قصة ولادتي بأجمل ( رفيف )

[دلوعة فهد]

بسم الله الرحمن الرحيم

السلام عليكم ورحمة الله وبركاته

كيفكم يابنات ان شاء الله بخير الحمدلله على كل حال وأحمد ربي أنه رزقني ببنوته زي العسل ربي يخليها ويحفظها لي ويرزقني برها

لي أسبوعين من ولدت وجيت لكم أحكي لكم قصة ولادة روفي القمر اللي ماتعبتني مرررره الحمدلله

يوم السبت مشيت مشي مو طبيعي يمكن اكثر من 5 كيلووو ههههههههههه

ويوم الأحد على اساس انه كمان راح امشي وصحيت من النوم وجسمي مكسل

وقلت يالله خلي المشي يوم الأثنين << ماتدري انها بتولد خخخخخ

المهم حسيت بألم بظهري زي الم الدوره بس على خفيف مرررره بدأ معي من بعد

المغرب يوم الأحد وبالي انه من المشي ما احسبه طلق معايا

وسكت على عمري الا على آخر الليل تنزل عليا مويات ويشتد الألم معايا وانا ساكته

واتصبر واضغط على روحي وبعد الفجر من قوة الالم جلست أبكي واذا جاتني الطلقه

قمت وسويت نفسي اني بركع واضغط على نفسي وامي تقول يالله اوديكي المستشفى

وانا ابكي واقول لا ابغا استنى فهد زوجي لما يجي من ينبع كلمتوو واستاذن من المدير وجاي بالطريق << بركه ماولدت في البيت

المهم الالم يروح ويجي وانا على هذا الحال في البيت

لما وصل حبيب قلبي فهودي من ينبع الساعه 12 الظهر اخذني ورحنا المستشفى

وانا في السياره تجيني الطلقه وابكي وهو يمسك يدي ويبوسها ويخفف عليا

واحسه يخفف عليا شي كثييييييييير وصلنا المستشفى

ودخلوني الطوارئ وكشفو عليا وقالو لي 6 سم مفتوح وطلعوني ع الكشك وشبكو لي

جهاز الطلق ومحلول وعطوني اكسجين لانهم يقولو البيبي بدا يتعب وكل شوي وحده

تجي تكشف من تحت وانا اهاوش عليهم وقلت لهم لا تكشفو اذا حسيت شي بينزل راح اقول لكم

جاتني سستر وتبغا تضرني ابرة تخفيف الالم وانا اصيح فيها واقول لها ما ابغا هذا طلق صناعي من خوفي من الطلق الصناعي خخخخخخخ

المهم طول الوقت وانا في الغرفه مالي الا صياح لمن تجيني الطلقه بس اصيح بالاستغفار والدعاء ومانسيت المحرومات والله دعيت لهم من قلبي

المهم لما حسيت شي بينزل انادي عليهم ياناس ياعالم واعض في حقت الاكسجين

بركه مقطعتها لهم ولا حد يرد عليا وصحت صيحه واقول بانااااااااااااس احس شي بينزل وجوني لى طول ولما كشفو قالو ولاده

طلعوني على الكرسي المفشوخ هذاك وجع بعينه تعب رجولي مررررره

المهم لما طلعوني عليها اناظر الساعه كانت 3 قريب العصر وبدآت المعركه والمغامره والفيلم يقولو ادفعي وادفع ولما تجي بتنزل اوقف والدكتوره تهاوش عليا

هههههههههههههههههههههه وانا ارفس فيها برجولي

المهم جلست على هذا الحال ومانزلت روفي الا الساعه 3ونص يعني نص ساعه وانا في معركه حاسمه بيني وبين روفي خخخخخ

وبعدها حسيت براحه لما نزلت وخف بطني هههههههههههههه

ونمت لانهم خدروني مرررره نظفوني وجاء الدكتور وخيطني وخلصو مني ونقلوني على غرفة الملاحظه وبعد العشاء طلعت ع التنويم واليوم الثاني الظهر خرجت انا

وروفي بالسلامه من المستشفى والحمدلله انه ربي سهل ولادتي وعليكم بالاستغفار والدعاء

وربي يفرج ع المنتظرات ويرزق المحرومات ياااااااااارب

[قمر بنت راشد]

ماشاءالله تبااااااااااااااارك الله تجنننننن

ربي يحفظها لكم

اقري عليها المعوذات ماشاءالله جميييييييييييله

بالبركه وتتربى في عزكم ويارب يارب تكون ذرية صالحة وباره بوالدينها وتكون خير وتفتح لكم باب رزق

والحمدلله على سلامتج اختي

[امنيه]

ماشالله تبارك الله عقبالنا انشالله
تتربى بعزككم انشالله

بس حبيت اسالك اللفه حلوه وغريبه من وين جبتيها .. مشكوره

[نفسي احمل]

الحمدلله ع السلامه


وعقبال مانمر نفس الي مريتيه

وتتربى في عزك وعز ابوها

بس نصيحه مني مشاء الله تبارك الرحمن بنتك جميله شيلي صورتها

[حلمي اشوفك دنيتي]

الف مبروك الولادة والحمدلله على السلامه ماشاءالله تجنن ربي يخليها لك بسم الله عليها اقري عليها المعوذات

[كبريا انثى]

مــــــــــــــــاشـــاءالله ِِِِتــبـــاركـ الله
الحمدلله على السلامه وتتربى بعزكم يارب وتشوفيعا عروسه
ونصيحتي لك مثل ما قالت الاخت نفسي احمل انك تشيلي صورتها...

[قمر بنت راشد]

انا مع كلام اختي شيلي صورتها حرام في ناس تنسى تذكر الله

ماشاءالله تبارك مرره جميله البنوته

[عطور فرنسيهے]

مبروووووووك وفعلا على قووولت الاخوااات شيلي الصووورره ترا بعدين بتندميين البنت حلوه ماشاءالله عليييهااا انتبهي عليهاا

[دلوعة فهد]

يعطيكم العافيه ع المرور وربي يسلمكم ويقومكم بالسلامه ويرزق كل وحده تتمنى الحمل يااااااااااااااااااااااااااااارب

ومشكورين على النصيحه

[سحاب]

الله يخليها لك يارب
والف الحمد الله علي السلامه ودي اشوف الصوره شكلك شلتيها
الله يخليها لك يارب ويطعمك برها وصلاحها