اسرار القهوه القصيميه

[عزيزة النفس]

السلام عليكم ورحمة الله وبركاته
اختلفت الاراء حول مكونات ومقادير القهوه القصيميه وكلن له طريقته ولا ادري انا عن افضلها...اللي عندها فكره تدخل وتفيدنا:

حطي بالترمس زعفران والهيل وعودين مسمار مع ملعقة حليب بوني وصبي عليها قهوتك بعد ماتررركد واستمتعي باحلى قهوه ويفضل تكوني ناقعه الزعفران بمويه مغليه في الترررمس


خلطة القصيم عبارة عن نانخة وكثيير يعرفونها بإسم النخوة زعفران ليس بالزعفران الإيراني بل الزعفران الأكل مسمار هيل بن

يخلطون قليل جدا من الزعفران فقط نقطه تضعينها في البراد اللي تسوين فيه القهوة مع البن والهيل والنانخة والمسمار وحليب بودرة ملعقة حلا او على حسب ما تحبين لونها وتضعين عليها الماء المغلي وتترك تغلي لمدة لا تقل عن ساعة الا ربع حتى تعطي نكهة جيدة وفي الترمس تضعين ملعقة حلى كبيرة هييييييل وتصبين عليها قهوتك وتترك خمس دقائق تهدأ وتتخدر وبعدها تذوقي وادعي لي.

انا اجربها كذا واحيانا كثيير ما احط الا هيل وبن وحليب فقط لكن سر قهوتي طبخها الكثيير وبصراحة كثييير معجبين بقوتي ويطلبونها والله العظيم طلب .

انا جربت خلطة قهوة القصيم وشفت مكوناتها وجربت هذي المكونات اللي قلت لكم عليها والله العظيم طلعت نفس الخلطة وما تفرق عنها شئ حتى كثيير يفتكروون اني استخدمها وهي مكونات بسيط




ابداابدا القهوة القصيمية يحطون فيها نانخه او زعفران الاكل لا يمكن! والعكس صحيح يحطون الهيل والزعفران ابو شيبه الاصلي ويمكن شوي قرنفل وكوفي ميت كلها يخلطونها مع بعض بس بنسب معينه وهذي هي اللي ما اعرفها وابي وحده مجربه وخبيره تعلمنا



عندي خلطه بتسويها بالبيت جنان عصفر وهو اسمه كذا يشبه الزعفران يعطي لون اطلبي من العطار عصفر هو بيعرفه على طول ربع كيلو بخمسه ريال والكيس مليان و زعفران دهني اللي علبته صفراء وغطاه اسود بعشره ريال وكوفي ميت وكم عود مسمار او قرنفل وشويه هيل ان شاء الله مانسيت شي




تكفون علمونا الطريقه بالتفصيل العتيبيات يحطون عليها شيبه وطعمها وريحتها تفتح النفس-------ليش الحسد يابنات حنا مانعرفكم اصلا ليش ماتعلمونا ونفيدكم ونستفيد ولكم الاجر والدعوه-

ههههههه ليش معصبه ياقلبي انتي على العموم استخدام الشيبه سهل جدا وانا مقدر استغني عنها بالمره وارد واقول للجميع القهوه بحمستها ولازم الوحده لماتحمسها تحط معها شيبه لان الشيبه بطلع لها نكهه حلوه وانتي مخيره بعدين تضيفي قرفه او مستكه او نانخه او زي ماتحبي وعلى فكره انا بهالرابط الي بنزله ماكتبت ان بعد مانحمسهم نشيل الشيبه ونطحن القهوه
وزي ماقلت ضيفي مع الهيل والمسمار ماتحبي من الخلطات زنجبيل او قرفه او نانخه الي تحبي
انا احط مع قهوتي قرفه وبعد ماتخلص اضيف الزعفران واكون حاطه بالترمس هيل وشوي مسمار وزنجبيل شوي ونانخه شوي واممممم وتلذذي بالطعم وان شاء الله افدت ولو بشيء بسيط ودمتو بحفظ الرحمن


إذا تبغي قهوة جنان إحمسيها في البيت افضل ويكون على نار هاديه والبن لازم يكون خولاني ترى هو أفضل البن وريحته تهبل والخلطه ماعندي علم بس صدق الشيبه حلوه مررره تعطي نكهة خيال وبس



القهوه المطوره ا

2كوب هيل
علبة كبيرة مبيض قهوة
1زعفران دهني عند العطار ب10ريال
ربع كوب كلا من مسمار مطحون +زنجبيل
ملعقة صغيرة كاكاو بودرة ونسكافية للنكهة يطحن الهيل ويخلط مع باقي المقادير وعند عمل القهوة يضاف ملعقة واحدة للقهوة وتقدم وصدقيني الكل بيسالك عن سر قهوتك خصوصا لونها يصير اصفر مثل الذهب والنكهة يمممممممم خيال



مساء الخير
أفضل خلطه للقهوه بالنسبه لي .. يطلع لون وطعم مضبوط... اولا اذا حطيت المويه في الابريق احط شوي زعفران ابو شيبه حق القهوه .. لا تحطين زعفران البودره حق الاكل لان طعمه مو حلو مع القهوه.. ليه مع المويه عشان يعطي لون من كميه قليله.. طبعا اذا فاحت المويه تضيفين البن .. واهم شي في طعم القهوه انك تتركينه تغلي مده كافيه (اقل شي ربع ساعه) ..لانك اذا عجلت عليها ماراح تعطيك الطعم المطلوب .. قبل ما تطفين عنها بخمس دقايق حطي شوي حليب سائل ( ابو قوس - وادي فاطمه ...) عليها.

في الترمس حطي ملعقه كبيره هيل مطحون وملعقه صغيره عويدي (قرنفل) واذا تبين لونها اصفر زياده حطي شوي زعفران .. وصبي قهوتك عليها .. عندي كذا احسن من الخلطات واطعم..

والاخت اللي تقول تحطون شيبه.. الشيبه تحطينها مع القهوه اذا حمستيها مع المستكه .. و لا تشيلينها اطحنيها معها ...
اتمنى اكون افدتكم ....

السلام عليكم ورحمة الله وبركاته

بناء على رغباتكم صلحت لكم القهوه من البدايه وطريقة حمسها وحبيت اوريكم طريقتي بالقهوه ويارب لك الحمد قهوتي الكل يمدحها اهلي وجيراني وكل الي حولي وحبيت تستفيدوا واتمنى انها تعجبكم ......

نبدا التحضيـــــــــــر :

نحمس على نار هادئه تقريبا ربع كيلو قهوه بريه اخذتها من محل خاص للقهوه وانا افضل البريه بمقلاه خاصه للقهوه ......
هذه الصورة تم تحجيمها. اضغط على الشريط لمعاينة الصورة بالحجم الكامل. ابعاد الصورة الاصلية 672x504.
ثم احمس مع القهوه تقريبا ملئ يدي شيبه وهذا شكلها ......
هذه الصورة تم تحجيمها. اضغط على الشريط لمعاينة الصورة بالحجم الكامل. ابعاد الصورة الاصلية 672x504.
ونحمسهم باستمرار وهذا شكلها بعد مرور ثلاث دقائق....
هذه الصورة تم تحجيمها. اضغط على الشريط لمعاينة الصورة بالحجم الكامل. ابعاد الصورة الاصلية 672x504.
وهذي بعد مرور5 دقائق.....
هذه الصورة تم تحجيمها. اضغط على الشريط لمعاينة الصورة بالحجم الكامل. ابعاد الصورة الاصلية 672x504.
وهذي بعد مرور 10 دقائق .....
هذه الصورة تم تحجيمها. اضغط على الشريط لمعاينة الصورة بالحجم الكامل. ابعاد الصورة الاصلية 672x504.
وهذي بعد ربع ساعه اذا تحبين المستكه ضيفي تقريبا 5 حبات وهي حار وحركيها لتذوب وشيليها عن النار ......
بالنسبه للشيبه لا ماتطلعينها ابد وتطحنينها مع القهوه عادي اما المستكه تحطينها بعد ماتحمسين القهوه وتكون حاره لسا ما طفيتي النار عليها وحركيها بسرعه مع القهوه والشيبه لمدة ثواني بس لاتطولين لانها بتلزق ثم صبيهم بصحن لين يبردو بعدين اطحنيهم ثو اطبخيهم مثل ماسويت

هذه الصورة تم تحجيمها. اضغط على الشريط لمعاينة الصورة بالحجم الكامل. ابعاد الصورة الاصلية 672x504.
ونطفي عنها ونحطها بصحن لتبرد تماما ....
هذه الصورة تم تحجيمها. اضغط على الشريط لمعاينة الصورة بالحجم الكامل. ابعاد الصورة الاصلية 672x504.
وهذي من قريب.....
هذه الصورة تم تحجيمها. اضغط على الشريط لمعاينة الصورة بالحجم الكامل. ابعاد الصورة الاصلية 672x504.
بعد ماتبرد ننسفها بمعنى نطلع قشرها وننفخ لتنظف القهوه وهذا شكل القشر لما تجمع ....
هذه الصورة تم تحجيمها. اضغط على الشريط لمعاينة الصورة بالحجم الكامل. ابعاد الصورة الاصلية 672x504.
ثم نطحنها طحن مو ناعم خشنه شوي .....
هذه الصورة تم تحجيمها. اضغط على الشريط لمعاينة الصورة بالحجم الكامل. ابعاد الصورة الاصلية 672x504.

ثم نحط بابريق القهوه 5 كاسات ماء ونخليها تفوح لما تفوح اضيف حبتين عود قرفه اذا تحبين القرفه .....
ثم اضيف عليها ملعقتين كبار قهوه ونص ملعقة حليب بودره او شوي حليب سائل ......
هذه الصورة تم تحجيمها. اضغط على الشريط لمعاينة الصورة بالحجم الكامل. ابعاد الصورة الاصلية 672x504.
وخليها تطبخ ربع ساعه على نار هادئه .....

واحط بثلاجة القهوه ملعقة هيل ....
هذه الصورة تم تحجيمها. اضغط على الشريط لمعاينة الصورة بالحجم الكامل. ابعاد الصورة الاصلية 672x504.
ونص ملعقة مسمار ....
هذه الصورة تم تحجيمها. اضغط على الشريط لمعاينة الصورة بالحجم الكامل. ابعاد الصورة الاصلية 672x504.
وقبل لاشيل القهوه من النار اضيف زعفران واخليها اقل من دقيقه لتاخذ اللون الاصفر ....
هذه الصورة تم تحجيمها. اضغط على الشريط لمعاينة الصورة بالحجم الكامل. ابعاد الصورة الاصلية 672x504.

هذه الصورة تم تحجيمها. اضغط على الشريط لمعاينة الصورة بالحجم الكامل. ابعاد الصورة الاصلية 672x504.
ثم تصب بالثلاجه وتقدم ......
هذه الصورة تم تحجيمها. اضغط على الشريط لمعاينة الصورة بالحجم الكامل. ابعاد الصورة الاصلية 672x504.

هذه الصورة تم تحجيمها. اضغط على الشريط لمعاينة الصورة بالحجم الكامل. ابعاد الصورة الاصلية 672x504.
ملاحظه انا حمست القهوه درجه متوسطه تبيها افتح اغمق انتي مخيره بس خير الامور اوسطها وكمان لازم تطبخ على الاقل ربع ساعه لنص ساعه
والقهوه الحلوه مالها دخل لابنوعية هيل او مسمسار هي على الحمسه واذا بتحمسين كميه مثلا كيلو قهوه حطي معها نص كيلو شيبه بس حطيها بقدر كبير علشان تحمسيهم زين ولاتنسين تحمسيتهم باستمرار علشان ماتلون من جهه وجهه لا ، ودمتوا...
وبالعافيــــــــــــــــــــــ ـــــــة ...... دعواتكـــــــــــــــــم

[غلا الشوق]

تسلمين يامديرتنا على الطرح

يعطيك الف عاااااااافية

[مي نور البدور]

ربي يعافيك ويحرم يدك عن النار بجد اشتهيت اتقهوى اخر الليل