مجرد سؤال وابي اجوبتكم

[ميني]

السلام عليكم ورحمة الله وبركاته

الحمدلله والصلاة والسلام على رسول الله وعلى آله وصحبه أجمعين


انا اجهضت بالشهر الخامس في تاريخ 20-4-2011م

والحين شهر 7 ولحين الحليب مانشف يعني اذا اضغط على صدري يطلع حليب


شنو ممكن هذا


وسؤال ثاني يعني شنو هرمون الحليب


فيدوني شنو فيني وليش مانشف الحليب

[نهى الجزائرية]

والله ماعندي علم بس حبيت ادخل وادعيلك
يارب يرزقك الذرية الصالحة ويسعدك دوما يارب

[ميني]

تسلمين حبيبتي فرحت بوجودك ودعائك


يارب كل من تدخل تدعي لي

[التفاؤؤؤل]

الله يعوضك خير ان شاء الله ويرزقك من واسع فضله

[قلب أحمد]

امس انا ساله اختي شنو هرمون الحليب لانه من ولدت بنتي وتوفت للحين الحليب فيني
والله يعوضك ويعوضني

[ميني]

شكرا على مروركم

بس الى الحين ماحد جاوبني على سؤالي


فهموني والله خايفه ليه مانشف ويعني شنو هرمون الحليب

[البتول...]

والله ماعندي علم يالغلا ...
روحي لطبيبة نساء وسأليها اكيد عندها علم ومعرفه بهالشيء ...
وربي يعوض عليك ويرزقك بالذريه الصالحه ...

[حلم بعيد]

والله حسب ما قرأت ماراح تحملين ثانيه اذا عندك حليب لازم تروحيت لطبيبه تخذ تحليل الهرمون الحليب وتشوف ان كان مرتفع تنزلو لك واذا طبيعي هم تعطيكي حاجه تنشفو

اشربي اعشاب المرقدوش يوميا بينفع ينشف الحليب

وربي يعوضك بالذريه الصالحه

[قلب أحمد]

ليش ماتحمل ثانيه في ناس يرضعون ويحملون مايفرق طيب

[خجل أنوثة]

مثل ماقالت لك الأخت اذا لسه الحليب مانشف من صدرك
ضروري تروحي لعند طبيبة نساء وولادة عشان تسوي لك تحليل للهرمون هذا
لأنو اذا صار مرتفع يمنع حدوث الحمل
ولازم تتعالجين عشان يقللونه وتحملين
وعلاج هرمون الحليب طووووووووويل
وصحيح فيه ناس ترضع وتحمل بس ترى يكون الهرمون عندهم ضعيف مايمنع الحمل
انا كنت حامل وتوفى البيبي في بطني في الشهر الثامن
لما ولدته المستشفى ماعطوني شيء للحليب
وبعد الولادة بيومين صدري أمتلىء بالحليب وصار مثل الصخره
لدرجة اني ماقدرت اتنفس
هو كان المفروض المستشفى يعطوني حاجه تنشف الحليب من صدري
بس ماعطوني من زوود الإهمال
طيب انا ظليت كم يوم وخف ألم صدري
بس بعدها بشهر لما رحت للدكتور وسألته عن هرمون الحليب
قالي شوفي هو اللحين صدرك خف تورمه ورجع طبيعي
قلت له ايه بس اذا ضغطت عليه يطلع حليب
قال لي هاذي رحمة من ربك جسمك عالج حاله او كان اللحين معاج هرمون حليب
قلت له طيب ومتى بينشف الحليب تماماً قال لي بس تجيك الدورة بعد الأربعين بينشف
وسبحان الله بس خلصت الأربعين وجآت الدورة ونشف صدري
وهذا انا حملت مره ثانيه بس عدة شهور من آخر ولادة
وهرموناتي كلها تمآم
انا مو حآبه أخوفج
بس كتبت لك قصتي عشان تستفدي منها
أوختك