ساعدوني الله يفرج همكم رجل بنتي احترقت...

[حزن الليل]

السلام عليكم ورحمة الله وبركاته

بنات الحقوني رجل بنتي البارح احترقت في قهوه انكبت على رجلها

واطراف اصابعها احترقت وديتها المستشفى وعطوها مضادات (ادويه)

وحطولها مرهم وربطو رجلها

صحيت اليوم الثاني حصلتها يابنات منتفخه بكيت والله ماقدرت اتحمل اصابعها مسوده ومنتفخه الله لا يوريكم تقطع قلبي والله لا اكل ولا نوم زي الناس

استغفر الله واتوب اليه ولا حول ولا قوه الا الله

بنات وش الحل احس رجلها منتفخه وانا جالسه اربطها بشاش

هل اخليها تتهوى والا اربطها

وديتها المستشفى ما عطوني شي وانا في منطقه نائيه وبعيد عن اهلي ماقدر استشيره احد غيركم

الله يشفي بنتي يارب ياكريم

[أم البطل]

الله يشفيها, سمعت ان العسل ينفع للحروق,وان شاء الله ماتشوف شر

[حزن الليل]

حطيت لها عسل بس طلع الحرق من الدرجه الثانيه

امين الله يسمع منك ويشفيها شفاء عاجل

[مملوحة الوصآيف]

ياحياتي هي

الله يشفيهآ ياااارب ماتشوف شر حبوبتك خيتوو وربي يصبرك ويهون عليهآ وعليك

[تــــــوفي]

الله يشفيها يارب وماتشوف شر مدري بس جربي العسل طيب للحروق

[بنت الاجـــواد]

ربي يشافيها ويعافيها
مجرررررررررررررب
كريم

1. كريم فلامازين Flamazine Cream
صديقيتي العام انحرق صدرها انكب الزيت عليها وهو ناااااااار
وانحرق صدرها مع رقبتها
قسم بالله شكلها العام يبكي
واستعملت هذا المرهم
والحمدالله السنه هذي ولا باقي اثر من الحرق
ووالفضل لله ثم الكريم هذ
وطريقته حاولي تحطين المرهم على الحرق وتلفينه بشاش
عشان ماينمسح من على الحرق
تخلينه ساعه او يساعتين
وبعدها شيلي الشاش
خلي رجلها يجيها هواء
عشان ينشف الحرق
وشوي شوي ويروح
كل يووووم حطي عليه
وبتدعين لي

اامانه لاتنسيني من الدعاء ربي يجمعني بزوجي
عاجلا غير اجلا ويرزقني منه ذريه

[شموسه]

كريم بيبانثين الوردي دهنيهاا ولفيهاااا وماتشوف شر

انتبهي للمره الثانيه حطيهاا بسريرهاا يمج

[حزن الليل]

مملوحه , وتوفي مشكورين على الدعوه والله يرزقكم الي تتمنوه

[حزن الليل]

بنت الاجواد

الله يجمعك بزوجك ويرزقك الذريه الصالحه يارب

وبعد عنكم شر الدنياء

والله ادعي لك من كل قلبي يعلم الله انك رجعتي فيني الامل

لاني خفت ان اثر الحرق مايروح

ابشرك اليوم نزل المويه الي بأصابعها بس باقي الجلد الميت مانزل

يمكن عشان انا اغطيها بشاش علطول؟

قوليلي متى يروح الجلد الميت

لاني وديتها المستشفى وقالو نقصه ونشيله بس انا قلبي ما طاوعني

ورجعتها البيت

رح اشتري نفس المرهم الي كتبتيه

بس هل كانت تستخدم علاج مضاد ؟

واسفه تعبتك معي

الله يحفظك

[ليتني]

ماعليها شر ان شاء الله

الله يشافيها يارب

اختي سمعت عن كريم ميبووو ممتاز جداااا