بليز ساعدوني بخصوص قلة الاكل بالحمل

[خُـرآفية آلعمق]

السلام عليكم ورحمة الله وبركاته

مساء الخير أخباركم

هذا اول حمل لي وانا في بداية الشهر السادس
بيقولو شهية الحامل بتزيد بس مره اكلي قليل يمكن
عشى بس الفطور ابدا ما افطر والغدى نادر احيانا باليوم كامل
ما باكل الا شبس والحليب ما اشربه ما احبه مدري هل يأثر قلت الاكل
ع المولود سمعت من ناس انو المولود بيوصله كل شي بس يأثر ع الام
بس من الشهر السادس نفسيتي زفت وخايفه لان احيانا تخف حركتها
واحيانا ما احس فيها ونومتي مره صعبه هذا طبيعي ولا معناه عندي مشاكل
واعطتني الدكتوره ابره بالشهر الخامس وقالت كمان السادس تانيه
مش عارفه لشو الابره ليت تفيدوني
وربي يوفقكم جميعا

[لولو حمادة]

انا مثلك بكره بدخل الشهر السادس طول اليوم وجبة او وجبتين واكلي خفيف بس باكل فواكة كثير وبشرب لبن رايب والدكتورة اعطني كالسيوم وفيتامين
الابرة ليش اخدتيها

[خُـرآفية آلعمق]

ما سألتها عن سببها
الكل بيقولي ما أخذو الابره
ايوه اعطتني فيتامين وحديد بس كمان الفواكه نادرا باكلها

[دلوعه موت]

اعتقد الابره ابره الكزاز

ومن ناحيه الاكل انتبهي لصحتك اهم شي كل موز وتفاح وبرتقال وعسل طبيعي وخيار وانتبهي لصحتك عشان لاقدر الله لاينقص عندك نسبه الحديد

[سما الدنيا]

حبيبتي انا ببداية الشهر السادس ...حركة البيبي انا خفت عندي ما اتخافي سالت عن هيك شي بكون لانو البيبي بيكبر وبتكون المساحه ديقه ولانه بكون نايم اغلب الوقت يعني بالليل صرت احس فيه..وبالنسبة للاكل انا صررت اكل انتي خدي الفيتامينات كل يوم هاي بتزيد شهيتك للاكل والحليب حبيبتي ضروري تشربيه عشان الكالسيوم اجبري حالك عليه انا ما كنت احبو بس جبرت حالي عليه لو كاسة باليوم وكلي فواكة التفاح منيح للحامل وخضراوات...وبالنسبة للنوم انا متلك متغلبة كتير مش ملاقيه وضعية مناسبة الي عشان البيبي بس صرت احط مخده تحت بطني بس المشكلة بقوم ضهري مكسر بس رح اعود حالي عليها والابره يمكن متل ما حكت اخت لولو انو يمكن ابرة كزاز لانو اختي اخدتها بس انا للمره الجاي رح اسال الدكتورة عنها هاي الابره ...
ربي يحفظ اجنتنا من كل سوء وييجو عالدنيا بصحة وخير وعافية

[حواء مثالية]

سلام عليكم

انتي اكثر وحدة بتعرفي نفسك اذا تعبانة او لا قلة الاكل اكيد الها دور كبير انا عن تجربة وماما حكتيلي ما تاكلي وتشبعي هيك بتضلي تعبانه انا بوكل كل ساعتين شغلة يعني بقسم وجبتي لثلاث فترات وصدقي الحمدلله هيني ببداية حملي وكلشي تمام حتى وحامي

اذا ما بجي عبالك توكلي مثلا الفواكه اعمليهم كوكتيل الحليب حطي مع الفواكه هيك بتاخدي كل الفتيتامينات وان شاء الله كلشي يكون عندك تمام