ساعدوني اللي تعرف علاج العظيم ارجوكم

[جويل جو]

السلام عليكم ورحمة الله وبركاته
لكل وحده عندها خبره
ولد اختي اشك ان عنده العظيم وزنه قليل ومايرضع زين ودايم يستفرغ
واللحين قرب يخلص السنتين وماياكل زين ابد
الله يسعدها في الدارين اللي تقولي على دكتور يعالج هذا المرض في الرياض
وربي يرزقكم من واسع فضله

[بوح المشاعر]

السلااااام عليكم

مايشوف شر

الدكتور حموده بمستشفى الشمااااااااااالي

يعرف للعظيم ويرجعه مكانه

وانتي ابحثي بقوقل ياحلووووووه
ودقي على الاستعلامااااااات وخوذي رقم المستشفى ودقي احجزي موعد
الكشف ب50 ريااااااااااااال


ومايشووف شر

[العاااالي مستواها]

مساءالورد-
ان شاءالله مايشوف شر انا منزله موضوع عن العظيم
في النتدى .

شوفي خلي اختك تحط على راسه كريم مكان اليافوخ من فوق.
وفيه علاج اسمه (سيف زيل) مررره ممتاز للعظيم

اذا هي في الرياض تسأل عن الحريم الي يوخرونه او تكويه .
ملاحظه:لاتروح للحريم الا اخر شي اذا مالقت له علاج.

ربي يشافيه ويخليه لكم

[بنت السيل]

السلام عليكم خليها اول حاجه تشوف المستشفي يمكن عند الولد مشكله في المعده او الامعاء

[جويل جو]

الله يجزاكم الف خير كل اللي ردو
وييسر اموركم يارب
واختي ماخلت مستشفى الا ودت ولدها وكلهم يقولون عادي مافيه شي مره يغيرون الحليب ومره يعطونه علاج للستفراغ ولا استفاد شي والله اختي تعبت من كثر ماتروح مستشفيات
حتى اخر مره راحت المستشفى قالت لها الدكتوره ان العظيم خرافات وماهو موجود

[بوح المشاعر]

المشاركة الأصلية كتبت بواسطة جويل جو

الله يجزاكم الف خير كل اللي ردو
وييسر اموركم يارب
واختي ماخلت مستشفى الا ودت ولدها وكلهم يقولون عادي مافيه شي مره يغيرون الحليب ومره يعطونه علاج للستفراغ ولا استفاد شي والله اختي تعبت من كثر ماتروح مستشفيات
حتى اخر مره راحت المستشفى قالت لها الدكتوره ان العظيم خرافات وماهو موجود

هلا بك

قلت لك الدكتور حموده يعرف له بمستشفى الشمااااااااالي
ترى مو كل حرمه تعرف له واذا راح للحريم راح يتعود بين فتره وفتره
والدكتور هذا شاطر له 15 سنه بالسعوديه
اذا رجعه باذن الله مايرجع له مره ثانيه
هذاااااااااااااااا طبعا اذا كان عنده عظيم يمكن عنده التهاب بالمعده لاسمح الله
انتي جربي تاخذونه عند الدكتور حموووووده

[ام لاراا]

الحريم ادرى بهالامور عيال اختي من يوم يولدوا وتاخذهم امي لحرمه ترفع لهم بالتمر قبل مايكبر

[بنت السيل]

حبيبتي سووله اشعات للمعده والامعاء

[جويل جو]

الله يجازيكم الف خير كل اللي ردو
وجعلها في موازين حسناتكم
والله لا يوريكم مكروه امييين

[الوتين]

مايشوف شر نصيحه لوجه الله د\حموده
مستوصف الشمال بشارع ابو الاسود بالنسيم
والله مجرب لولد اخويوحده بوحده باذن الله