السلام عليكم ورحمة الله وبركاته
الاول انا عايزةاحكلكم قصتى فى ايجاز شديد لان مش ده الموضع الى عايزة اكلمكم فيه
المهم انى كنت متجوزة ابن عمى وربنا يسامحه كان واخد موضوعى انتقام مش جوازة المهم
ومن غير تفاصيل انا مكملتش 3 شهور شهرين والتالت كنت عند ماما عشان حصلى اجهاض
المهم انى طلبت الطلاق لان النيةكانت باينه وراح طلق على طول ومن غير اى محاولة وانا اهو
يعنى من شهر11 الى فات وانا مطلقة المهم انى من ساعتها وحالتى النفسية كانت تعبانى خالص
على العلم ان قبل جوازى ده ما دخلش البيت غير عريس واحد وفى واحد تانى كان هيجى ومجاش وبعدين ابن عمى ده
وبعد الطلاق انا كان بيجى كتير بس محدش دخل البيت بس اول امبارح كنا فى مشوار بره انا وماما وفى واحده صاحبة ماما
شوفناها وسالتنى عن موضوعى ومكنتش تعرف ان الموضوع اتطور للطلاق كانت فاكراه انها مشاكل
وبعدين لما قولتلها راحت قلتلى على طول ان فى واحد مواصفته كذا وكذا واجبهولك وكدة هو بصراحه مناسب
بس تانى يوم كنت نايمة بعد المغرب ولقينا التليفون بيرن وهى بتقول انهم جاين دلوقتى ماما قالتلها استنى بس ارن عليكى
المهم قومت بسرعة روقت الصاله فى السريع وكنست السلم ودخلت البس وماما رنت عليهم وانا بلبس وتخيلوا قمة القلق
والتوتر الى انا كنت فيهم وانا يعتبر مش واخده على المقابلات الى زى دى انا كنت طول عمرى بضايق من المقابلات دى وبدعى ربنا ان الى يشوفنى يكون من نصيبى عشان ما تتكررش وان ربنا يهون عليا ويسهلهالى ومتكونش صعبة عليا
فعلا جات بنت صاحبة ماما معاهم اعرفها انا واول ما دخلو دخلت معاياا الاوضة وكانت بتساعدنى المهم هو مكنش جاى معاهم هى اخته وجارته عشان مامته ست كبير ه هما يشوفونى وبعدين هو يبقى يجى عشان كدة هديت نفسى
واول ما طلعت وسلمت عليهم اختوا اتصلت بيه ووصفتلوا البيت وجيه ودخلونى الاوضة وبعد كده طلعت وسلمت عليه
ومحصلش ما بينا كلام مع اننا كنا قاعدين فى وش بعض بس بابا كان بيكلم معاه على طول وانا اخته دخلناا الاوضة و
اتكلمنا وهى استريحتلى وخدت منى نمرة تليفونى والله حا سيتها صحبتى حتى كانت بتهدينى وهى الى طلعتنى لاخوها من الاوضة مع انى
اول مرة اشوفها المهم هما ممكن يجوا تانى عشان هو يقعد يتكلم معايا الكلام ده كان امبارح والنهارده محدش اتكلم
اناعارفه ان ممكن يكون عادى بس عشان انا مجربتش الموضوع ده قبل كده مش عارفه النظام يكون ايه
يعنى هيطلب يجلنا امتى وايه الى المفروض انا اعمله عشان ربنا يتمملى على خير ويباركلى فيه
والله بجد انا محتاجة انى افرح بجد بجد انصحونى وانا والله ملتزمةبالصلاة والقرأن وبدعى كتير
وبستخير ربنا كتير بس لسه ما حسيتش بحاجة من ناحية الموضوع انصحونى يا بنات اعمل ايه الفترة دى عشان ربنا
يكرمنى ويقدملى الى فيه الخير ويفرح قلبى وادعولى يابنات نفسى ارجعلكم قريب وفرحكم بيا
اللهم دبر لى فانى لا احسن التدبير واصرف عنى السوء واهله
انا لله وانا اليه راجعون اللهم اجرنى فى مصيبتى واخلفنى خيرا منها
مستنية ردودكم يابنات بالله عليكم ما تنسونيش بالنصيحة والدعوة الى من القلب ولكم المثل