محتارة متى أعطي البيبي صناعي

[*قلب(H)حبيبي*]

هلااا كروشات

حبيت أسألكم متى أعطي البيبي إذا ولدت على خير إن شاء الله حليب صناعي
لأني حابه أعطي ولدي طبيعي و رضعتين صناعي باليوم ..

أختي الكبيرة تقول عطيه بعد أسبوعين من الولادة علشان ما يعاف صدرك
و أختي الثانية تقول عطيه من و انتي بالمستشفى


و أنا محتارة أسمع كلام مين ؟
أنا من رايي أعطيه من أنا في المستشفى أخاف بعد أسبوعين ما يتقبله


أرشدوني يالخبيرات

[ام اسكندر]

وليه ناوية تدخلي الصناعي؟؟؟

انصحك نصيحة عشان صحة طفلك وعشان كرشك ينزل بسرعة <<< لان الرضاعة الطبيعي تنحف الام اسرع

اذا تبغي تعودي ولدك ع الرضاعة اشفطي من صدرك وحطي بالرضاعة
خصوصا ان اللبأ اللي في الثدي اول اسبوع مهم للبيبي
وعشان ان الصناعي يجيب مغص للبيبي وانتي مانتي ناقصة صراخ وسهر
وكمان الحليب للام الوالدة بالشهور الاولى يكون ماشالله كثير

وبعدها بكم اسبوع ابدأي حطي ملعقة حليب صناعي فوق الحليب اللي شفطتيه عشان يتعود ولدك ع طعم الصناعي

وتولدي يارب بالسلامة

[*قلب(H)حبيبي*]

أنا إن شاء الله ناويه أدخل الحليب الصناعي علشان ما أدري عن ضروفي يمكن أتعب أو شي أو يكون عندي مناسبة مو حلوه أرضع قدام الناس خخخ أو أسافر " وتدري السفر طلعات وكذا"
و بعد سمعت أن اللي ترضع بس طبيعي لازم تشتري فيتامين من الصيدلية للبيبي نسيت اسمه علشان أنه مو موجود بحليب الأم و هو موجود بالصناعي قفلت أضرب عصفورين بحجر واحد
|أعطي البيبي الصناعي للضرورة و للفيتامين هذا|
بس إن شاء الله بمشي ع نصيحتك يالغلا و أنا أثق برايك لأني كثير أقرأ مواضيعك و أستفيد منها لأنها كثير هادفة الله يعطيك الصحة والعافية ..
آمين يا رب و الله يسلمك ..

بس حبيت أسأل يا قلبي يعني ألحين أشتري شفاط للحليب ؟ هو مؤلم الشفط ولا ؟

[*قلب(H)حبيبي*]

و صح بسألك يعني بعد كم أسبوع أشفط الحليب و أحطه بالقنينه و أضيف ملعقة حليب يعني ما أضيف ماي ؟
و ايش أفضل نوع الحليب برايك سيميلاك ولا بروجرس جولد وهو ضد الإرتجاع
أنا حابه سيميلاك بس سمعت أنه ثقيل و يسبب إمساك

[ام اسكندر]

ياقلبي شكلك من النوع المستعجل
لا تستبقي الاحداث

لان احيانا الاطفال ينولدو وليهم عادات تتعبك

احيانا اللي يطعم الصناعي بأول يوم ينفطم عن امه ويرفض يمسك حلمتها

واحيانا اللي يرضع رضعة صناعي بس باليوم او رضعتين بس ينسى الصناعي ويرفضه ويحب الطبيعي بس<< زي حالة ابني

وبالنسبة للفيتامين اعتقد تقصدين فيتامين د اللي ياخذه البيبي من الشمس وكمان الحديد اللي ياخذه الطفل من التمر والقمح لمن يبدأ ياكل

وتقدري تشربينه منقوع تمر من اول يوم ينولد عشان انه وصية المصطفى عليه الصلاةوالسلام
نقعي تمرة بمويا حارة وبعدين صفيها ةوشربيه مويتها >> غنية بالحديد الطبيعي
واستمري عليها خلال الاربعين << الا في حالة يكون عنده اسهال وقفيها لان السكريات تجيب اسهال

والفيتامينات يوصفوها الدكاترة دايما للاطفال من بعد الشهرين سواء كان يرضع صناعي او طبيعي
وفعلا الصناعي مليااااااااااااان فيتامينات وعناصر
بس ناقصه مناعة ونظافة وحنان<< وهي للي يتميز فيه الطبيعي

النصايح كثيرة يالغلا وكل ام حتعطيكي نصيحة مختلفة حسب مايناسب طفلها
واحنا مارح نغيب عنك حتلاقي بنات المنتدى كلهم في قسم المواليد عشان لوعندك استفسار بعد الولادة

وبالنسبة لنوع الحليب ترى طفلك اللي يحدد ايش يناسبه
لان الحليب لوجاب امساك او اسهال او استفراغ او مغص للبيبي معناته انه مش مناسب
انا اختي كل عيالها ع سيميلاك ماعدا بنت واحدة لمن غيرت حليبها ارتاحت البنت وبطلت معدتها تتعبها
يعني ماتقدري تاخذي رأي احد بالحليب الا لمن ولي العهد يشرف وتشوفي ايش مناسبه
ولاتشتري الحليب من الان عشان صلاحيته
لمن تولدي بالمستشفى حيخلو دكتور الاطفال يفحص البيبي قبلماتخرجي ويكتب له ع مسحة طبية عشان السرة ويكتب له حليب واشياء تانية

ونصيحة خلي الحليب بالفريزر عشان المولود مايكمل حليبه بسرعة
وصلاحية الحليب من بعد الفتح 4 اسابيع
بس لو كان بالفريزر وماينفتح الا مرات معدودة ممكن يطول
انتي صبي نص علبة الحليب في حافظة تانية استخدميها<< خليها بالثلاجةتحت او بالفريزر كمان
وخلي النص الباقي بالعلبة الاصلية في الفريزر لا تفتحيها ابداعششان ماتلامس الهواء وتخرب
ولمن يكمل النص اللي خرجتيه مسبقا ارجعي استخدمي الباقي اللي بالعلبة الاصلية

وبالنسبة للشفاط انتي رح تشوفي ايش يناسبك لمن يجي النونو
والشفط بالنسبة لي كان مافيه ألم زي الرضاعة لان تعرفي الحلمة توجع لمن يمصها البيبي بالبداية
كنت بالعكس لو شفطت احس براحة

طولت الهرج
ربي يسهل لك يارب ولادةميسرة وتطمنينا عنك يارب

[*قلب(H)حبيبي*]

المشاركة الأصلية كتبت بواسطة ام اسكندر

ياقلبي شكلك من النوع المستعجل
لا تستبقي الاحداث
ههههههه معاك حق يا روحي مثل ما يقولون أجهز الدوا قبل الضربه ههههههه
إن شاء الله ..

لان احيانا الاطفال ينولدو وليهم عادات تتعبك

احيانا اللي يطعم الصناعي بأول يوم ينفطم عن امه ويرفض يمسك حلمتها

واحيانا اللي يرضع رضعة صناعي بس باليوم او رضعتين بس ينسى الصناعي ويرفضه ويحب الطبيعي بس<< زي حالة ابني
اها .. الله يعينا على مزاج الكتاكيت الصغار هههه فديتهم و الله يحفظلك ابنك يا رب ..

وبالنسبة للفيتامين اعتقد تقصدين فيتامين د اللي ياخذه البيبي من الشمس وكمان الحديد اللي ياخذه الطفل من التمر والقمح لمن يبدأ ياكل

وتقدري تشربينه منقوع تمر من اول يوم ينولد عشان انه وصية المصطفى عليه الصلاةوالسلام
نقعي تمرة بمويا حارة وبعدين صفيها ةوشربيه مويتها >> غنية بالحديد الطبيعي
واستمري عليها خلال الاربعين << الا في حالة يكون عنده اسهال وقفيها لان السكريات تجيب اسهال

عليه الصلاة والسلام
اها .. علشان كذا أشوف ماما تعطي أطفال خواتي منقوع التمر و لذيذ هو بعد يتلذذوا به هههههه

والفيتامينات يوصفوها الدكاترة دايما للاطفال من بعد الشهرين سواء كان يرضع صناعي او طبيعي
وفعلا الصناعي مليااااااااااااان فيتامينات وعناصر
بس ناقصه مناعة ونظافة وحنان<< وهي للي يتميز فيه الطبيعي

اها معاكي حق الطبيعي أفضل ..

النصايح كثيرة يالغلا وكل ام حتعطيكي نصيحة مختلفة حسب مايناسب طفلها
واحنا مارح نغيب عنك حتلاقي بنات المنتدى كلهم في قسم المواليد عشان لوعندك استفسار بعد الولادة
وهـ بس فديتك انتي والبنات ما تقصرون يا عسولات ..

وبالنسبة لنوع الحليب ترى طفلك اللي يحدد ايش يناسبه
لان الحليب لوجاب امساك او اسهال او استفراغ او مغص للبيبي معناته انه مش مناسب
انا اختي كل عيالها ع سيميلاك ماعدا بنت واحدة لمن غيرت حليبها ارتاحت البنت وبطلت معدتها تتعبها
يعني ماتقدري تاخذي رأي احد بالحليب الا لمن ولي العهد يشرف وتشوفي ايش مناسبه
اها .. الحمدلله اللي ارتاحت البنوته بعد تغير الحليب
و الله مشكله الحليب الله يعين
ولاتشتري الحليب من الان عشان صلاحيته
لمن تولدي بالمستشفى حيخلو دكتور الاطفال يفحص البيبي قبلماتخرجي ويكتب له ع مسحة طبية عشان السرة ويكتب له حليب واشياء تانية

ونصيحة خلي الحليب بالفريزر عشان المولود مايكمل حليبه بسرعة
وصلاحية الحليب من بعد الفتح 4 اسابيع
بس لو كان بالفريزر وماينفتح الا مرات معدودة ممكن يطول
انتي صبي نص علبة الحليب في حافظة تانية استخدميها<< خليها بالثلاجةتحت او بالفريزر كمان
وخلي النص الباقي بالعلبة الاصلية في الفريزر لا تفتحيها ابداعششان ماتلامس الهواء وتخرب
ولمن يكمل النص اللي خرجتيه مسبقا ارجعي استخدمي الباقي اللي بالعلبة الاصلية
مشكوووووووووره يا قلبي ع النصيحة من جد استفدت منها و خصوصا إني يوم الأحد رحت أشتري أغراض الصيدلية و كنت باخذ معي علبة حليب هههههه
و بالنسبة للحفظ والله فكرة مره حلوه إني أحطها بالفريزر ..

وبالنسبة للشفاط انتي رح تشوفي ايش يناسبك لمن يجي النونو
والشفط بالنسبة لي كان مافيه ألم زي الرضاعة لان تعرفي الحلمة توجع لمن يمصها البيبي بالبداية
كنت بالعكس لو شفطت احس براحة
اها ,, كثييير منييييح .. و الله يعيني ع الألم لما يرضع النونو فديييته ..

طولت الهرج
بالعكسسسسس يا قلبي و كلامك كله مفيد و نصايح حلوهـ
ربي يسهل لك يارب ولادةميسرة وتطمنينا عنك يارب

آميييييييييييين يا رب .. و أكيد إن شاء الله أطمنكم علي بعد ما أولد بالسلامة
أدعي لي يالغلاااا من جد خايفة من الولادة وخصوصا لسى عمري 17 و اليوم دخلت التاسع و متصرقعة من الخوووف هههههه

و الله يسهلها إن شاء الله .. و يعطييييييييييييك ألف صحة وعافية ع نصايحك لي يالغالية من جد كثير أفدتيني ..
و أحلى بوسه مني لإبنك الله يحميه وتشوفينه عريس ..

[الهندية]

مشكوريين بارك الله فيكم استفدت منكم

[shmooe]

السلام عليكم

اختي نصيحه اذا ما كنتي مضطرة لا ترضعي البيبي حليب صناعي
اذا عندك دوام و دراسة .. ابدئي معها حليب صناعي .
انا عمر بنتي 6 شهور .. بسب ظروف الدراسه
بدئت معها صناعي بعد اول شهر رضعه في اليوم لمدة ثلاث شهور
بعد ثلاث شهور قل كمية الحليب .. وبديت ازيد في رضعات الحليب الصناعي
والآن انا اعاني معها لانها ترفض ترضع مني ..
تخيلي بعد ما كانت تبتسم وتنبسط بعد ما ترضع مني .. صارت ما تنبسط الا بعد الرضعه الصناعي .. والله احساس مو حلو ..

وانتبهي للرضعات الحلمة .. لازم تكون فتحتها ضيقه .. والاحسن تستخدمي الحلمات الي نفس شكل حلمة الام ..
وبالتوفيق غاليتي ..

[ام مهاوي 11]

اخــتي وفقكـ الله

لكــن بالنسبـة لي اطفـالـي

من اول مايجون حليـب طبيعي

ومااعـمر وحدة كملت معي يعيفوونة على طوول

بس بنتي وحددة بقت علية 7 شهوور

والبـااقــين اعطيية طبيععـي

واذاا عافووة اعطييهم صنــاعـي


والله يعطيك العـافية