ساعدوني

[شموخ ذاتي]

السلام عليكم ورحمة الله وبركاته

أنا عضوة جديــــــــدة بس أعجبني فيكم تفاعلكم مع بعض ومساعداتكم لبعض

فقررت أفضفض لكم واتمنى منكم تنصحوني

أنا متزوجة وعندي ولد عمره ثلاث سنين وعايشين في الدور الثاني وأهل زوجي في الدور الأول

وولدي من يوم كان صغير وهما ياخذوه عندهم حتى كبر وتعود عليهم وانا ماامنعه بالعكس

ذحين أخليه ينزل لهم من العصر حتى يجي وقت النوم

بس مشكلتي انوالآن ماصاروا يتحملوه مع انهم يضربوه على الخطأ وما أزعل عادي

وما صرت أقدر عليه يجلس معاي أبدا تعود عليهم

بس انا صرت أتضايق منهم لما تجي خالتي تزورهم ومعاها ولد أكبر من ولدي بأربع شهور ودايم يضرب ولدي ويقولوا عادي

ويقولوا عنه خواف مايضارب ومره ولدي ضرب ولد خالتي وقامت جدته اللي هي أم زوجي وعمته يضربوه ويهاوشونه يقولون ليه يضرب الولد طيب هذولي أطفال

لازم يحصل بينهم كذا ليه يقولوا عنه خواف ولما يدافع عن نفسه يضربوه
ويهزأونه قدام الناس على اتفه سبب حتى احيانا أشوف الاطفال يسووا نفس اللي يسويه وما يخاصموا الا ولدي
حتى هو ماعاد يميز الصح من الخطا أنا أربي من جهه وهما من جهه

فما أدري ايش أسوي لما امسكه في البيت يجلس يبكي وهما يسمعوه ويقولوا نزليه

وما نقدر نطلع من عندهم لأن علاقتنا حلوة معاهم بس هيه مشكلتي في ولدي

[مريوومة]

لآحوول ولآقوة الابالله جد يقهرون بعد هذوول

قولي لزوجك يكلمهم يحاولون ما يضربون ولدك

او انتٍ ااذا غلط اضربيه المويهم هم ما يضربوونه

لآتخلينهم يتعودون على هذا الشئ صدقيني راح يمصخوونها

وآلله يهديهم ويهدي ابنك ياااارب انشآآلله اكوون قدرت افيدك

ألله يسعدك ياارب ...^^

[شموخ ذاتي]

شكـــراً مريومه الله يعطيك العافيـــــــه

بس أنا ما أحب زوجي يكلمهم في شئ لأنهم بيكرهوني مثل سلفتي مرة زوجها كلمهم في موضوع

وصاروا الحين ما يطيقوها خاصة أختهم هذي عمرها 19تقهرررررني أحيانا تكون طيبة وأحيانا تديني كلام في وجهي يعني ما تستحي مني

بس علاقتي في أم زوجي مررررررة حلوة الحمدلله وأبوه بعد مرة طيب

أما من ناحية يتعودون على ضربه فهم تعودوا خلاص يقولون ماشاء الله عليك ماتزعلين على ولدك طيب أنا أزعل بس أنا من النوع اللي يجامل وما أبغى تصير مشاكل بيننا حتى أخته أحيانا لما تجرحني أقول لنفسي كلها أيام وتتزوج ليه أسوي مشاكل

وشكرا لك مريومه مرة ثانية على ردك

[sweet moon]

صح ماتقدري تمسكي الطفل لابغى الحاجه

فخليه ينزل

لكن اذا احد صرخ عليه ولا مد يده

تكلمي بحزم وخليك جاده ووضحي ان هاذا الشي يضايقك

وقولي انا امه وانا ابخص بضربه وتربيته

وكفايه

[ام جويرية السيابي]

الله يكون في عونك يالغلا ادعيلهم بالهدايه

[دلع بنات]

الله يكووووون بعونك
بس حاولي تمسكي ولدك عندك لاعاد تخلينه ينزل كثثثثثثثثثثثثثثثير

[" لولو "]

الله يديك على قد نيتك يارب ,, الطيب احسن دايما والباقي يجي بالكلمة الطيبه

شوفي حبيبتي طالما انك اشركتيهم في تربيتك له وااعتمدتي عليهم من صغره واكيد كنوا معاك في كل شي تقريبا يعني همه اهلك دحين ,, واكيد لما ضربوه لانه يمون عليهم وهوه ولدهم في نظرهم خصوصا كمان انه ولد ولدهم مو زي الطفل التاني ولد اخت زوجك في النهاية هو ولد العيله التانيه ومو همه اللي مربيينه ..
لا تاخدي الموضوع بحساسيه ,, وفي نفس الوقت قوليلهم انك ماتحبي انه يخاصموا قدام الناس يعني بينهم وبينه وحاولي تاكدي عليهم انه ولدكم زي مو ولدي بس احسن انه ما نخاصمة او نضربه قدام الناس عشان ما تنهز ثقته في نفسه وتضعف شخصيته ,,
واذا سار دا الشي قدام زوجك خليه هوه يتكلم مو انت عشان مو يقولوا انت شحنتي عليهم
وربنا يرضيك باللي تبغيه

[شموخ ذاتي]

الله يوفقكم يـــارب

بصراحـــــة ماخيبتوا ظني فيكم وردودكم أثلجت صدري

الله يعطيكم ألف عافيه

[روز 3]

حبيبتي من وجهة نظري انتي الغلطانه ولدك مفروض ماترسليه لهم كل يوم مهماكان اهل الزوج يرجعو يتكلمو ماينضمنو وبيقولو غير راميه ولدهاعندنا وغيركيذه ماتقدري تتحكمي فتربيتواناانصحك ماتنزليه دايم الا لماتنزلي مرت أخوييا ساكنه معانافنفس البيت وربي مانشوف عيالها الامن الاسبوع للأسبوع والحمدلله مافي مشاكل

[sweet mom]

عزيزتي مشكلتك مثلي تقريباً مع بنتي
عمرها الآن أربع سنوات
ومتعلقة مرة بتحت وبيت عمها
لماكانت صغيرة ماكانت تجلس معي كل بيت عمها ومرت عمها تقول ليي بنتك ماتحبك تحبنا اكثر
وانا ماشغلتي غير الصياح حتى حسيت ان انا فيي شي يخلي بنتي تبعد عني
وكبرت وتغيرت شوي وعلاقتها مع جدتها وعمتها مثلكم تقريباً أحياناً أحس ان البنت بنتهم وشاركوا معي بتربيتها أزعل وتضايق لما يتصرفوا معاها بقسوة واسكت
الآن كبرت ماخليها تطلع من الشقة اقفل الباب واقول لها البابا اخذ المفتاح والعب معها واعطيها الي تبية وشاهد معاها
ابوها دائماً يقول ليي أن الفراغ يسوي كل شي
فحملت والحمدلله جأت بنت
تغيرت البنت وصارت كل قاعدة بشقة مع ختها تلعب وتشاهد حتى ان جدتها يومياً تتصل تسأل عنها وتقول مانزلت اليوم ليي وبالموت صارت تنزل
فصبري عزيزتي على ولدك وبيتغير ولاتنسي بما ان عايشين وياهم فهم مشاركينا فيهم