قصه ولادتي+ نفاااسي + ومسئوليه المولود

[بنت حيزا]

بسم الله الرحمن الرحيم


اليوم حبيت اشارككم بقصتي ولادتي والمفاجاه ومشوار النفاس وعنايتي بنفسي



في البدايه انا من دخلت الخامس والكل يقول بنت بنت بنت وتأكدت انها بنت وجهزت لها نصف التجهيزات تماما.. وفي الثامن قالوا ولد وفعلا كان ولد .( فائده: لاتستعجلون بالتجهيز الى ان تأكدون وش جنسه) ويوم دخلت الشهر التاسع بديت اطبق كل شي اسمعه عشان استعجل الولاده لاني تعبت من الحمل ومااخليت شي ماجربته

قرفه
يانسون
كف مريم
تمره
بن أخضر
وخروع 2 علبه كل علبه في يوم منفصل


وماافي اي علامه ولاده


الى ان دخلت العاشر وبديت اصييييح واروح الدكتوره اقول ابغى عمليه ماعاد اقدر

قالت لي الدكتوره ان شاء الله باسوي لك تحريض للرحم مع الكشف وهالاسبوع تولدين . كشفت الرحم مفتوح 2 سم واعطتني زيت خروع وقالت روحي تعشي عشاء دسسسسسسسم واشربيه ونامي


والساعه 10 الليل شربت الخروع ونمت وصحيت الصباح الساعه 7 مافي علامات ولاده وتحطمت ونفسيتي اندمرت وصليت الفجر وقعدت مع زوجي بافطر

وقبل أكل اي شي الا مغص شديد قلت باشوف يمكن طلق باشوف يرجع لي والا خلااص كانت الساعه 8 تماما

الساعه 8 وثلاث دقايق رجع المغص خفففففففففت ووانفجعت ورحت الحمام اركض عشان اخلص بسرعه واروح المستشفى ويوم دخلت دوره المياه الله يكرمكم الا بلاوووي تنزل صرت ارجف من الخوف ورحت البس بسرعه وانا متلخبطه من الخوف والمغص تقريبا متواصل ويوم وصلت عند السياره الا في حاجه تدف تبي تطلع والمويه زي الشلال وانتم بكرامه هنا خااارت قواي من الفجعه والنونو كل مرره يدف اقوووى والمويه صارت خارج السيطره


ربع ساعه وصلت المستشفى وعلى طول على غرفه التجهيز للولاده جلست فيها يمكن نص ساعه والطلق شديد ثم دخلوني على غرفه الولاده وكنت خايفه يابنات لكن خوفي كان ماله داعي لانهم حطوا لي الكمام وماحسيت بأي شي ابدااااااا

الساعه 10 طلعوني كمن غرفه الولاده وماصحيت الا الساعه 12 وانا بالتنويم حسيييييييت براحه عجيبه ودي بس انام ما ابغى ادن يصحيني وما ابغى اكل حتى النونو ماطلبته بس سألت عنه وتأكدت انه بخير ونممممممممت وبعد 3 ايام طلعت البيت


وبدأت المرحله الثانيه مرحله النفاس

من اول يوم طلعت البيت ماركزت اني اهتم بالتنضيف والتضييق هالاشياء ابدا

كان همي بس حاجتين :

- انزل وزني
واهتم ببشرتي والشكل الخارجي

وكنت مجهزه لها من قبل الولاد بشهر .. ااما الحوايج ما اهتميت فيها ابدن ولا اخذت احتياطاتي وندمات اشد الندم لاني فرطت فيها

بالنسبه للوزن كنت استخدم مشروب دلتني عليه ام عبدالله اللي تبيع الكريمات الله يذكرها بالخير ويوفقها وهو:

كمون+ يانسون+قرفه+قشر قهوه << ان شء الله مانسيت شي هو للتخفيف وشد البطن وفعلا مع ربط الشماغ للبطن فادني كثير ونزل وزني ولازلت مستمره عليه حتى لان لكن هي قالت بعد الاربعين تحطين كمون مطحون وفلفل اسود في ماء دافي على الريق

والبشره بعد كنت اخذه 1 برنامج بشره من عند ام عبدالله واشتريت الاغراض اللي هي كاتبتها في جدولها وطبقتها بالضبط بنفس كلامه والحمدلله ربي ماخسر تعبي واستفدت كثير والله وتغيرت الى درجه كبيره صرت احلى مني قبل لأن بشرتي صارت صافيه وبياض والحمدلله

انا هنا قلت باقي لي حاجه وحده وبس اللي هي تغيير اللوك والملابس واخر اسبوع رحت لجده وقصيت شعري وصبغته في مشغل جمالك كلفتني كلها 1300 ريال وكانت الصبغه مثل ما ابي واحسن واعجبتني كثير والله وحتى اللي حولي يقولوا مع البياض تغير شككلك


وشريت كل انواع الملابس وغيرت عطوري وكنت اقول متى ارجع لزوجي

والحمدلله الشكل والتغيير اعجبه مره ومدح كثير لكن لان المنطقه عندي كانت متوسعه تضايق مني وهذا بسبب اهمالي واهتمامي بالخارج ومن الداخل للاسف نسيت نفسي


باقي تغيير حياتي مع المولود وهو كان الاصعب بالنسبه لي التأقلم مع مسئوليته كان يصيح كثير وماينام وتعبببببببببت ونفسيتي صارت زفت زفت وما ارتحت الا لمن ص رت ارضعه رضعه يانسون وشمر قبل النوم وصار نومه 7 ساعات تقريبا متواصله وبديت انا اتعود على وجود شخص جديد ببيتنا والحمدلله اللي رزقني بهذا النعمه واسأل الله الحمل في هذا الشهر لكل من تتمنى ويتمم لكل حامل ويصلح نيتي ونوايا المسلمين وذرييتي وذراري المسلمين


وان شاء الله تستفيدوا من هالتجربه وتعطونا تجاربكم ونستفيد من بعض

[اللؤلؤة اللامعة]

الف مبرروووك يالغاليه ويتمم عليكي الفرحه ومااوصيكي تغذي زين ترا سته شهور يبالك تقويه

[شمايل بنت الدمام]

الله يخليه لك ..

والله استفدت من قصتك ان الاهتمام بالداخل قبل الخارج الخارج لاحقه عليه بس الداخل هذا لازم اهتمام 40 يوم

[بنت حيزا]

اللؤلؤه

شمايل

مشكورين ع الردود وفعلا مثل ماقلتوا التغذيه ثم التغذيه ثم التغذيه ثم الشكل الخارجي

[بنت حيزا]

بنات وين قصصكم نبي تجارب ثانيه وقصص مغامراتكم مع الولاده

[DadoOo]

الف الف الف مبروووك الله يخلية لكم يارب

والله استفدت كثير من قصتك ولاول مرة فحياتي احس انو الولادة سهلة مشاء الله ربي سهلها عليكي
لاني بصراحة بكرية ومتعقدة من القصص اللى اسمعها من الولادات وكنت اقول اني لو حملت بخاف وببكي الى الشهر التاسع من الخوف

والله ريحتيني الله يريح بالك يارب

[ام التوام اولاد باذن الله]

رفعععععععععععععععععععع لااله الا الله