نزول دم بعد اخذ عينه من عنق الرحم

[فووز]

السلام عليكم ورحمة الله وبركاته ,,

امس كانت عندي مراجعه عند الدكتوره قالت فيك قرحه واخذت مسحه من عنق الرحم علشان تفحصها وبعد اسبوع تطلع النتيجه ويارب تكون سليمه ادعولي الله يجزاكم خير ,,

المشكله من امس اول ما اخذت العينه ليما اليوم ينزل مني دم ما ادري هل هذا طبيعي مع انها عطتني 3 تحاميل احط تحميله واحده كل يوم بالليل ,, هل يتوقف الدم من كيفه ولا اراجع الطبيبه ؟؟ وهل القرحه تمنع الحمل؟؟

[نيهال]

انا حللت و بقيت يومين أنزف دم عادي حبيبتي بس الدم كان ينزل نقط ما يخوف أنتي شلون ينزل عليكي كثير ولا شوي أذا شوي لا تخافي و بالنسبة ألي ما طلع معي شي بالرحم كنت سليمة و الفال لكي
لما تروحي الدكتورة أسأليها عن سلبيات القرحة أن شاء الله تكوني ما فيكي شي و طمنيني ألي رجعة بعد أسبوع

تقبلي مروري نيهال.

[فووز]

مشكورة يا نيهال على ردك ومرورك بس انا يالغاليه اول ما اخذت مني العينه نزل دم شويه وحطيت تحميله بالليل والصبح نزلت باقي التحميله وباقي فيها بقابا دم وردي واول ما صار العصر يعني ثاني يوم من اخذ العينه بدا ينزل علي دم بكثرة لونه احمر وفيه مثل الخيوط لونها مائل للاسود والله قاعده احاتي شنو هذا؟؟؟

[فووز]

من يومين طلعت نتيجة العينه طلع فيني التهاب قوي بعنق الرحم وقرحه من المسنوى المتوسط << الحمدالله على كل حال ,, اللهم لا اعتراض>>

وقالتلي الدكتوره لازم اخذ علاج مضاد حيوي وتحاميل وبعد الدوره مباشره اسوي الكي انشالله ,,

ايهما افضل الكي بالتبريد او الكي بالتسخين؟؟

بس اللي بعرفه هل القرحه تمنع الحمل ؟؟ الدكتوره تقول لا ما تمنع وبعض الاخوات بالنت يقولون تمنع .. اللي عندها فكره عن الموضوع ياليت تجاوبني الله يوفقها ,,