلام]

ام الزوج بما انها حركه كبيرة تركب قدام وكله في الاخر دين
وعشان اكبر في نظر زوجي طبعاااا

[*أم سلطان*]

أم الزوج تجلس قدام ،،أحترام لها ،،
والصراحه الجلسه ورى أحلى وخاصه لاجلستي ورى زوجك ،،
ويحط المرايه عليك أجلسي غمزي له ،، وخاصه لاصرتي لابسه لثام ولابرقع،
هههه بس انتبهي يجيب العيد،،
كني شطحت شوي ،،

[منعطفات]

المشاركة الأصلية كتبت بواسطة *خالة سطان*

أم الزوج تجلس قدام ،،أحترام لها ،،
والصراحه الجلسه ورى أحلى وخاصه لاجلستي ورى زوجك ،،
ويحط المرايه عليك أجلسي غمزي له ،، وخاصه لاصرتي لابسه لثام ولابرقع،
هههه بس انتبهي يجيب العيد،،
كني شطحت شوي ،،

يا حليلك يا خالة سلطان ذكرتني بزوجي لما أركب وراه ... أنواع الغزل الله يخليه لي ...
وبعدين ام الزوج أحق بالمكان مني لأنها حرمة كبيرة وغير كذا أمه والأم جنة والعرب كلها ناااااااااااااااااااااااار..

[!راما!]

المشاركة الأصلية كتبت بواسطة *أم سلطان*

أم الزوج تجلس قدام ،،أحترام لها ،،
والصراحه الجلسه ورى أحلى وخاصه لاجلستي ورى زوجك ،،
ويحط المرايه عليك أجلسي غمزي له ،، وخاصه لاصرتي لابسه لثام ولابرقع،
هههه بس انتبهي يجيب العيد،،
كني شطحت شوي ،،

كلااام صحيح

[قطرات ندى]

طبعا ام الزوج

[قطعة سُكر]

أكيد أم الزوج بغض النظر أنها إمرأه كبيره
هي قبل كل شي أمه وهذا أعتبره حق من حقوقها
الحين هي تخلف وتسهر وتتعب وتجي وتجي الزوجه بكل سهوله تركب قدام
الزوجه بدالها زوجه لكن الام مااحد يحل محلها

..موضوع يستحق الطرح اشكرك نغم
وتقبلي مروري