بسم الله الرحمن الرحيم
السلام عليكم ورحمة الله وبركاته وبعد...
غالياتي ..أنا متضايقة ومحتاجة دعواتكم ومشورتكم في موضوعي
خليني أدخل في الموضوع على طول أنا متزوجة من سنة و8شهور وماصار حمل والحمدلله المهم بعدماشفت المسألة طولت رحت أكشف عشان أرتاح
ومالكم بالطويلة طلع عندي كيس فوق المبيض الأيمن وحجمه صغير المهم
وبقية التحاليل الحمدلله طلع كل شي سليم اللهم لك الحمد الدكتورة قالت لي ماشءالله كله سليم المبايض والهرمونات والكيس إللي عندك موسبب قوي عشان ماتحمين في حريم يحملون وهم عندهم الكيس وبعدين ينزل مع الحمل لوحده.
قالت غريبة وعطتني حبوب ياسمين لمنع الحمل كعلاج لهذا الكيس لمدة 4شهور
بس ماتعالج ولا راح ولله الحمد وأنا بصراحة يارب سامحني تضايقت وقعدت أبكي
قالت لي خلاص سوي عملية إستئصال للكيس بالليزر وأنا مأجلة الموضوع شوي.
المهم أنا سمعت كتير حريم ماشاءالله حملوا على الكيس وحدة قريبة صديقتي ماشاءالله لاقوة إلا بالله حملت وهي معها 5 أكياس في بطنها على المبايض ماشاءالله تبارك الله .
ودورتي الحمدلله منتظمة كل 28 يوم بس الفترة الأخيرة صارت مقدة تقريبا 5 أيام لها 3 شهور.
يعني كل شهر تقدم عن إللي قبله .
وهذا الشهر جبت ممرخة إندونيسية بعد الدورة على طول مرختني مررررخ موطبيعي لكن الحمدلله أجر لي في هالوجع وقالت لي الرحم مرة نازل ومو في مكانه لازم أمرخك قبل الدورة كمان بأسبوع وبعد مامرختني حصل جماع تاني يوم وهكذا في فترات متقطعة من فترات التبويض وبعدها بأكتر من عشرة أيام حسيت ألم في بطني شديد نفس ألم الدورة وألم في ظهري لدرجة صرت أتحرك بحركة بطيئة ونزل دم خفيف لونه وردي.
وبعدها وقف ولما جبتها المرة التانية في نفس الشهر بعد أسبوعين قبل الدورة مرختني ورفعتلي وقالت إن شاءالله ماتجيكي الدورة يارب ممكن يكون في حمل وممكن لا مو أكيد .المهم الحين أنا في موعد الدورة والمفروض تنزل من أمس بس حاسة بأعراضها ألم في أسفل بطني وألم في صدري وحاسة إنه بتنزل بس مو راضية تنزل ونفسيتي زفت مررررة متأملة أحمل حتى أنا مع الدورة تطلع لي حبة في منطقة معينة من وجهي وطلعت يعني هذي أعراض الدورة إحتمال تكون .يارب أرزقني وأرزق كل محروم ومحرومة بالذرية الصالحة يارب يارب يارب أدعولي بظهر الغيب الله يكتب لكم الخير في حياتكم ..