انقلاب البيبي في الشهر الثامن شوووووووووووووو الحل

[miss LV]

السلام عليكم ورحمه الله تعالى وبركاته
بنات الحقووووووووووووو علي انا بالاسبوع 34 والجنين عندي كان وضعه طبيعي والحين صار راسه فوق وريوله تحت وتقولي الدكتوره اذا ماانجلب اجلبه بايدي والصراحه يقووولون الجلب صعب ويمكن ياذي الجنين

بليز بنات منو صار عندها نفس الشي والجنين غير وضعه بعدين او سوت شي خلته ينجلب لاني الصراحه مااابا اتعذب او اولد بعمليه

لا تبخلوووووووووووووووووو علي بالمساعده

وشكرا

[om sami]

انا كمان ابني كانت وضعيته هيك بس مقدرت الطبيبة تعدل وضعه لانه في خطر على البيبي وخيرتني بين الولادة الطبيعية وبين القيصرية ,وانا اخترت اولد طبيعي خفت من العملية ,فعملت قياس الحوض كان مناسب مع رأس الجنين فقالولي الاطباء ممكن تلدي عادي وولدت والحمد لله

[miss LV]

مشكوووووووووووره ام سامي عالرد

بس حبيبتي خفت ان اولده من رجووله ويصير فيه شي و العمليه تدرين صعبه وتكوون اخر حل
الحين احس راسه فووق عند صدري عاليمين وماايغير وضعه ابد


الله يسهل علي وينجلب مره ثاني بدايه التاسع

[حورية البحر]

ياحبيبتي لاتخافين الله ييسر امرك
اختي كانت مثلك وقالت لها الدكتوره
اعطيك اسبوع مهله واذا مانزل راسه تحت
راح اقلبه بايدي وفي ناس نصحونا قالوا لها
احبي مثل الطفل وراحت للدكتوره بعد اسبوع
وبفضل الله رجع البيبي وضعه ممتاز وراسه نزل
قالت لها وش سويتي قالت كنت احبي مثل الطفل
حتى الدكتوره استغربت انها جابت نتيجه
هي يمكن تكون صعبه عليك شوي بس اصبري
كل يوم شوي خذي لك كم لفه وانتي
تحبين واذا تعبتي وقفي
والله يسهل عليك ويتمم لك على
خير يارب ويفرحك بسلامته
وطمنينا عنك الله يخليك
وش يصير معاك

[دلع الورد]

الف سلامة كثري حبي ومشي وطولي بالسجود

[يارا ويوسف]

اول مرة ان الحبو يقلب الطفل على العموم جزاكى الله كل خير

طيب عندى سؤال هو ينفع اللى ولدت المرة الاولى قيصرى تولد المرة التانية طبيعيى ؟؟؟؟

[miss LV]

شكرا لج اخت دلع وحوووريه
انشالله بحاول احبي هالايام وانشاءالله يجيب نتيجه وابشركم

يارا انا الصراحه مااعندي فكره انشاؤالله البنات يفيدوونج بالموضووع واتممني لج ولاده ميسره

[مــــــلاك]

ماعندي فكره
بس قريت تجارب كثير بالنت ان الحبي يقلب راااس ..

ربي يتمم لك على خير وتولدين بسهاله ...

[مبتغاي الجنه]

اول مرة ان الحبو يقلب الطفل على العموم جزاكى الله كل خير

طيب عندى سؤال هو ينفع اللى ولدت المرة الاولى قيصرى تولد المرة التانية طبيعيى ؟؟؟؟




ايه يا الغاليه عادي اكثر الحريم كذا
زوجت اخوي اول بيبي قيصري والباقين طبيعي

الله يسهل عليك وعلينا ويكفينا شر القيصريات

[اتعبتني جروحي]

انا نفس وضعك والله
وياليت الي تقدر من البنات تفيدنا
الله يهون ويسهل عالجميع يارب