تكفون ساعدوني

[هيابو]

السلام عليكم
ابغى مشورتكم في مشكلتي الي هي زوجي مطنشني وما كلمني صارله اسبوعين حتى العيد ما عايدني والسبب ان انا لما كنت في شهري طلبته شرشف نفاس ورحنا لسوق ولما شافه قال ايش هاذي الخرابيط وقال هذ مصاريف مالها داعي عاد انا زعلت وقلتله خلاص انا مابغى ورحت عند اهلي واشتريته انا وماقلتله لاني في شهري مابي اتهوش معه وارفع ضغطي بعدين ولدت الحمد الله وبعدين عرف اني اشتريت مدري من قاله واتصل علي وجلس يهاوش ويقول انا ماحسبت له حساب وماقلتله وسألني من وينلك الفلوس لاني انا مو موظفة وماقلتله من وين دبرت الفلوس بعدين سكر التلفون وانا ارسلتله رسالة اوضحله اني انا مو غلطانة ومو كل شي هو مو مقتنع فيه لازم انا مااقتنع فيه وانا اتنازل عنه لانو في اشياء كثيرة مو مقتنعة فيها هو يسويها وانو مامعاه حق يزعل وبعدين هو ارسل رسالة من الرسالة عرفت انو زعل اكثر بعدين صار مايكلمني واذ اتصلت عليه مايعطيني وجه بعدين ماعاد اتصلت عليه حتى طلبته السوق عشان العيد مارضى يوديني وانا متضايقة حيل لهدرجة اهون عليه ويسوي كذا حتى اهلي لاحضوا اني متضايقة لاني من ولدت وانا عندهم وانا اللحين صارلي شهر ايش اسوي الحين اتصل ويكسر بخاطي ومايعطني وجه ولاارسل ارسل رسالة عتاب ومايرد علي ولا اطنشه لان نفسي ماتهون علي اكثر من كذا تكفون لاطنشوني

[روح فقدت مغليه]

الله يهديه ويصلحه ويحنان قلبه عليك يارب

[دلوعة حبيبها]

الله يهديه ياحبيبتي الرجاااااااااال مايحبون الحرمه العنييييييييده المفروض انك ماشرتيه الله يهديك بعدين عادي دقي عليه وعايديه وقولي خلاص اناخلصت نفاسي وابي ارجع البيت وارجعي وانتي متكشخه بعدين يااااااااااااااحلوكم وش خليتو من زعل للمشاكل الكبيره لاقدر ربي!!!!!!!!!!!!!!

[sweet moon]

انتي غلطانه يالغاليه شوي

وفعلا معه حق شرشف النفاس ذا ماله داعي

مصاريف وهياط حريم على قل سنع

انتي هدي من عمرك

واذا خلصتي نفاس ارجعي بيتك

وان شاءلله بعدها كل شي بيتصلح

والاعتذار من حقه اذا راضتيه هو بيراضيك بعدها

[حجــآزيــۃ]

بصراحه مو هياط حريم ولا تبذير
من حقك صراحه تشترين وتستقبلين ضيوفك بشرشفف حلو

بس غلطك انك عاندتيه وهو يعتبر تصرفك انك ماسمعتي كلامه وكسرتيه والرجال عموما مايحبون الحرمه تمشي اللي فراسها كان تحايلتي عليه وهذا اللي ينفع معاهم

بس الحين دقي عليه وعايديه ولا تذكرينه ب اللي سويته وكأنه ماصار شيء والحياة قدآمك طويله
وهذي مشكله بسيطه ماهي كبيره والله يصلحه ويحنن قلبه عليك ي الغلا

[sweet moon]

المشاركة الأصلية كتبت بواسطة حجــآزيــۃ

بصراحه مو هياط حريم ولا تبذير

انا قصدي بهياط حريم وتبذير

ان الوحده تشتري ذاك الشرشف بـ 2000 ويمكن اكثر

وطقم وزحمه وسرير وتلبيس حتى الترامس وسطل الزباله تكرمين

يعني حتى ترمس القهوه والسطل ماتركوه ولبسوه

بالله ذا مو اصراف وهياط

هاذا غير توزيعات وشوكليت

ولا انا مو ضد انها تاخذ شرشف حلو ونظيف ب 300 كذا

تستقبل فيه ضيوفها

هاذا قصدي

لك حجازيه

[حجــآزيــۃ]

ههههههه لا لا انا كمان ضد هذا الهباله
انا اقصد الشرشف بس

تسلمي ع الورده ي ورده ^^

[mr00m]

يا قلبــــــــــي من قالكـ ان الرجال يحبون اي شي تقوله المرأة

والله لو اني ما قلت له ماابي اصير اقل الحريم الي حوله

وانت بتطلع بصورة سيئة جدا انك مقصر علي هذا اذا امك اول وحدة ما عطتك كلمتين

لان هالاشياء اساسية في النفاس والمستشفى

لكن ما نقول غير الله يهديه ويسخره لك يارب

[حـزن]

آذآ كآن آلشرشف رخيص مآلو دآعي يزعل
بس مهمآ كآن هذآ زوجك آلمفروض تكلميه لآتقولي آرتفع ضغطي ومش عآرفه آيش
ويآقلبي مآف كرآمة بين آلآزوآج آلاآ لـ شي كبير
آنآ آقوول كلميه وآرجعي بيتك
آلله يصلح آللي بينكم ..

[يارب عفوك]

ياقلبي انتي بس حرام يعني تزعلون كل هالزعل عشان شرشف

حاوولي تصلحي الامور بطريقتك الخاصه معاه وتأسفي حتى لو ماانتي بغلطانه

بس وش نسوي الوحده عشان تعيش لازم تتحمل كل شي بهالحياه لإنه مو كل شي مثل مااتمنى

انا تمنيت اشياء واشياء وكنت احلم قبل مااتزوج يوم تزوجت ولاشي من اللي تمنيت وحلمت صار

بس ساكته وصابره ومقدره ظروف زوجي عشان اعيش معاه عيشه حلوووه

بس خلاص انتي شهر الى هنا وبس كافي زعل

المفروض انتي نفاس ومحتاجه لزوجك جنبك وهو محتاجك وطفلك كمان محتاج لكم

فخلاص افتحي صفحه جديده وطئي ع حالك شي وتصالحووا