طفلي الاول والنزيف مستمر 11 يوم

pink · 08-13-2011, 12:25 PM

هلآآآ

بنآت انا جااني نزيف قبل 11 يوم رحت المستشفى قالووا لي ارتاحي واخذي دوفاستون
وسويت نفس الشئ حتى مارحت مع زوجي للحين من ذاك اليوم بيت اهلي ومرتاحة والنزيف للحين مرات بني ومرات احمر مو على طول بس يروح ويجي يعني بس للحين مامر علي يوم مانزل طمنووني شئ طبيعي ولالا؟ الدكتورة تقولي الجنين مكانة اوكي والنبض موجود بس احتمال تسقطين البيبي مرة خآيفة انتظر هالطفل ياربي من صار لها مثلي بلييز ؟

القلب الباكي · 08-13-2011, 02:30 PM

توكلي على الله وكثري استغفار وانشاء الله ربي يسلملك اياه وتفرحين فيه

قطرة · 08-13-2011, 04:44 PM

يا قلبي أنا حصلي نفسك ونزل مني دم أحمر وصار بني وأستمر ينزل مني تقريبا 25 يوم ,, والكل صار يقولي ابنك هذا مل راح يقعد لا تحزني عليه وأرضي بالواقع .. بس أنا كان بأملي بربنا كبيييير والحمد لله وصرت اليوم كله أدعي وكل يوم أقرأسورة البقرة .. والحمد لله أنا الحين بالشهر الرابع ..
حبيبتي لا توسوسين وإرتاحي وخلي أملك بربنا كبير وكثري من الدعاء لأنه الله سبحانه وتعالى قال إن الدعاء يرد القضاء

وطمنينا عليك

**سماسم** · 08-13-2011, 08:29 PM

وكلي أمرج الله يالغاليه وماراح يصير إلا إلي كاتبه الله سبحانه ..
أخذي دوفاستون ورحي قدر ماتقدرين ..
والله يثبت حملج ويقومج بالسلامه يارب
,,

حياتي زوجي وبناتي · 08-14-2011, 04:57 AM

عمرك طويل !!!!!
الله يحفظ لك جنينك وتشوفينه بالسلامه يارب

انا داخله القسم ابي اكتب عن حالتي واشوف ردود البنات ومن حصل لها مثلي؟؟؟؟؟؟؟

قصتي بأختصار """"
من اول يوم رمضان الصباح صابني نزيف قوي وخفت وضنيت اني فقدت حملي<<<حامل في بداية الشهر السادس>>>ورحت الدكتوره واعطتني ابره ووقف لمدة يومين ورجع مره ثانيه والى الان مازال مستمر معي على فترات واذا توقف يوقف لمدة 6 او 5 ساعات ويرجع وزي ماقلتي مرات احمر ومرات اغمق شوي!!
ورحت للمستشفى وقالو لي ان الوضع طبيعي وان الجنين حالته ممتازه ونبضه زين والمشيمه تمام وعليك بالراحه التامه!!!!وانه يسمى المنذر بالاجهاض او الاجهاض المنذر اذا ما ألتزمتي بالراحه يسبب اجهاض

ياليت يابنات الى مرت بها الحاله وعرفت السبب تقول لنا؟؟؟ وايش الحل ؟؟؟؟؟
آآسفه على الاطاله بس لاني اجهضت قبل سنه من الان في الشهر الثالث خايفه يتكرر الاجهاض معي!!!!!!!

pink · 08-17-2011, 02:52 AM

بلييز احد صار لة مثلنآ يخببرنااا طلبتكم

الشوووق عطري · 08-17-2011, 03:12 AM

مرت زوجي من حملت وهي تنزف

شهرين والنزيف معها وكل ماراحت المستشفى عطوها مثبت حمل

وبالاخر مات في بطنها

انا مابي اخوفكم بس لانها ما التزمت بالراحه تروح وتجي وتشتغل

يعني ما اهتمت بنفسها

الله يطمن قلوبكم بس لاتتركون نفسكم

حاولو تشوفون دكتوره ثانيه واهم شيء الراحه النفسيه قبل الجسديه

يعني لاتفكرون بالاجهاض كثير وتتعبون نفسيتكم

وهم صديقتي بالشهر السادس جاها نزيف حاد وراحت للمستشفى وقالوا لها كل شيء سليم

بس نيموها 15 يوم وتحسنت شوي

وطلعوها بعدكم يوم من السابع رجع عليها ونيموها الى ان ولدت

وجابت احلى فطامي

حياتي زوجي وبناتي · 08-17-2011, 04:38 AM

الله يستر ويثبت علينا حملنا ولايضيع لنا تعبنا!!!!!!!
والله يابنات اني الحين ماأصلي السنه أخاف الجهد مع الركوع والسجود يزيد علي!!بس اصلي الفرض عاد تخيلو في هذا الشهر الفضيل!!والحين لي 17 يوم من اول يوم رمضان؟؟
وطول الوقت يانايمه على ظهري او على جنبي والله طفشت عاد موعدي الثلاثاء الجاي اشعه في المستشفى العسكري وبشوف ايش يقولون واذا ما لقيت عندهم حل بروح لمستشفى خاص!!!

pink · 08-17-2011, 04:47 AM

حياتي <صج انتي مثلي بالظبط الله يتمم علينا يارب
تصدقين انا مارحت حكومة كل مستشفيات الخاص رحت وكلهم دوفاستون وراحة مللووني وربي الحساء مافيها مستشفيات عدلة الظاهر تعبت حتى نفسيتي انا اول حمل لي وخايفة علية حيل

القمر مغرور · 08-17-2011, 07:41 AM

الله يثبت حملكم ياااااااااارب
بس اهم شئ الراحية يابنات ارتااااااحو ولا تشيلون شئ ثقيل

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
مغص اسفل البطن مستمر	حلاااااا	إستفسارات حوامل من الشهر السابع إلى الشهر التاسع	8	07-22-2011 04:54 PM
دم بعد الدورة مستمر ..ََ..	الورد المديني	منتدى مشاكل الدورة الشهرية	2	07-08-2011 07:59 PM
الم مستمر بالظهر....بليز ردو عشمي فيكم	سكون الليل	إستفسارات مرحلة الولادة	5	04-04-2011 01:45 PM
الم مستمر بالظهر......بليز ردو عليا عشمي فيكم	سكون الليل	إستفسارات حوامل من الشهر السابع إلى الشهر التاسع	3	04-03-2011 04:40 AM
حمل ضعيف والنزيف افيدوني	أمنيات	منتدى أعراض الحمل والوحام	3	10-15-2010 10:31 PM