زوجي يتأتأ والكل ينعته بالخبل

[om rzn]

السلام عليكم ورحمة الله وبركاته
اخواتي انا امر بوضع مايعلم فيه الا الله واتمني وقفتكم معي
انا متزوجه صارلي ثلاث شهور وقبل الزواج كانت فتره الملكه سنتين
الحين انا حامل ولله الحمد مع اني ماكنت ابي الحمل الحين
للوضع السيئ اللي انا عايشته مع زوجي

انا فتاه جامعيه ومثقفه وطموحه اهتمامي بنفسي ممتاز
مستقبلي وتطوير نفسي ومواهبي ماخذه كل اهتمامي

لكن المشكله بدا من يوم تملكت ماكنت ابي زوجي
لكن ولا كنت احمل له ولا مشاعر واميل لكرهه وافقت علشان ابوه وامه
اتصل فيني بعد الملكه وكلمته تفاجات من اسلوبه
كاني اكلم طفل يتأتأ كثير ومايعرف يقول كلمتين على بعض
مع العلم ان عمره 28
غير انه مو مثقف ابدا كلامه والله لو احد عايش بصحراء ماحكى مثله
ماعنده طموح ابدا حاولت اشجعه على الدراسه بقول انا ماصدقت اخلص ثانويه لانه قضى ثلاث ارباع عمره في الثانوي

اضطريت اوقف المكالمات معه لاني ماتحملت التأتأه وحكيه المتدني
وكنت دايم ابكي ليل نهار على وضعي وادعي ربي يخلصني منه

ماحكيت لاي احد من اهلي لان راح تصير مشاكل كثيره وانا مافيني اتحمل
قرب الزواج وتزوجنا وانا حامله الالم معي كيف راح اعيش مع هالانسان
انصدمت كثير بعد زواجي وتعبت لاني احس اني جالسه مع طفل مو رجال
كان كثير ياكل اظافره غير انه مو مهتم بشكله ولا بنطافته
شخصيته معدومه وقدراته العقليه على قدها
بدليل اذا نزلنا لاي مجمع وكنت ابي اي استفسر يخليني انا اللي احكي مع الرجال وعذره يقول مااعرف اتكلم مع الرجاجيل بامانه في رجال كذا
وغير كذا انا كنت اعلمه وافهمه بعض الامور الجنسيه لانه مايعرف الا شي بسيط عنها
واالكل يعامله كانه طفل ماكانه رجال حتي اخوانه اللي اصغر منه
الكل يهمشه ومايشوفه شي حتي اهله مايمادونه الا ب(الخبل )

حاولت اغيره بكل الطرق اللي انا اقدر عليها ماقدرت

اخواتي وش تنصحوني فيه لاني ماعدت اتحمل وضعه
اتطلق والا لا
انا مره تعبانه *

[احبك يا زوجي]

سبحان الله ....
اذا هو بهل شكل كيف الاهل يزوجوهم ويورطون بنات العالم خطيه
والله يا اختي حرام اكلج انفصلي وشيل ذنبج
وحرام اكلج ابقي وتتعذبين وياه اكثر واكثر
وبلاخص كلتي انو حاولتي تغيري وما تغير يعني هذا شي اصعب
ومو قابل للتغير ابدا
وكيف خطيه بتولدي ويصير عندك اطفال ويختزو منو والله حرام
الخطاء من البدايه منج كان كلتي الاهلج من البدايه قبل لا تتورطي
بس بعد شيفيد الكلام خلص فات الفوت ما ينفع الصوت
ربي يعينج على ما بلاج يارب

[المستحيله]

لا الا الطلاق لا تفكري فيه خاصه انك حامل...حاولي تساعدينه وتغيرينه ..
ما فيه انسان ما يتغير..اقنعيه بعلاج التاتاه وخليه يروح لطبيب نفسي وحاولي تزرعين الثقه بنفسه...لا تتركينه ابدا..
يمكن انتي امله الوحيد بالتغيير وصدقيني مع الوقت راح يتغير وماعليك من كلام الناس اهتمي فيه ..
انتي تزوجتيه وحملتي منه ما تقدرين تتركينه لو عشان البيبي...
ادعي الله انه يقدرك على تغيره... والله يعينك ويصبرك...

[تراتيل حزن]

الله يساعدك

والله مدري وش اقول

الله يوفقكم

[فوق مستواااك]

الله يعينك لاتتطلقي.. سزي زي ماقالت المستحيله اقنعيه يروح للطبيب نفسي وقولي له انا بروح معك اقنعييييييييييييييييييه ...

[عسولة فلسطين]

الله يكون بعونك أختي،، طيب هو تعامله معك منيح بيحترمك
لو منيح تحملي شوي
كوني معه واصبري>>>وبشر الصابرين
وأضم صوتي للمستحيلة

[انسة سلاطات]

نصيحو لوجه الله ثم عشانك
لااااا تطلقين حافظي على زواجك وعلى زوجك وعلى طفلك
انتي ابدئي في بناء شخصية زوجك بما انك متعلمه راح تعرفين
علميه كيف يكون قوي وقد المسؤلية وبعدين علميه كيف يتكلم
بقولك الطريقة على شكل امثله ودروس وانتي طبقية
وان شاء الله تتحسن حالته :

مثااااال 1 :
قولي له يجيب طلب من البقالة او الصيدلية
واذا جابة قولي له كفو والله هذا رجااال البيت
الله يخلي لي سندي وظهري وعزوتي
الزبدة من هالمثل << انك تعطينه احساس انه كبير وفاهم
عشان لما يطلع لناس يكون واثق بنفسه وواثق برجولته
((( وكثري من هذا المثل )))

مثااال 2 :
بالجنس قولي له كلمات تحسسه انه كبير
وكل ما سوا حركة جديدة حتى لو كانت عفوية
امدحيه فيها بوقت الجنس او بعده
كذا بيتحمس وبيصير يبدع معااااك
<< عاد ما ابغى اتعمق بهالنقطة بس انتي شغلي مخك

ثالثاً:
لما تروحون سوق او مركز تجاري ويجي موقف انه لازم يكلم رجال
ورفض انتي بعد ارفضي بس هالمرة ارفضي بشكل غير
يعني قولي انا حرمة وش فهمني بعلوم الرجاجيل انت رجال وتقعد مع الرجال
وانت افهم
او قولي انت عزوتي وظهري وسندي انت اللي تسال مو انا

راب*

[انسة سلاطات]

رابعاً :
عليك بالدعاء وكثرة الاستغفار
لزوجك و لنفسك ولطفلك ولا تنسيني انا والاخوات اللي نصحناك

ولا تفكرين بطلاق نهائياً

( دعاء المعجزات )
حسبنا الله .. سيؤتينا الله من فضله .. ان الى الله لراغبون

اختك

[وردة=]

حبيبتي ابدا لاتفكري بالطلاق نهائي ان الوحيده الي تقدري تغيرين زوجك فكري ايش سبب التاتاه اكيد فيه شي نفسي بداخله ومايقول انصحيه يروح لدكتور او انت سوي بحث عن دكاتره وناقشيهم بحالته وصدقين راح يتعالج ويسير احسن من غيره انا والله اعرف واحد كان جدا جدا مايعرف يتكلم لدرجه الناس الله يهديهم يتلفظو عليه بالفاظ صعب اقولها والله تزوج وحده متعلمه والله والله الي يشوفه الحين مايقول الي قبل وسار تاجر كبيررررررررررررررر الله يبارك له بماله يارب وعياله كله بسبة مرته عرفة تتعامل معه وعالجته
حاولي تكسبين اجر فيه واصبري والله يارب توفقك وتسعدك معه

[انسة سلاطات]

المشاركة الأصلية كتبت بواسطة وردة=

حبيبتي ابدا لاتفكري بالطلاق نهائي ان الوحيده الي تقدري تغيرين زوجك فكري ايش سبب التاتاه اكيد فيه شي نفسي بداخله ومايقول انصحيه يروح لدكتور او انت سوي بحث عن دكاتره وناقشيهم بحالته وصدقين راح يتعالج ويسير احسن من غيره انا والله اعرف واحد كان جدا جدا مايعرف يتكلم لدرجه الناس الله يهديهم يتلفظو عليه بالفاظ صعب اقولها والله تزوج وحده متعلمه والله والله الي يشوفه الحين مايقول الي قبل وسار تاجر كبيررررررررررررررر الله يبارك له بماله يارب وعياله كله بسبة مرته عرفة تتعامل معه وعالجته
حاولي تكسبين اجر فيه واصبري والله يارب توفقك وتسعدك معه

انا معها بكل كلمة قالتها
وفكري دايم وركزي بهالمثل
( وراء كل رجلاً عظيم امراه )
المراه هي صانعة الرجال
مهما كانت مكانتها ام اخت زوجة بنت
هي اللي تصنع الرجل
وقفي معه ولا تتركينه لحاله