بنات الله يخليكم دخلوا

[سألوا دمي عن غلاة امي]

السلام عليكم ورحمة الله وبركاته جميعا

انا اليوم قعدت من النوم ولقيت بقعة دمـــ حيل كبــــــــــــيرة فقمت اصرخ و زوجي كان بالدوام وانا بروحي بالشقة بس عندي الخدامة تكرمون حتى الحمام ما اقدراروحه الفرش و ملابسي و السرير كله دم صرت اصرخ و يت الخادمة مسكتني و ودتني الحمام عاد بالحمام اهيا راحت تييب لي فوطة انا ما مسكت شي ولا ازلق على بطني و طلع ماي الرحم والله ماني قادرة حتى اقعد كله منسدحه ع الفراش ياربي اللي عندها اي حل ترد لا تخليني ادق ع زوجي جهازه مغلق و انا ما اسوق شسوي ياربي ما عندي غيركم

[rose]

ياقلبي طيب اسمعي انتي بتحسي بمغص ؟؟؟

حاولي تدقي ع احد من اهلك

[كآبتشينو]

وش تنتظرين ياختي .. حآولي تدقين ع زوجك من الدوآم او دقي ع احد من اهلك ومعآرفكم ..

لآتهملين روحك روحي المستشفى بأقرب وقت عشان تتطمنين ع نفسك وجنينك ؟

تحسين بألم في بطنك وظهرك ؟

وتحسين بحركة الجنين ؟؟

[كآدي]

بسم الله عليك يا قلبي

وليه كل هذا الخواف يوم شفتي الدم

كان سميتي با الرحمن ويوم ناديتي خادمتك قلتي لها تجيب الفوطه
ورحتو سوا
يا قلبي ليه اني مرعوبه من الولاده اذا هذا شهرك
توكلي على الله بس انتي شفتي في البدايه دم
والدم بروحه ما يصلح
لانه يمكن يكون انفصال في المشيمه ولازم عمليه
بس يوم زلقتي طلعت المويه يا حبيبتي يا الله روحي المستشفى عشان الجنين
ما يصلح كذا ولا تخافين اذكري الله عشان ما تعسرين نفسك وتعسرين البيبي
وان شاء الله خير

[كرميلا]

طمنينا عليكي والله مره خوفتيني ...

الله يكتب لك اللي فيه الخير امين يارب..

[سألوا دمي عن غلاة امي]

حبيباتي دقيت على زوجي ورحنا عند الدكتور قال لازم نسوي سونار عشان نتطمن على الجنين و اهوا قاعد يسوي لي سونار قال لي لا الحمدلله مافي شي بس لازم نشوف جم مفتوح الرحم رحت وشفنا قال لي 7 سم والله الحين كله اشتغل بالبيت خدامتي مادري شفيها معصبة و مو راضية تشتغل كله قاعده بغرفتها وانا اطبخ واغسل تكرمون الحمامات و اغسل الملابس واكويهم والله تعبت ظهري صار يعورني وكله يطلع افرازات و دم و من تحت السر صار بطني تحت حيييييل يعورني من كثر حركة البيبي و قبل شوي اخت زوجي يابت لي خدامتها عشان تشتغل شوي عشان انا ارتاح بس والله ظهري وبطني حيييييييييل يعوروني و ريولي منتفخه ما اقدر اتحرك حتى ابي اسوي تمارين و ابي اقعد و ابي اسبح ماني قادرة شسوي ياربي الحل يا خواتي

[بنت عتيبه]

طيب سبعه سم وطلعوك غريبه ذي ولاده

انتي بااي شهر حبيبتي الله يعينك وماتشوفي شر
ويقومك بالسلامه ..

[المستحيله]

غريبه 7 سم وطلعتي من المستشفى...
ارجعي للمستشفى وامشي وكولي تمر... خل عنك شغل البيت .. والله يقومك بالسلامه

[غلاي امي]

غريبه 7سم وطلعوك ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

[سألوا دمي عن غلاة امي]

انا بالشهر التاسع ورحمي مفتوح 7 سم الدكتور اتصل على زوجي قاله لازم تنام عندنا بالمستشفى عشان بس يصير فيها طلق على طول ننزلها غرفة الولادة لأن انا رحت عند دكتور ثاني ليمن راجعت الصبح لأن دكتوري كان مستأذن عنده مشوار شوي و رجع فقلت ادخل عند دكتور ثاني احسن ما اني انطر فهذا الدكتور هندي ما يفهم شي شكله الظاهر بس الحن دق الدكتور على زوجي وقاله هذا الدكتور ما يفهم مفتوح 7 سم و يطلعها بره المستشفى لازم تنام عندنا اليوم ليمن الله يقومها بالسلامة اهيا والجنين اللي في بطنها والحين انا طالعة المستشفى ادعو لي بولادة سهلة و طفل كامل من غير نقصان يااااااااااااارب العالمين دعواتكم لي