فيج والا فيه؟ ارجوا التثبيت بليييز

[عشقت الحب لجل عيونك]

يامرحبا يابنات وياهلا فيكم
انا اختكم عشقت وحابه اطرح موضوع جديد للتنويع والاستفاده
واتمنى ينال على اعجابكم
مثل ماهو واضح من العنوان
الموضوع يتكلم عن ((عيب الخلفه)) فيج انتي والا بريلج او باثنينكم سوا؟؟؟
والغايه
1/ معرفه انواع المشاكل للطرفين
2/ اشلون اكتشفتي المشكله؟
3/ وش الفحوصات اللي سويتوها؟
4/ وش العلاج؟
5/ نجح العلاج ولا لا؟
وببتدي اتكلم عن مشكلتي

ج1/انا ولله الحمد ماعندي مشكله بس زوجي اللي يعاني منها
ج2/ لما تاخر موضوع الحمل رحت لدكتوره وهي اللي قالتلي ماعندي مشكله واصرت ان ريلي اللي يسوي الفحوصات
ج3/ فحوصات دم وفحص لعنق الرحم وتلفزيون وفحص للالتهابات
ج4/ قالونلا علاجنا بالانابيب لان ريلي عنده عيب خلقي في الانبوب الناقل للحيوانات المنويه بالرغم من جودة الحيوانات المنويه لاكنها ماتخرج تتخزن بالخصيه ((سبحان الله))
ج5/ نجحت الانابيب ولله الحمد
هذي حالتي واتمنى الكل يجاوبني ويمكن القى وحده زوجها نفس مشكلة زوجي مع ان مشكلت ريلي نادره ولله الحمد على كل حال
ونتبادل الخبرات ونستفيد
ابي تفاعل
1
2
3
من بعدي؟؟؟

[nano nono]

مساء الخير
1-المشكلة في زوجي عنده دوالي وسوى العملية وصارعنده تدهور موطبيعي.
2- عملو لزوجي سونار.
3-عملت كل الفحوصات و كلها سليمة.
والله توني جاية من المستشفى وقالو لي لازم أسوي أنابيب لأن زوجي الحركة السليمة صفر
ومني عارفة ويش أسوي الحمد لله على كل حال.

[عشقت الحب لجل عيونك]

الله يهون عليكم يارب ويرزقكم بالحمل
بس انتو اعملوا بالاسباب واتبعوا كلام الدكاتره وسووا كلللللللل اللي يقولولكم عليه لانهم ادرى بحالتكم
وتوكلوا على الله
لا تياسي
لانه انا ريلي قالوله مالك خلفه (( بالبدايه))
بس بعدين سافرنا ورحنا مستشفيات وسوا تحاليل واااااااجد وجراحات الى ماله نهايه
وبعد هالتعب كله ربي اكرمنا بحمني الله يخليه لنا
الله يرزقج يارب
ويهدي بال ريلج ويصبره لانه مسكين تعبان نفسيا حاسه فيه وفيج
بتتعبين من تعب ريلج
الله يعينكم يختي بدعيلج من كل قلبي
الله كريم اامني بهالجمله
الله يحفظج

[عشقت الحب لجل عيونك]

يالله عاد وينكم يابنات وين التفاعل
الموضوع وايد مهم وبيفيدنا كلنا ارجوا التثبيت وبتم اقولها لاني حاسه بقوة واهمية موضوعي
يللا بنات حياكم

[nano nono]

شـكــ وبارك الله فيك ـــرا لك ... لك مني أجمل تحية .
بس إنتي ماقلتي لي انتو كيف ووين تعالجتوا وكم كلفكم ومتى شرف حمني تكفين ردي علي بأقرب وقت

[عشقت الحب لجل عيونك]

انا وريلي نتعالج بقطر بمستشفى حمد
قلتلج بالبدايه قالوا مافي امل انه ينجب
قمنا طلبنا نسخه من ملفاتنا ورحنا مصر في عياده خاصه وعاديه جدا
اول شي قاله الدكتور
على اي اساس دكتورك يحكم بدون مما ياخذ عينه من الخصيه ويشوف اذا في مني اصلا او لا
وفي الحال سوا له جراجه واكتشف انه فيه مني ومني سليم جدا
وفورا رجعنا قطر ورويناهم التحاليل وقرروا لنا مباشره انابيب
وسويناها عام 2008 ونجحت ويبت ولدي 2009 والحين عمره سنتنين
اسم الدكتور شحاته هو سوداني وممتاز ومشهور والكل عنده
كلفتنا 8000 قيمة العكليه و2000 العلاج
على فكره انا مجرد مقيمه في قطر
لو انا قطريه علاجي كله ببلاش
لكن مو مشكله الفلوس اهم شي تنجح
اتمنى اكون جاوبتج
وعلى فكره حاليا انا بديت علاج انابيب للمره الثالثه ولي موضوع بهالقسم يخصني
اتمنى تدخلينه بتستفيدين
ويعطيج الف عافيه على المشاركه

[عشقت الحب لجل عيونك]

وينكم يا جماعه
يللا عاد قلنا نبي تفاعل

[nano nono]

الشكر الجزيل لكي على ردج بس أنا وزوجي قررنا نعمل أطفال أنابيب في مشفى حكومي والله يوفقني ويوفقج ويرزق كل محرومة

[لن أيئس]

مشكوره الف شكر على موضوعك الجميل ..
ربي يسعدك ويرزقك ماتتمنين ..
....................

1/ معرفه انواع المشاكل للطرفين ؟
زوجي من قبل ماعنده مشكله بس هاالحين ماأدري أختلف الوضع عن أول ..
لأن ذلحين عنده سكر ..
..............
وباالنسبه لي أنا اول كان عندي بس سمنه وضعف باالتبويض ..
وبعدين تعالجت وحملت طبيعي .. والحمدالله على كل حال سقطت الله يعوضني .
وذلحين حالتي اخس من اول ..
صار عندي ضعف شديد باالتبويض وكيس على المبيض الا يمن وكمان الانبوب مسدود بسبب التسقيط الأول .. وسمنه زاااايده بسبب النفسيه الزفت .
..............

2/ اشلون اكتشفتي المشكله؟
تأخر ماصار حمل ورحنا كشفنا عند الدكتوره قالت لي بكل شيء .
.............

3/ وش الفحوصات اللي سويتوها؟
سويت تحاليل دم هرمونات وهرمونات تبويض وغدد .......الخ
وسونار داخلي ..
وأشعة صبغه ..
............

4/ وش العلاج؟
طبعا نصحتني الدكتوره اسوي اطفال انابيب ..
بس انها مكلفه ومابنقدر ..
واتفقنا انا وزوجي نسوي تلقيح صناعي ..
عند دكتور ممتاز ان شاءالله ..
يعني غيرت الدكتوره ماجلست عندها ..
............

5/ نجح العلاج ولا لا؟
لسى ان شاءالله بنجرب .
الله يوفقنا يارب تنجح من أول شيء وربي يرزقني ماأتمنى ياااارب ..
ويرزق كل محرومه وكل من تتمنى الحمل يااااااااااااارب ..

[عشقت الحب لجل عيونك]

الله يكتب لج الحمل يارب
واظن التكيس علاجه معروف لانها مشكله شايعه
والوزن حاولي تنزلي لاجل الحمل
وزوجج خليه يتابع السكر عشان ما يتدهور البعض
وخلي كل شي على الله وتوكلي عليه وكلش ايمان بانج بتحملين
ومشكوره على مرورج الغالي