زوجي وافكاري

[mamy_cat]

بنات ابي رايكم وخبرتكم
لو رحت بيت اهلي اربع ايام ورديت بيت زوجي ولبست قميص نوم وكشخت 10/10 وشافني وكانه شي عادي ولاحتى قال كلمه شوق وحده واليوم الثاني قتله تعبانه وقاعد ينزل علي ماي من الرحم بس مو قوي بسيط كمات نومته وقالي ارتاحي
وبعدها دزلي مسج روحي بيت اهلج احسن امج تداريج احسن مني وفهمي انا مابي الفكه منج بس بيت امج احسن لج
الصراحه بنات تضايقت من المسج وطريقته مادري شسوي ادري اني تعبانه بس الوحده تحتاج الكلمه الحلوه من زوجها لانه اقرب الناس لها وادرا بالي فيها محتاجه الراحه منه بكلمه احس انه مو مشتاقلي حتى لمن رديت بيت امي ماقالي كلمه حلوه بلا زعل احس انه عنده احد ثاني مادري بس طريقه بدا يسهر برا البيت ويتاخر مع انه يقول يبي يتأخر ومره قالي انه باع فونه وفجاه لقيته مخبيه بالسياره ولمن قتله ليش ماتنزله قال مافيه رصيد بالعلم انه عنده تلفونين فواتير وهذا الثالث محتاره بنات وحاسه الشيطان بدا يلعب بعقلي محتاره ومتضايقه
,,,,,,,,,,,,,,,,,,,,,,للي عندها حل تفيدني بليز بنات ,,,,,,,,,,,,,,,,,,,,,,

[احبك يمه]

عليك بالاستغفااار حبيبتي والله يسخر لك زوجك آآآآمين

[~~لحن الحياة~~]

ولله مابعرف يا قلبي زوجك وانتي ادرى فيه
عدي معه وحاكيه وقليلو الي زاعجك
وان شاء الله خير
تقبلي مني كل احترام غاليتي

[نسمة المساء]

حبيتي ما أدري طبيعة علاقتكم بس أبي أنصحك لا تخلين زوجك يشوف منك إلا كل شي حلو ولا تكثرين شكاوي من الحمل ... أنا حامل مثلك وأدري بشو تحسين وكل الأوجاع لكن ترى الرجال أبد مايحسون مثلنا تصيرين بنظرو كثيرة دلع ويصير ما يحب يقعد معك... وبعدين ترى كل الرجال يحبون يسهرون مع أصحابهم ولا يسألون في زوجاتهم... خليك فرفوشة وابتسميلو وحالو يلاحظ عليكي تغيير والله يوفق بيناتكم ويحميلك بيتك آمين

[همي رضا ربي]

اكثري من قول لاحول ولاقوة الا بالله العلي العظيم

[غيبتك تنهي حضوري]

الله يسخر لك زوجي<<أكثري من قولها
واكثري من الاستغفار
واذا فيكي ناقشيه بهدوء..

أسأل الله أن يسخرلك زوجك..

[ألم الغربة]

الله يعينك ويسخر لك زوجك حاولي توضحين ال زوجك انك محتاجه اهتمام من عندوا مو من امك و شوفي شو ردة فعلوا

[ورد البساتين]

نصيحة من اخت لاتكثرين روحات لبيت اهلك ترى الرجال يمل من هالوضع ويتعود على غيابك ويصير عنده عادي وجودك وعدمه
الزمي بيتك حتى وانت تعبانة الا لوكانت الحالة تستدعي بقوة روحتك عند امك دايما لاقيه بوجه حلو ودلعيه واسألي عنه لو غاب بشكل حلو يعني لو تأخر عن البيت دقي عليه وقولي له وينك حبيبي خفت عليك دامك بخير الحمدلله انتظرك ياعمري وكذا
الرجال طفل صغير كل مابينتي له حبك واحتويتيه هو بيصير ملكك ولاتنسين الاستغفار والدعاء ان ربي يسخره لك ويجعلك قرة عين له

[شموخي تعداك]

وانا رايي من رائي ورد البساتين

وحاولي ماتنبهينه انك تشكين فيه لان الرجال ماينسى واذا طلعتي غلطانه بياخذ موقف انك ماتثقين فيه وهذي عن تجربه الشيطان لعب براسي وتهورت وطلعت الغلطانه واحس اخذ موقف يحس اني مااثق فيه
...
بس اذا تاكدي قولي له بس باسلوب يخليه يكره نفسه على هالحركه مو بزعل وعصبيه .. لازم يحس بالندم
..
ومن ناحية الاهتمام اكيد كل حامل يقل اهتمامها بزوجها وهو كذالك بس فاجئيه بعد الاربعين وحاولي اللي تبينه منه تعطينه انتي بالاول وهذي كمان مجربه

والله يسعدك ويوفقك دنيا واخره ويسخر لك زوجك ويخليه لك

[البر الامن]

الاخوات ما قصروا بس دائما حسسيه انك محتاجة له يعني مرة دقي عليه قولي وينك بس حبيت اطمن عليك ومرة قولي بس اشتقت لك ومرة ارسلي رساله البيت بدونك مو حلو او احبك وكل ركن في البيت يذكرني فيك او ما احب اقعد بدونك في البيت او لا تغيب كثير البيت ينطفي نوره بس لا تكثري من هذي الاشياء الرجال ما يحب احد يقيده او يدق عليه كل يوم ودلعيه وداريه شوي ايش عنده والله يسخره لك