لحقو بتاريخ 1/12/2012 راح أتوفى

[المتفائلة دوماً]

قال تعالى : "كل نفس ذائقة الموت"
صدق الله العظيم ...

طبعاً كلنا مؤمنين بقضاء الله وقدره ولاإعتراض لحكم الله ... ولازم كل واحد يقوي من شوكة إيمانه بالله
.
.
.
بنات .. أنا حلمت حلم غريب جداً أحس هالحلم يشير لشي أو تنبيه لشي خطييير بس ماعرفت وش هو ..
حلمت انه فيه ميزان إلكتروني يبين وزن الشخص وتاريخ وفاااته .. نحن بالحلم مجموعة أشخاص ما أذكر حد فيهم إلا وحدة من خواتي الله يطول بعمرها .. هي طلعت بالميزان بس ماعرف وش طلع معها .. لأني كنت مامعطيه هالميزان أهميه بالمرررره كان ف بالي انه ميزان خرااافي ...
لما نويت أطلع ع الميزان قالت أختي مايحتاج انتي تطلعي عليه لأنه معروف ان عمرك طويل .. بس لما جيت وطلعت ظهر وزني 70 وتاريخ وفاتي 1/12/2012 وف الواقع انا وزني 48 فلما شفت وزني قلت لااااا مستحيل هذا وزني وأكدت لهم ان الميزان غير دقيق بنتائجه ..وكان كل همي ع الوزن وماعطيت تاريخ الوفاة أي اهتمام .. بس فيه حد من الموجودين قال لي : لأ هالميزان جداً دقيق وعالي الجوده وماعطيته اي اهتمام..
من صحيت من النوم ونا ناسيه هالحلم ولا حتى جا ف بالي اني حلمت شي أصلاً .... والأغرب ف الموضوع اني تذكرت هالحلم بعد صلاة الظهر ونا جالسة أقرأ سورة البقرة فجأه تذكرت هالحلم وكل اللي ف بالي تاريخ وفاتي .. ياربي وش هالحلم وش هالتاريخ وش تفسيره أحس هذا إشارة وتنبيه لشي هااام بحياااتي ..
أتمنى من تعرف تفسير هالحلم تفيدني .. الله يوفقكم بحياتكم يااااارب

استغفر الله ربي العظيم ترا العنوان هو التاريخ اللي شفته بالحلم لا وحدة تفهم شي من الدجل

[sweet moon]

ياختي الحلم تفسيره مهم

فلا تعتمدي على المنتدى في تفسيره

والافضل تفسيريه لشيخ موثوق فيه

وان شاءلله خير

[المتفائلة دوماً]

المشكله ماعندنا مشايخة لتفسير الأحلام ولا ماحترت كذا ...

مشكورة أختي ع الرد...

[جنة الامومه]

اختي انا الي اعرفه اذا حلمتي الموت الى اي احد يدل عن عمره طويل
والله اعلم
ياناس لاتفسرون الحلم بشر الانه يحصل شره

[أم الكتكوته منونه]

الله يرحمنا جميعا بس كان قلتيه بعد ثلث ايام افضل وحاولي تدورين بالنت على تفسيره

[المتفائلة دوماً]

شاكرة ردودكم يالغوالي تسلمولي ...

[أم لمآر]

أختي متفآئله ..

ذكرتيني أثنآء تصفحي في أحد الموآقع الأجنبيه كآنو عآملين بدآيت الصفحه أعلآن طويل عريض ..

وكآن مكتوب بهآالأعلآن أنو 1-12-2012 ــــ> هو نهــآية العآلم ..

وكآنو عآملين عد تنآزلي لهآليوم كمآن ..

الأعمآر بيد الله وكلنا بنموت بس الله وحده العالم متى ..

على العموم يآقمر مو عآرفه تفسير الحلم أذآ تحبي ومن بعد أذن المشرفآت رآح أرسلك رآبطه لأحد المنتديآت وفيهآ مفسره أرسليلهآ حلمك وأن شآء الله خير ..

تقبلي مروري ..

[@دبدوبه@]

ياليت نطالب بقسم خاص في المنتدى لتفسيرالاحلام والرؤيا من وحده او واحد موثوقين فيهم مثل منتدى سعوديات القسم موجود فيه والمسره الحين لها مده غايبه لظروف

[المتفائلة دوماً]

أشكر تفاعلكم معي حبيباتي ... بس اللي أعرفه انه الميزان يدل ع الإنصاف ف جااايز تفسيره ع حد علمي أني ماموازيه بين أموري الدينيه والدنيويه أنا من 3 أشهر والده ولاهيه ببنوتي الله يحفظها لنا يااارب .. وشوي هملت بالأذكار والامور الدينيه .. قلبي يقولي أنه هالحلم ينبهني لضرورة المعادلة بأموري وعدم إهمال الامور الدينيه ... ويذكرني بعد انه الدنيا فانيه وهناك موت ينتظرنا .. ع العاده أي حد عنده حلم من أهلنا دااايم يلجأ عندي أنا شوي عندي خلفية بهالمجال... بس هالمره أنا لجأت لكم لأن أعتقد تفسيره جداً ضرووووري هالحلم من مصدر موثوق... شاااكرة لكم خوااااتي العزيزات وبنتظر رد لتفسير حلمي من منتدى العروس وراح أفيدكم بأذن الله

[خجل الورود]

حبيبتي ادخلي على موقع تفسير الاحلام
وهناك الي يفسرون امشايخ مضمونين
اكيد راح يفسرونه لك
حبيبتي ام لمار ترى كله كلام خرافي قالو عام 2010 راح يجي كوكب من
السما وراح يقضي على نصف العالم
وكلام فاضي العلم عند الله ولاحد يعلم بلغيب
غيره سبحانه
الله يتمم ايامنى الجايه على خير يارب وتنغفر اذنوبنى يارب
تقبلو مروري