السلام عليكم ورحمة الله وبركاته,
أخواتي ابشركم بأني ولدت ولله الحمد وجبت ولد وسميته فيصل ربي يخليه... لكن صارت لي سالفة وقصة مثيرة بولادته... انتظرت لنهاية الشهر التاسع وما جاني طلق رحت لدكتورتي وكشفت علي من تحت وانتم بكرامة وحصلت راس البيبي فوق فوق مو نازل بالحوض وكان وقتها ضغظي مرتفع من بداية الشهر التاسع فقالت لازم اعمل لك عملية قلت لها اهم شي ما تحاولين تعطيني تحاميل او طلق صناعي وبعدما يكون ما فيه امل اولد طبيعي تسوين لي عملية قالت اصلا ما اقدر لأن عندك من قبل جرح لاني من قبل ولدت بنتي قيصرية فاخاف ينفتح جرحك قلت توكلنا على الله دام ما فيه تحاميل ولا طلق صناعي ان شاء الله تكون اسهل من ولادتي ببنتي قبل خمس سنوات...بمستشفى مدينة الملك فهد كان وقتها عندي سكر جاني في بداية الشهر التاسع سبحان الله وقالت الدكتورة لازم تولدين قبل موعدك فأعطوني كل يوم تحميلة لمدة خمسة ايام خمسة تحاميل وبعدها طلق صناعي تسع ساعات وبعدها سو لي عملية الرحم انفتح بس 4 سم شفت المووووت والحمدلله على كل شي....هذا في بنتي..اكمل معكم ولادتي بولدي فيصل... اتفقت انا والدكتورة اجي الساعة عشرة صباحا ونكمل الأجراءات والحمدلله دخلت غرفة العمليات على اساس انه نصف ساعة وكل شي يخلص بس دخلت واعطوني المخدر وسوت لي العملية وطلعوا البيبي وبعدها اكتشفت ان عندي التصاقات في الرحم من عمليتي السابقة طبعا التصاقات كانت خفيفة جدا ما منعتني من الحمل بس سبحان الله وقت ما كان البيبي يبغى ينزل بالحوض اصتكت بزيادة وصارت حاجز بينه وبين الحوض عشان كذا ما قدرت اولد طبيعي... هم اعطوني بنج حق نصف ساعة اضطروا يعطوني بنج نصف ساعة ثانية قاموا يفكون الإلتصاقات وانزف يفكون وانزف وصارت عمليتين بعملية... والحمدلله نظفوني وخيطوا جرحي وبعدما صحيت صحوت البنج شييييينة بالمرة الا فيه الم على ظهري واسفل بطني واصيح من الألم ولا قدروا يعطوني قاتل الم زيادة لان عندي حساسية بصدري وبعدها جت الدكتورة تتطمن علي وانا اصيح واقولها بموت من الألم قالت وش تحسين فيه قلتها ألم اسفل بطني وعلى ظهري قالت هذا طلق وهذا طبيعي يجي كثير من الحريم انا بصراحة اول مرة يجيني وبعدها اعطتني قاتل الم 3 ابر والحمدلله حسيت بالعافية وقتها من الم الطلق.... وجلست بالمستشفى 4 ايام والجرح يوم عن يوم يخف لكن جرح العملية يبي له وقت حتى انك ما تحسين فيه ابدا....انا لي الحين 20 يوم والدة ومازال جرحي يألمني وكله بأجره أن شاء الله.... هذا هي سالفتي المثيرة,,,, والله يهون على كل وحدة على وجه ولادة وان شاء الله تولد طبيعي ارحم بكثيرررر من العملية... اختكم ام الوليد
07-04-2011, 02:22 AM
ابشركم ولدت ولله الحمد
أم الوليد 
رد: ابشركم ولدت ولله الحمد
جديد منتدى إستفسارات مرحلة الولادة
العرض العادي
