السلام على كل الحلوات بالمنتدى
بكتب واتمنى تفيدوني باي راي ..
يمكن تفتح عيوني على شي ما جا على بالي ..
شغاله اهلي راحت :(
وانا الحين بنص التاسع انتظر الولاده وعلى قد ما اتمنى اولد اليوم قبل بكره .. ودي اتصبر الين يطلع حل فجاه لشغاله اهلي ..
انا ما عندي الا اخت وحده .. وساكنه بمنطقه غير منطقه اهلي ..
امي تعبانه معها الديسك (الم بالظهر شديد يخليها ما تقوا ع الحركه )
ومن راحت الشغاله وهي شايله البيت على راسها ,, غير اختبارات اخوي ويطفشها مره بالدراسه ..
اهلي قدمو على شغاله من فتره بس يقولون السفاره مسكره قدمو ع الفلبين بعدين حولو ع اندونيسيا وهكذا .. اخر شي اليوم امي تقول اخر شي ما في شغاله قبل 6 شهور :(
طيب انا من يقوم فيني بنفاسي ؟
انا بكريه ..
وصراحه كنت رافعه مبلغ بسيط عشان احتاجه بنفاسي .. لزوم التقضي وحاجات النفاس ..
وزوجي طالع دوره بمنطقه ثانيه وقاعد يدفع اجار شقتنا الاساسيه( بمكان سكننا الاصلي ) واجار الشقه الثانيه االلي استاجرها وقت الدوره < واانا معه الحين عشان وقت الولاده يقوم فيني ..
ناويه ارجع لاهلي طبعا بعد ما اولد ..
بس وش اسوي بنفاسي ؟
المبلغ اللي معي يطير كله على شغاله اجار شهر :(
قهر والله !
لان كل ما كلمت ابي شغاله بالشهر قالو بـ 4000 !
واستحي اطلب زوجي وهو يدفع اجارين .. هنا وهناك
واهلي مقدمين على شغاله .. وينتظرونها ولا جا ببالهم يستاجرون بالشهر
لان عندهم شغاله اخوي تنزل عندهم ساعه او ساعتين تساعد امي وتطلع ..
يعني انا اكثر من يحتاج الشغاله
واخاف اذا ولدت القى امي طايحه مثلي .. وتعبانه .. ونبي من يقوم فينا كلنا ..
احس المنطق يقول الشغاله علي لاني موظفه ( بس ماخذه اجازه بدون راتب)
وانا المبلغ اللي معي 5000 بس احطه كله على شغاله ؟ :(
وخططي لنفاسي ؟ ابي اصبغ واتضبط واسوي شغلات بعد نفاسي ..
وش الحل