السلام عليكم ورحمة الله وبركاته
خواتي الكريمات بعرض لكم مشكلتي واتمنى منكم تشرون علي باراكم واقتراحاتكم ولا تبخلون علي الله يجزاكم بالخير
مشكلتي هي ....
انا بنت عمري 24 متزوجه وزوجي عمره 25 ومر ع زواجي سنه ونوص
المشكله هي اني انا الا الان بنت عذرا مادري المشكله فمين بالضبط بالبدايه وطبيعي زي كل بنت كنت اخاف وابعد وكل ماتزيد المده كل مايزيد الخوف عندي
لكن لاحضت شي وشاكه في زوجي من النوعيه ال يمايجين كل يوم او يومين من النوعيه الي يقعد اسبوع اسبوعين ماعنده مشكله واواقت يوكون مرتين بالاسبوع انتو فاهمين علي طبعا اوقات احس برخاوه بالمنطقه واوقات احسها طبيعيه مادري هو عنده ضعف من هالناحيه او لا
المشكله انو مصخناها وكذا مره تكلمت معاه وحطيت الغلط علي وقلتله انا الي مااعطيك مجال خلينا نروح لدكتوره لكن رده الله كريم انا مؤمنه بالله والنعم بالله لكن لازم نعمل بالاسباب ومانحط يدينا ع خدنا وننتضر او يسكت ومايعلق تعبت معاه كل مااكلمه بالموضوع يسكت ولا يديني لا حق ولا باطل صارتلنا مشاكل قبل وجلست عند اهلي والاهل كلهم عرفو اني بنت لسى مادخل علي بعد ماترضينا ورجعنا لبعض الحين كذب ع اهله وقالهم ان الموضوع منتهي ويقولي اكذبي ع اهلك انتي بعد انا مشيتله عشان بشوف اخرته بس مستحيل اكذب ع اهلي او اقلهم اي شي المشكله الاكبر انو انا الحين مراا نفسي احمل ويكون عندي طفل وفاتحته بالموضوع قالي بدري قلت ليه بدري يقول بس انا اشوف بدري قلتله طيب مو لازم تقولي عشان افهم وجه نظرك قفل ع الموضوع وماعلق عليه المشكله هو مايصارحني باي شي قد مااحاول اتكلم معاه مااطلع باي نتيجه
هو طيب وحبوب ويوفرلي كل طلباتي الي منغص علي هو هالشي ولما افكر بيني وبين نفسي اقول انا بجلس طيب لين متى ويمكن هو مو عارف انه مريض وبنقعد ع هالحال لين متى انا صراحه واقعه بداومه ومحتاره وماادري وش اسوي
الله يجزاكم بالخير ابي استشاراتكم بهالمشكله لاني بجد تعبت وخايفه اتخذ قرارات قويه اندم عليها بعدين معليش طولت عليكم بالكلام بس من جد تعبانه
الله يجزاكم بالخير الي تشوف موضوعي ترفعه لي
واذا بكلامي خارج عن حدود الادب فانا اعتذر منكم بس حابه اوضحلكم الصوره
وشكرا ....