بنات من معه الحق انا ولازوجي :(

[بعثرة مشاعر]

سسلام عليكم

قلت بقولكم السالفه وانتوو احكموا منو الغلطان

انا طال عمركم مرهـ ماحوب المشاكل واتحاشاها دايم بس هالمره انقهرت واحس انوه معي حق والله من قوو القهر شووي واسوي كذا

المهم زوجي وعدني اروح لاهلي

وقال انوه بيطلع مع صديقه

وسوي لنا قهوه وشاي

وانا مزهبه عمري لرووحه وخبرت اهلي اني بجي

وسويت القهوه والشاي اللي طلبهم

بث لما دخل البيت قعد يتمصخر علي ومارح اوديك خلاس

وانا لابرووح واحلف ويحلف علي

الين عصبت وانقهرت واخذت القهوه واكبها كلهاا

هوني عصب علي وهاوشني وقال حتسسي وايد وقومي سوي قهوه من جديد ولاقسسم بالله اوديك لاهلك وماعاد ارجعك

عاد كسرت الشر وسويت قهوه واانا بس اصيح واسب والعن فيه

بث طلع وانا يجيني انهيااااااااااار

مدري معي حق

يعني ازعل ولاخلاس اسكر ع الموضوع

ولاوش رايكم

[مريوومة]

هلآبك آختي بعثرة مشاعر

هو شوفي الصراحه الحق معك يعني يقولك راح اوديك

وفجآآه يغير رايه خير عسى مآشر لآزم يكوون في سبب

مقنع علشآآن ما يوديك بيت آهلك بس شوفي اذا تبين راي

انسي الموضوع وقفلي عليه لآن الرجال ما يجي من وراهم

الا البلآء والهم صدقيني واسأليني وآلله اني اطنششه

لان الووحده مننا تتعب وهم ولا عندهم احسساس قسم

يقهرون طنشيه بس ولا عليك منه وسعي صدرك وانا

اختك وآلله لو يجيك شئ مو نافعك استغفري ربك

ورااح يروح قهرك وضيقتك بآذن ألله

ألله يسعدك ياارب انشآلله اكوون عرفت انصح هع

=) تحيااتي لك مريوومة @

[لن أيئس]

ياقلبي عليك ..
طنشي ياقلبي رااااح يعرف انه غلطان وبيجي يعتذر منك ..
بس لاااااازم تسئليه بهداوه وش السبب الا خلاه معد وداك لأهلك أكيييييد في سبب ..

الله يوفقك ان شاءالله آخر الأحزان ياااارب ..

[عيون قطر]

انا حسيت ان يتغشمر معاج يعني لو جيتي بالاسلوب الحلو ماكان صار شي واكيد هو ماخذ الموضوع مزح بس لما انتي عصبتي وكتيتي القهوه اكيد بيعصب عليج حتى لو انتي الغلطانه انتي مااستخدمتي الاسلوب الصح انا احيانا ريلي يسوي معاي نفس الشي اقوله اوكي الي يريحك بعدها يقولي اضحك معاج انا اشوف انج تعتذرين على انج كتيتي القهوه والباقي تقولين له مابي تتغشمر معاي وانا كاشخه اذا انتي ماتستحملين المزح

[خجل الورود]

حبيبتي انتي استعجلتي بردة فعلك كثير انا مره صار معاي هل موقف وكان قايل لي انا
بروح مع واحد من اخويائي مشوار ضروري ولا ابقى اجي لاوانتي جاهزه لاتأخريني
صدقني اني لبست عباتي وجلست عند الباب استناه واول مادخل قالي بكل برود ماراح اودك محل اجلسي محلك انا انقهرت مره وكتمت ولاتكلمت لا كلمه وكل ماسألني ماارد عليه غير ماادري عن شي وطلع وخلاني بس انا انقهرت اكثر بطريقة اسلوبه معاي وخصوصن انه طلع وهو مش امعبرني وبديت اصيح لين ماشبعت بكي وجلست مع نفسي وقلت طيب انا عصبت وغثيت نفسي وصيحت ونيحت وش راح يتغير راح يرجع ويوديني مثلا طنشت وقلت انا اعلمه واخليه يندم على فعلته قمت وجهزت العشاء وكشخلت ورتبت الشقه وبخرت المكان ورشيت عطور تفتح النفس ولمى رجع جاني واعتذر وقال لي انا مو قصدي اغثك بس ماعرفت كيف اصرف وقول لك اني تعبان وماابقى اوديك بيت اهلك عشان انتي تعبانه وادري لارحتي هناك راح تتعبي اكثر وربي انه خلاني انسى الدنيا بأسلوبه معاي في هل يوم وبعدها صار شي ثاني حتى اذا كان بره ودقيت عليه وكان مشغول يترك شغله ويجي يوديني ويرجع واذا مايقدر ابد يروح يطرش واحد من اخوانه عشاني لاتستعجلي في غرارك وربي كل ماصبرتي صار كل شي احسن واحسن
الله يلين قلبه عليكي وتشوفيه هادي معاكي

[هيونه]

انتي لو ماسويتي شيء كان هو الغلطان بس عقب تصرفك اكيد انتي الغلطانه
الرجال يبي له حكمة ودهاء

[روووحsمغليهآآ]

الله يفرج همك ويعينك يارب
يمكن هو بس يبغى يمزح والا يمكن شافك كاشخه قال خل نطلع انا وياهآ واهلها وصديقي يوم ثاني وانتي استعجلتي الله يهديك
الله يسخر قلوبكم لبعض وراضيه وطنشي لاانك انتي اللي راح تتعبي

[عطور فرنسيهے]

ههههههههههههههههههههههههه انجااااااز كبيتي القهووووه
قسسم بالله لو انا مقدر اسويهااا من الخرعه ههههههه
مع اني ماتوقع راح يسويلي شي بس كذاا الحذرر والاحتياط وااجب
شوفي هو صح الحق معك
هههههههههههه ((ميته ضحك عالقهوه الي راحت
ارجع لكلامي
بس انتي المفروض طنشتييه ولاقلتي ولاكلللللمه
واذا رجع نفس الشي طنششيه مأكانه موجود
بيمووووووووت قهررر ولابيرجع يعيدهاااا واكيد بيعتذر منك

[أإأم ع‘ـــزُوـوزُ]

لو كان مايمزح إنتي معك حق طيب وش السبب كذا من الباب للطاقه يرفض خير ....


معليه بردت قلبك حاسه فيكي لآني مريت بنفس الشي ...

[اميرة علاوي]

ليش غير رايه؟؟؟
ليش ماسألتيه ايش حصل
يعني بدل ماقومتي كبيتي القهوه ونرفزتيه
كنتي سألتيه ليش غيرت رايك
^^