مشكلتي في بيت اهل زوجي..

[حلمي امل]

السلام عليكم ورحمة الله وبركاته

بنات انا تزوجت قبل ست شهور والحمد الله مرتاحه مع زوجي وماهو مقصر معي وحتى خالتي اللي ام زوجي وبناتها بعد معاملتهم حييل حلوه الا ان خالتي احيانا تسوي حركاته والا تقول كلام اتوقع من الغيره لان زوجي بكرها وهو قبل الزواج كان معها بقوه وبعد الزواج انشغل معي شوي ..

المهم المشكله اني سكنت مع اهل زوجي بنفس البيت وبغرفه وحده والحمام مشترك مع خواته حملت واجهضت واذ اشتهيت حاجه بالبيت مااقدر اروح واطبخ مدري استحي زوجي يقول روحي عادي محد طاردك وخالتي تقول سوي اللي تبينه بس عجزت انا اطبخ مثلا غداء والا عشاء واحيانا العصر لزوجي اذ جاء من دوامه ونام ماتغداء بس مستحيل ادخل المطبخ اسوي لي لحالي واكل هاللحين علي الدوره وهذي اول دوره لي بعد الاجهاض وامي تقول كانك نفاس سوي شوربه مع فلفل اسود وسوي مرقه لحم او مرقوق لاتجوعين ابد الجوع مو زين لرحامك واشربي مره وحلب بحليب بس ماقدرت انزل كل شي بالمطبخ من ادويه شعبيه وخالتي قالت شوفي هالدولاب كل شي فيه سوي وكولي هذا الكلام بوقت اجهاضي بس هاللحين مادريت ان الدوره علي جتني المغرب وذبحني الوجع وماقدرت انزل بس كلمت امي قلت لها

طلبت زوجي اروح لهلي وارتاح حتى الكبو ودي اتكبا واستحي وتعرفون الريحه وشلون بجلس عند زوجي بس رفض وماالومه معه حق كل شي متوفر عندي

جاب زوجي غلايه صغيره واكياس القهوه السريعه مثلا النسكافيه والكابتشينو وسكر وكل شهر يشتري واذ جعت سويت لي كافي وشوبته وعندي ثلاجه فيها انواع الشكولاته والعصاير وفطاير لوزين ودرج مكسرات وانواع البطاطس بس ودي باكل ساخن وقت الدوره اخاف اخرب اذ مشيت على نظام الجوع

ادري طولت عليكم بهذرتي بس صدق مليت وعجزت اعدل نفسي ..امي تتصل تسال كليتي اقولها ايه اسكتها مادرت اني استحي ولاقلت لها كن الوضع عاااادي

للعلم ام زوجي تصير اخت امي وخوات زوجي ثلاثه اكبرهم بالتوسط...

اتمنى ردود واللي بنتقدني عااادي يقول اتقبل

[أم أصيـــل]

الله يهديك لاتسوي بنفسك كذا,,
عادي الوضع
شوفي سوي أكل ل3 أو4 أشخاص والله مو كثير وحطي لك وإسألي أهل البيت
في أحد بياكل معاك وإجلسوا مع بعض والله تنفتح نفسك
هذا إذا ماصرتي دبدوبة هههههههههه,,,
بالتوفيق عزيزتي...

[لمعة الماسة]

طيب خالتك مو غريبة عليك عادي طبخي ودخلي المطبخ وقولي لهم تتعشون معي ؟ واحسبيهم معك اخذي الموضوع ببساطة وانتي عايشة معهم الى متى بتضلين كذا لايوم ولا يومين هو وتقولين عندك مكسرات وحلا وش تسوي لك اتركي عنك هالاكلات اللي ماتفيد وانتبهي لصحتك واكلتك

[nwarah]

ههههههه شكلك تمزحي
يا حبيبتي كلي اللي تبغي البيت بيتك وبعدين تقولين حماتك اخت امك يعني خالتك فليش تستحي منها وبعدين اهم شي بطنك
الله يهديكي بس لا تستحي وسوي اللي تبغي واذا ما عجبهم تطلعي بيت لحالك

[sweet moon]

مدري بالعاده ارد على مواضيع ومشاكل كبيره

ومحتاجه تفكير وحل سليم

لكن بالنسبه لكلامك مااعتبر اللي كتبتيه مشكله ابد

اعتبره دلع وحيا ماله داعي

لو انك غريبه كان قلت

خالتك وبنات خالتك

اضافه الا ان بنات خالتك بزرات دام اكبرهم بالمتوسط

يعني ماتسوى حيا للدرجه اللي انتي كاتبتها

وانتي الوحيده المتضرره بالموضوع هاذا

بالحيا هاذا بتدمرين صحتك وتهملين عمرك

خلاصة الكلام

الحيا الزايد مو زين لازاد عن حده انقلب ضده

من اليوم ورايح اذا اشتهتي الشي انزلي واطبخي

عادي البيت بيتك وبيت زوجك والاهل اقاربك وخالتك

فكره امي تعملي ابروح عند اهلي

خلاص انتي انسانه متزوجه ومستقله اعتمادك على الاهل ضروري يقل

بالتوفيق

[نور منوره]

خليك كيذا وماحد نافعك لخربتي

الصباح خبز حار وحليب بفلفل اسود
اضحى قهوتك بتمره برشاد وحبه سودا
الغدا مرقه لو تاخذينها من قدر الغدا
والعشاء شوربه بفلفل اسود
وانتهى الموضوع

بس انتي مزودتها مررررررررررره ومحد متضرر غيرك

[أم لااااااااانا]

ههههه خالتك اجل اخت امك
ليتني مكانك ياشيخه
فليها حبيبتي خذي راحتك صارت امك مو خالتك بس

[Fuoonkh]

ياربي ودي اذبحك ,, تصدقين؟
وش ذا الدلع الزآيد ,,

اقول اصلا المفروض اذا جيتي للجد , تروحين لامك صراحه , لين توقف الدورهُ

وبعدين ترجعين
واذا اشتهيتي شيء حبيبتي انزلي تحت واطبخي ,
وبعدين هذي خالتك يعني عاااادي مقآم الوآلده ,
وش تستحين منـــه ههههههههههههههه ياحبيلـك , لوني مكآنك كآآآآآآآآآآآآآآن انوم معها بفراشها بعد مب استحي انزل مطبخها هههههههههههه ,

[~ نوون ~]

ياحبيبتي هاد بيتك زي ماهوه بيتهم

انتي روحي على المول واشتري الك كل مستلزمات الطبخ ههههه يعني من فلوسك خخخخخ

واطبخي الك ولزوجك ولاهلوا واتغدو مع بعضكم وخبي الك وشوي لتجوعي

يعني حماتك خالتك ملازم تستحي وهلأ انتي فرد من بيتهم ولازم تتحركي فيه براحتك يائمر

بكره بتكوتي من الجووع هههههه فكري شوي اذا حملتي يعني بدك طعمي جنينك شوكلاته ونسكافيه واشياء مضره

هاي صحتك واهم عندك من كل اشي

والله يوفقك وبرزقك الذرة الصالحه

وطمنينا عنك يائمر

[سيدة الغرام]

بدام خالتك اخت امك ليه تستحين واااي ماحب زي كذا
والله لو خربتي ماراح ينفعك احد عاااااااااااااادي خلي الموضوع ببصاطه يعني هذا
خالتك مو واحده غريبه الله يعينك اجل ابقي على حالتك والله الى حتى تخربين شوفي مين ينفعك ههههههههه الله يوفقك يالغاليه