العاده السريه معاي من أنا وصغيره :(

[مالي غيرك يارب]

السلام عليكم والرحمهـ

هلا فيكم

أنا بدأت مشكلتي وانا صغيره

هالشي صار معاي .. لأنه في حد قام واتحرش فيني للأسف من عائلتي

كنت صغيره وماعرف شو كنت اسوي

بس كنت أسوي هذا الشي وانا اكبر حسيت ان هالشي

مرتبط فيني لازم أسويييه ..

من بعدها كبرت وسمعت عن هالشي اللي يسمونه بالعاده السريه

ماكنت اعرف ان هو نفسه اللي انا اسويه

ولما في يوم سألت اختي الكبيره المتزوجه

قالتلي انه كذا وكذا

وكنت في امتحانات ثانويه عامه

انصدمت .. معقوله انا كنت اسوي شي حرااااااام

تعبت نفسيتي وايد

انا هالشي ياخواتي ودرته من زمااان

بس مرات للأسف أحلم بهالشي ولما أنش أشوف عمري

أنا قاعده أسوي هذا الشي

اختي لما خبرتها .. قالتلي خلاص اتركي هالشي

وانتي ماكنتبي تعرفين ان حرام .. ولا كان عندج فكره عنه

وانا كنت خايفه انه يأثر علي في المستقبل

اختي قالتلي ..

مابيأثر انا متزوجه وأعرف .. إلا إذا كان داخلي ...الخ

وانا ماكان داخلي ووولاشي

بس عشان ارتاح روحت عند 3 دكاتره

الاولى مش مسلمه : ضحكت وقالتلي عادي انتي ليش خايفه .. والله انتو البنات مشكله

الثانيه قالتلي : عادي .. بس حاولي تودرين هالشي

الثالثه وهي المسلمه : قالتلي .. هالشي محد يتعلمه وهو صغير الا اذا تعرض لتحرش وانا صحت هذاك الوقت سكتتني وقالتلي خلاص انتي هدي من نفسج وهذا مابيأثر لا على زواج ولا ولاده وولاشي بس اتركيه لأنه حرااام

أنا الحين مادري شو أقولكم .. انا اقتنعت في كلامهم بعد صعوبه

خفت اطرح مشكلتي وبعض البنات يخرعوني ويقولونلي له آثار سلبيه ...ألخ

فاللي عندها معلومات تغث دخيلكم انا بصعوبه نسيت

واللي عندها معلومات تريح .. تقولي اياها

والسموحه منكم