شوفوا وش قالتي الاستشاريه بالمركز الطبي الدولي

[موني جده]

السلام عليكم ورحمة الله وبركاته
يوم السبت رحت لدكتور الجراحه في المركز الطبي الدولي وقلت خليني ادخل على استشارية النساء والولاده مادم اني جيت وكله ع التامين مش خسرانه حاجه المهم دخلت على الاستشاريه اسمهاا سحر وكانت طيوبه ومريحه وسمعت مني للاخر قلت لها ان الدوره متاخره عندي والدكتوره في عرفان قالت لي عندي تكيس طبعاا الدكتوره سحر ماكشفت علي بس اعطتني عدة توجيهات وقالت لي انهاا ماتستخدم بعلاجها الكلوميد ابدا مع مرضاهاا وعلمتني الاسباب وكانت مقنعه اول شي قالته انه قبل المراه ماتبداء العلاج لازم الرجل يسوي فحص للحيوانات المنويه ضروووري
2-قالت لي ان المراه عندهاا لوقلناا في فترة عمرهاا من البلوغ حتى سن الياس 500مليون بويضه اذا استخدمت الكلوميد فانهاا تعمل على استهلاك المخزون الموجوود عندهاا قتقل بذلك فرصة الحمل لو في وقت متاخر خاصه للناس اللي تبويضهم كويس
3- قالت لي انه اشعة الصبغه او الاشعه المصبغيه تجيب حساسيه بالجسم وايضا مانسويهاا للسيده الابعد مانتاكد ان الرجال ماعنده مشاكل(خاصه للسيده اللي دورتهاا منتضمه يعني بتجيهاا كل شهر)
4-اخيرا فيه شي قالته واستغربت منه لمن قلت لهاا ان الدوره غايبه عني هالشهر بس ولمن كشفت الدكتوره اللي بعرفان قالت لي انه عندي تكيس فردت علي وقالت لي يااختي انتي ماعندك تكيس (مع انهاا ماكشفت) والمستشفيات الخاصه همهم الوحيد هو شفط المريض(مع انهم هم مستشفى خاص) صدقيني قالت مستحيل انه وحده دورتهاا منتضمه يكون عندهاا تكيس قالت قديكون عندك لخبطه بالهرمونات نتيجة حاله نفسيه مثلا واناا فعلا يااخواتي الشهرين اللي فاتو عشت حاله نفسيه سيئه جداا وعلمتني ايش راح تسوي لي الدكتوره بالضبط اللي بعرفان من انهاا راح تنزلي الدوره وبعدين تسوي لي تحاليل وتوصف لي كلوميد وابر ونصحتني باني مااخذ كلوميد ابدا

طبعاا اناا حبيت اشارككم تجربتي يمكن تكون فيهاا فايده لو بسيطه واناا باذن الله ماراح استخدم كلوميد اولا لانه زاد وزني بشكل فضيع وبطني كبرت كني حامل في الشهر الثالث واعتقد انه الاكتائب اللي جاني والنفسيه الزفت بسببه

اهاا نسيت اقولكم انه بالشهر اللي استخدمت فيه الكلوميد استخدمت عشبة المدينه بس ماطولت شربتهاا ثلاث مرات وكنت احط لي سبعة تمرات ايام الدوره احط عليهاا حبه سوداء ورشاد وكمون واحط عليهاا ملعقة زيت زيتون واقلبهاا على النار واكلهاا الصبح على الريق مع قهوه وقبلهاا بثلاث دورات استخدمت خلطة السبع تمرات مع زيت الزيتون وملعقة رشاد

والان سمعت عن المره اللي مع الحبه السوداء قالوا تنشف المويه اللي بالكيس للي عندها تكيس سئلت الدكتوره قالت لي لاتسوي ولاحاجه من هذا كله وانتضري لين تجيكي الدوره وجيبي زوجك اهم شي يسوي التحليل

اخيرا سمعت عن عصير الانانس فصار عصيري المفضل بالذات سيزر الاناناس رهيب

الان بسئلكم ارجع للدكتوره اللي بعرفان اللي كشفت بالسونار المهبلي وقالت عندي تكيس مع انه في نظري المفروض كانت على الاقل توريني الشاشه صح وتقولي حجم التكيس وعلى اي مبيض صح او ارجع للاستشاريه سحر بالمركز الطبي واتابع معهاا مع انهاا تقولي مااعندي تكيس وهي بالاصل مااكشفت !

[رباه فرج همي]

ماشاء الله

احس الي بالطب الدولي مررره شاطره

شوفي ياقلبي عشبة الميرميه اشربيها مع الشاهي من ثاني او ثالث يوم من الدوره

الى تقريبا 10 يوووم

سبحان الله مفعولها عجيييب بعد ارادة الله طبعا

استخدميها كذا شهر ورى بعض لاتيأسي

الله يرزقني ويرزقك ويرزق كل من تتمنى ,,,,