بنات ساعدوني الله يخليكم هذا طبيعي ولا لازم اراجع المستشفى

[بحيرة الأسرار]

,,,,السلام عليكم ورحمة الله وبركاتة,,,,,
كيفكم يابنات ؟؟؟؟؟ انشاء الله اموركم تمام والله يسعد كل ام بطفلها ويرزق كل محرومة بالذرية الصالحة ....
بنات انا ولدت 2\11\1432 يوم الجمعة المغرب والحمدالله رزقت ببنوتة حلوة الله يحفظها ,,
وانا الحين ابي اسالكم عن (دم النفاس) انا نزل معاي دم اول يوم وتاني يوم لما كنت بالمستشفى ونزل كمان قطعة دم كبيرة تقريبا قد كف يدي بنفس اليوم اللي ولدت فيه بالليل والظهر نزل كمان قطعة تانية بس اصغر من اللي قبلها ولما رجعت للبيت صار الدم معدوم ماينزل الا قليل زي القطرات ومرتين مكان في شي هل هذا طبيعي ولا لازم اراجع المستشفى واكشف امي تقول يمكن من الادوية صح ولا لا ؟؟
وايش الاشياء اللي اشربها انا لحالي ببيتي معاي زوجي وماعندي احد مع اني اقوم با اشغال البيت من اول مارجعت من المستشفى ....
وعندي سؤال تاني الخياطة ايش احط لها مرة توجعني مع اني مجهزة غسول المرة واستخدم مرهم ميبو مرتين الصباح والمساء بس احس بالم ما اقدر اجلس اكل ولا انام الا بعد ما اتقلب يمين وشمال وفوق وتحت لين يهدي الالم وبعدين انام 5 دقايق ويرجع تاني او البنوتة تصحيني ومرة متعذبة فايليت تساعدوني واكون شاكرة لكم مع العلم اني والله لما كنت اولد كنت ادعي لكم كلكم ان ربي يسير ولادتكم ويرزقك كل محرومة ,,,,,,
,,,,,,, امانة تردو علي,,,,,,,,,

[زهوري]

حمد لله على سلامتك ويأختي انا جربت غسول المره بس مافادني بالعكس جابلي التهاب حاد
مكان الخياط ولا اقدر حتى اوقف ولانام ولا اقلب لازم احد يرفعني ويشيلني وحالتي حاله ورجعت للدكتوره وقالت ليه تسخدمي المر انتي جمعتي الاوساخ والفطريات على الجرح والتهب وعطتني علاج بس تعبت على ماراح الالتهاب وصرت زينه ،نصيحه روحي المستشفى افضل لا تتأخري مثلي تالي تتعبي اكثر وقطع الدم يمكن مانظفوا لك عدل او باقي اجزاء من المشيمه مادري مابتفلسف عليكي بس راجعي المستشفى افضل انا معانتي ببكري الثاني كل شي من المستشفى الغسول والمرهم وكل حاجه تعقدت كثير ونفس الشي حملي اللحين مستحيل اجازف واخذ شي غير الي تكتبه الدكتوره ،وماعليك شر .

[سوسو الأموره]

قلبي المره يقولوا تجيب حكه والتهاب اشربي شربه ومرق وكثري عليها فلفل اسود وقرفه وايش تقومي بأشغال البيت باقي توك حاولي ترتاحين قلبي وزي ماقلت لك والله يطمن قلبك
طمنينا عليك

[مس لودا]

شوفي حبيبتي الدم ماعندي معلومه عنه لكن الخياااطه

هذي طريقه تسويها لي الوالده ومعروووفه عندنا بالعائله تنشف الخياطه

وتخفف اللام حطي بقدر وسط ماء ودباغ وملح خشن وشويه مره

وخليها تطبخ على نار هادئه لمده 10 دقايق وكل مادخلتي دوره المياه

حمي لك شويه خليها دافيه وتشطفي فيهاا وادعيلي هالاسبوع اولد على خير

[ام اسكندر]

الله يكون في عونك
لو تستفسري دكتورتك يكون افضل
والدم بالعادة ينقطع ويرجع خلال الاربعين عند بعض الحريم
وخلي أكلك صحي وحار عشان رحمك وعشان الحليب

والله يحفظ لك نونتك

[بحيرة الأسرار]

,,,,السلام عليكم ,,,,,,,
,,,,صباح الورد ع الحلوين ,,,,,,
زهوري مشكورة ياقلبي ع ردك وع نصيحتك بصراحة لما وقفت الغسول المرة احس اني ارتحت كثير الله يجزاكي كل خير ويسعدك ويرزقك والله يقومك بالسلامة انتي وطفلك انشاءالله ,,,
سوسو مشكورة ياروحي ع ردك صح صدقتي وانشاءالله اكل واشرب زين مع انه اكل وجبةوحدة باليوم وباقي اليوم ما اكون مشتهية ,,واذا ع شغل البيت ايش اسوي ماعندي احد يقوم فيه تصدقي بس غبت يومين عن البيت لما رجعت لقته فوق تحت الله يهدي زوجي ههههههههههههه مع اني بنفس اليوم اللي ولدت فيه نظفت كل البيت وغسلت كل الملابس وتعبت كثير مع الم الطلق بس تصدقي هون علي شوي والحمدالله ع كل حال,, الله يسر ولادتكي ,,,,,,,
مس لودا الله يهون عليك وع كل حامل ويسيرلك الولادة ويجعلها مثل شقة الابرة خفيفة وانشاءالله تولدين بدري والله يكتب لكي السلامة انتي وطفلك ومشكورة ياروحي بس انا اللي اسمعه انه ينزل دم كثير ب20 يوم الاوله من النفاس وانا مرة منقطع حتى دم الدورة مو كدا,, احيانا احصلها نظيفة وانا لسعة ماصار لي 10 ايام بس وخايفة ما ابي يتجمع فيني ابي انزله واحيانا اقول احسن اخلص بدري بس خايفةيضرني بعدين والله يعين بس انا اشرب قرفة مع الشاهي تنفع ولا لا ؟؟ ومشكورة ع الخلطة انشاءالله اشتريها واسويها وما اتكاسل....
ام اسكندر تسمين ع الرد لكن انا ولدت بالولادة طوارى ودكتورتي يوم الجمعة كانت اجازة لو رحت لها ممكن تكشف علي ولا لا اخاف تقول راجعي نفس الولادة ايش رايك اروح لها ولا للولادة ؟؟؟
وشكرا للجميع ,,,

[بحيرة الأسرار]

بنات ابي اسالكم سؤال ومنحرجة بس لازم اسالكم واعذروني انا لما حملت وكنت بالشهر السادس طلعت لي بقعة كبيرة سودا حولين السرة والمنطقة تحت سمرت مرة من ورا وقدام مرة سمرا والحين انا ولدت وابي استخدم كريم جليسوليد وليمون وزيت زيتون للمنطقة وللجسمي فهل يضر بالمنطقة مع انه لسعة ما طاحت الخياطة ولا انتظر شوي انا ابي السمار يروح من بطني ومن المنطقة باسرع وقت ابي اطلع من النفاس وانا عروسة خصوصا اني زوجي هالايام هذي طايح فيني غزل كنه مشتاق وبصراحة هو من شهري السادس ماقرب مني لانه صار له حادث وتنوم شهرين بالمستشفى ولما خرج جلس كمان شهرعشان الحوض عنده كان فيه خلع بس الحمدالله بشهري التاسع كان يبي يجني بس غير رايه لما شاف السمار والسودا فيني والحين يبغى بس هو عارف انه لازم ينتظر 40 يوم وابي لما اخلص الاربعين يلقاني عروسة ,,,, فايش تنصحون يابنات تكفووووووووووووووووووووووووووووون طلبتكم ابي اي شي يخلي السمار يروح وخاصة بطني والمنطقة والله يوفقك كل من ترد علي ويسعدها ويسر لها امورها وماتفقد غالي انشاءالله ,,,,,,,,
بنات تكفون لاتنسووووووووووني ردو علي ,,,,

[غلا الرووح]

اول شي الحمد الله على سلامتك
وانتبهي لنظام اكلك
وانصحك تروحين المستشفى اي دكتورة تشوفك المهم تتطمنين على نفسك
وغير كذا ايش شغل البيت خلي البيت يصير فوق تحت انتي بنفاس محد يلومك لو شافوه مكركب
الراحه ثم الراحه انتي توك والد لازم ماتشلين وتحطين عشان رحمك
ترى اذا تعبتي حالك كله هذا بيطلع عليك بعدين

وبالنسبه للسمار شي طبيعي بس قبل تبدين بالخلطات انصحك بحمام مغربي او دلكة سودانيه
ينظف الجلد ويفتح وبعدها ابدأي بالخلطات

في خلطة طبيه للتبيض كريم الدوكين +ريتين ايه باسبوعين تبين نتيجتها
بس ما ادري اذا تنفع وقت النفاس اقري عنها بقوقل افضل
واهم حاجه تلبسي قطنيات داخليه كويسه تخلي البشرة تتنفس وابعدي عن النايلون والحرير

الله يوفقك ويبارك لك بمولودتك

[جداويه مغتربه]

بالنسبه للقطع انا جات بولادتي التانيه معايا كدا بالعكس كويس انه تنزل ونصيحة اخت كثري من الاعشاب طول اليوم اول حاجه تنظف الرحم وتكثر الحليب والسمار بعد الاربعين تلاقي ثلاث ارباعه راح دعواتك لي ان الله يفرجها واولد ويخليني لبناتي