بسم الله الرحمن الرحيم
صبحكم / مساكم الله بالخير كلٍ وعلى حسب دخوله
وكل سنة وانتو طيبين وربي يبلغكم صيام وقيام رمضااااان وانتو بافضل حال
انا وعدتكم اقولكم قصة ولادتي وكانت بمستشفى علوي تونسي بمكة
وان شاء الله تستفيدووو منها
انا هذا رابع طفل لي ماشاء الله بس كانت مشكلتي اني اسوي ربط لعنق الرحم
وكنت اسالكم عند مين اراجع لاني من الشرقيه واول مرة اولد بمكة وعند اهلي
وربي يسير الموضوع واخدت موعد عند الدكتور صلاح يوم 9/8 وراجعت عنده
وعلى طول قالي نفك الربط بكرة اللي هو صادف 10 يوم الاثنين يوم عمليااته
والحمد لله كانت يده خفيفه ومااحسيت بشي وقالي بنومك عندنا اربع وعشرين ساعه
تحت الملاحظة يمكن يجيكي طلق وهو ساعة ماافك الربط الرحم كان مفتوح 2 سم
المهم جلست يوم كامل كانت تجي الام خفيفة وتروووح يعني مو متواصلة
وطلعت الثلاثاء وكل شي كان طبيعي رحت السوبر ماركت يوم الاربعاء وكثرت
مشي والخميس جلست بالبيت تعبانة ومغص يجي ويروح وامي كانت تقول شكلك
قريب خلاص تولدي يوم الجمعه طلعت امشي بالسطح يمكن حق ساعه من 12
الين الساعه وحده واكثر شي وجعني رجولي وظهري ماكان عندي مغص
المهم قلت خليني اتحمم اتحممت وجهزت باقي الاغراض بشنطة المستشفى
وريحت لحد اذان الفجر قمت صليت وشربت كوب قرفة بعسل وحطيت راسي وقلت
بنام الا الساعه 8 ونص تقريبا قمت ابغى الحمام الله يكرمكم ولما جيت انسدح حسيت
بصوت جوا بطني كانه بلونة انفقعت سبحان الله وجات معاها مغصة قوية وقتها
عرفت انها ولادة لاني اول ماقمت من السرير نزل وانتو بكرامة دفعه مويه لونها
وردي وعلى طول على المستشفى كان وقتها الساعه 9 وربع وعلى ماوصلت
المستشفى والله اطالع بالساعه احسب الوقت بين التقلصات كانت الساعه 9 واربعين
دقيقة وعلى طوول على غرف الولادة وعملت لي كشف الممرضة وقالت انو مفتوح
5 سم وزاد خوفي اكتر نقلتني على غرف الولادة الداخليه وحطتلي حقنة
شرجية والله كله مااستغرق دقايق الا هوا مفتوح 7سم وهما اصلا استدعو الدكتور
صلاح وماارد عليهم وكاانت موجودة الدكتورة سنجيده قالتلي تبغيها قلتلها اي احد
المهم اولد حتى صرت اقول للممرضة لو انتي تعرفي تولدي خلاص ولديني انا حاسة
انو بيطلع البيبي وجات الدكتورة سنجيده وقالتلي خلاص 7 سم ابدأي ادفعي
وربي ماادري كيف ربي ييسرها وودفعت وكنت بس ادعي وانادي على امي والساعه
10 و10 دقايق سمعت صوت ولدي الحمد لله يبكي واعطتني الكماامة بعد الولاده
وبدات تخيط الجرح ومااحسيت كانت يدها خفيفة ماشاء الله
وبعدين طلعت غرفتي وكانت الوالده تنتظرني ونمت نوومة طويلة مع الكمام اللي هو
البنج ماحسيت بنفسي ولما صحيت لقيت ولدي جنبي امي جابته من الحضانة
ولبسته ........... وعن نظام المستشفى ترى كلو يهون الا موظفات الاستقبال كانو
هما اللي يرفعو ضغطي اقسم بالله انو الممرضات وكادر الاطباء احسن مافي
المستشفى واللي حرق اعصاب زوجي انو لما جيت اطلع تاني يوم وهوا بيعمل
اوراق الخروج جات وحده موظفة وتبغى تطلعنا من الغرفه والاوراق مااخلصوها
واتهاوش معاهم وقالها مااطلع زوجتي تنتظر بالممرات هيا والبيبي والغلط منكم انتو
انتو اللي معطلينا والحمد لله ماارتحت الين رجعت البيت عند اهلي
بس دخلت دحين في دوامة الطهار ماني عارفه فين اطهره
اللي تعرف عنوان او رقم عيادة الدكتور جلال الدين سمرقندي بساحة اسلام تدلني
عليه لان هوا اللي طهر ولدي الكبير بس لما كان بجرول ولما نقل مااعرف مكانه
هوا احسن واحد يمدحوه
والله يبلغ الجميع بساعه سهلة زي ساعتي اللهم امييييين
واسفة لو طولت عليكم
07-26-2011, 05:00 AM
قصة ولادتي بولدي الله يحفظه ...........
سكره ذايبه 
رد: قصة ولادتي بولدي الله يحفظه ...........
.gif "hwaml13")
جديد منتدى إستفسارات مرحلة الولادة
العرض العادي
