الحقونى!! يالخبيرات بالحياه الزوجيه والذكياات ..الله يجزاكم ووالديكم الجنه

[ليالي حب]

كنت مرتبطه وانفصلت
وصار زواجى الان من ابن عمى هو ايضا منفصل سابقا عمره 32 وعمرى 27 انا جميله وجامعيه.عاطله) وهو موظف
والسنه الا ولى جميله
ام السنه ثانيه بدا مشكل احس يتمادى بالكلام .. ويقول يعنى معايره ان سبق لىزواج !!
طب وانت ايضا ..و عارف انى منفصله و الحمد لله مابي شئ
وكذا مره يمد ايده. وسامحته
رغم ان زاد تعوودعلى وزااد اوامر وانا البي له.. زاد شغل بالبيت ومو عاجبه شئ..
موضوع الاطفال بااول مو مهتمه . وقبل كم شهر لما كملت سنه ونص ؟!!
قلت ليش ماتفحص وطلع عنده مشكله دوالى سافرت معه واجرا العمليه والان هو على علج وانا اعطيه واو كله ولا مرض معه. وعايشه بالغربه معه دلال واهتمام
لا حظت طولت لسان كلام وسخ مره يجيبه ع انه مزززح مرات. ومره جد.. تعبت وانا اعدى لي صار كل يوم يتكلم وبالاخير صرت انا ارد عليه لاحظت ينام عن الصلاه . ولا يشكرنى ويقول سوى اكثر وهو بالبيت مايحرك كوب.
مصرف مايعطينى !! مره يودينى مركز وينزلنى بسوق بالحالى ويعطينى مبلغ بسيط ؟؟
تعبت رغم الان تحسن ظروفه لماليه عن بدايه الزواج . وحتى تمشيه ماسافرنامن تزوجنا شهر عسل وبسس
حتى مكه ماجيناها من تزوجنا
رغم انا يعنى توناا ماانجبناااا
ورمضان والاعيااد انا عند اهلى ولا عمرى عيدت عنده وهو حتى مايهتم بالمعايده..

احس معه ضعف جنسي هو منطوى وحيد امه ودايم بالبيت اول ودايم يشاهد قنوات فضائيه اباحيه واحس بدايه زواجى يمارس العاده السريه؟!!
ياناس كم مره يكرر مده يده والله لو باى مكان بس سكت مابي اهلى يدرون ويتدخلون وهو يستحى عند ناس ومايبي يسمع طارى اهلى رغم طيبين احس يختنق كنه يغار من ناس.. هو لااب ولااخوات بس اخ من امه
ياناس
اليوم قلت له اليوم شف طبيب زمان انت عنه وحلل .!!!!هو مطنش

قلت ترااناا مليت ابي اطفال.. وانت كويس بس راجع افضل >>يتضايق من هالسيره
هنا الكارثه
قال ابتزوج واجيب اطفال..
انصدمت وقلت وش تقول ..!!
قال . زى ماسمعتى لمن خرج كلمت بجوال قلت انت وش سالفتك ؟؟!!..
ارسل لى رساله يقول (((انتى مو الى في بالى... ياااناااااااااااس وش السواااااااااااااات .وهل يمدى ؟؟انا مااعرف دلع وحركات ومياعه الحريم وشكلى حلو بس قصيره واحس منت(ميانه ) كثير معه بسوالف!! بحكم الغربه ومااعرف بنات هنا بمدينتنا عشان اجدد جوو عنه وطلع الى بقلبي لهن؟! ..المشكله مااعرف ازعل هو المخطئ وانا ارجع اتكلم معه لانه يسوى نفسه و مهتم ويطنش ع خطاه

.. وايضا مرات يكون شبعان نوم وانا ابي انااام فخليه وانام
ياناس اروح لاهلى .و ادخلهم ؟ انا امى متوفيه و زوجه ابي شريره (عاااانيت نفسيا منها قبل زواج )وحريم اخوانى وبتفرح وتنشره بين الاقارب.. وراح انفضح وتتعب نفسيتى؟؟ وابي غضوب وكبير بالسن صعب تفاهم
ياناااس زوجى تمررد علي؟؟

الحقونى احس انصدمت..
ياناس يعنى شسوى اركز ع ملابيس ولا الغرفه النوم مااعمرى سويت رومنسيات بالغرفه ؟ (مايعطى فلوس كثير احس حتى ذكرى زواجنا مو مهتم ياناس شسوى من حرات دلع والغزل ؟؟ لوو على الخاااص ارسلو لى

حتى رسايله وقفهااا ...
حتى مشاويرنا كله بس اغراض بيت وقليل مطعم او
اوسوق لا ويناظر حريم رغم انه يستحى بس يخز بطرف عينه
(واذا جيت من صديقه او اى وحده يقول هى حلوه ؟
ولا يسولف معى اذ جلسنا بمكان عام كثير ؟! وبس يتذمر بسوق(( احس الجاذبيه والغلا والاحترام راااح .
ولا شئ طبيعي مع تقدم زواج ؟؟))
انامالى اخوات كبار وضايعه وزوجه ابي مهملتنى ! انصحونى
وكله يتمسخر ويتامر واحس ضعفت عنده وبس ينفخ هل ابين انى زعلت من كلامه الى قاله؟



الله يسخرلكم ازواجكم ويجزاكم خيرالجزاء... يرزقكم من حيث لا تحتسبوااااا
ساعدونى؟!

[ام حماد]

احب اقولك ياليت تعتبريني اختك اللي ماجابتها امك وانتي ان شاءالله في هالمنتدى بتلاقين اخوات لك في الله تفيدينهم وتستفيدين منهم.
الحمدلله انك طلعتي اللي بقلبك ولا ودي ازيد عليك همك لكن بصراحه انتي اعطيتيه المجال بطيبتك وسكوتك انه يتمادى عليك بهالطريقه ما اقولك ان الوحده لازم تكون شرانيه لكن ماتسكتين عن الغلط لاتسمحين له يهينك او يمد يده عليك وهذا اقل حق من حقوقك كزوجه انه يقدر انسانيتك ويقدر الميثاق الغليظ اللي سماه الله عزوجل وهو انه استحلك زوجة له ..
نصيحه مني لك حلي مشاكلك بنفسك ولاتدخلين احد من اهلك اطلاقا ولاتشتكين لاحد يعرفك اليوم تفتح اذنها وتسمعك وبكره تحكي فيك بالمجالس الا اذا كانت صديقه موثوق فيها وزوجك لابد تغيرين من طريقة تفكيرك واسلوبك معه وخلك شديده معاه اذا تكلم عليك بكلام يهينك اعطيه نظره قويه بدون ماتفتحين فمك واطلعي من المكان اللي هو فيه وازعلي عشان نفسك لان الرجال بكل اسف يحتقر المرأه اللي ماتعطي لنفسها حق واحترام واذا مد يده عليك لاتسمحين له وهدديه انك بتشتكينه وفيه من بياخذ حقك منه والمصروف خذيه منه شهريا مصروف خاص فيك واكثري من الدعاء والاستغفار وعسى الله يسخره لك.
وبخصوص الانجاب لاتفكرين فيه الحين حتى ينضبط معك ويتعدل اما اولاد مع هالوضع ماينفع...وحركات الدلع والغزل والحفلات خليها بعدين اذا تعلم شلون يحترمك ويعطيك حقوقك واللي مثل حالته لو تسوين كل يوم حفله مانفع فيه لان انتي اللي لازم تفكيرك يتغير وتنتبهين لنفسك ولاتقولين قصيره اهتمي بمظهرك وشعرك ولبسك وتطلعين احلى وحده واهم شي تخلين عقلك كبير واسلوبك اسلوب امرأه ناضجه ماتسمح لاحد يغلط عليها واولهم زوجها واسأل الله بمنه وكرمه ان يبدل حالك لافضل حال يارب العالمين..

[ليالي حب]

الله يجزاكم كل خير
بحد انا وحيده وماعندى كبير
المثل يقول الى ماله كبير يشترى له كبييير
والله ابكى

[ام حماد]

لا يا اختي الغاليه لاتبكين
واحنا اللي نشتريك وعسى الله يفرج همك
ماراح انساك بإذن الله من دعواتي قبل الافطار في هذا اليوم الفضيل واسأل الله القبول وان يجعل زوجك هو اهلك وصحبتك والونيس لك بعد الله سبحانه.

[مها نجد]

الله يعينك ياختي ويصبرك

بس ياليت تسوين زي ماقالت اختي ام حماد وتجربين معه وتحاولين قبل دخلين احد في الموضوع

كلامها درر الله يوفقها ويسخرلك زوجك اللهم امين ويعينك

[ليالي حب]

هل ازعل من كلا مه ؟ اول مره يقول
وكيف احافظ عليه و مايفكر بزواج علي ؟؟

صدمنى
برساله
انتى منتى الى في بالى

وصدمنى قبل بتماديه!!

[ام المسك]

حبيبتي الرجال بطبعه ما يحب المراه الي شخصيتها ضعييييفه قوى نفسك وعرفيه انه وراك اهل وناس وعزوة ولو بالكذب ومرة ثانيه لو مد يده رديها لا تسمحين ان يضربك وزى ما قالت لك ام حماد اذا تفوه بكلام خزيه بعينك نظره قويا واخرجى من الغرفه عرفيه ان لك شخصيه مستقله بس في نفس الوقت اذا كان غايب فتره طويله وجا ابتسمى في وجهه اذا دخل اسالي عنه عسا ما تعب مو تسالين وين كان واذا تمادى على طول غيري حالك واقلبي عليه يعنى الزبده مو كل الوقت تكشير وخصام ولا كلو لعب ومزح وضحك انتى تشكليه على كيفك كذا وكذا
وانشالله ربي يسخره لك ويجعلك احب النساء الى قلبه واجمل النساء في عينه ادعي دايم بذا الدعاء واكثري من الاستغفار

[3miao]

اختي العزيزة لازم يكون عندك شخصية قوية وافرضي نفسك وشخصيتك ودايما ذكري زوجك بانك جامعية ومتحصله على شهادة ما شاء الله
وان اهلك يردولك حقك ولو بالكذب
ولا تسمحي لزوجك بالتمادي في الضرب اذا ضربك زوجك لا ترجعين له بسهوله وعلميه ما يقوم بمثل هذا التصرف مره اخرى اذا اليوم ضربك وسامحتيه في نفس اليوم تاكدي سيضربك من جديد وربما في نفس اليوم
انت يتيمه مثلي واليتيم دايما ينظلم في الدنيا اذا مش من الزوج فمن الاخرين
اجعلي كل اهتمامك بنفسك وببيتك
نوعي في تسريحتك في مشطك في لبسك ولو بالقليل والمصروف فرض عليه هذه مسؤليته
تكلمي مع ابوك واخوتك علشان تذكريه بانو عندك اهل يحبوك ولو بالكذب امدحي نفسك امامه ولا تقولي له انه فيك عيوب حتى لو فيه
قولي له انا جميله واهم شئ والحمد لله متعلمة يعني لو انت متوظفة لا تحتاجيه في اي شئ
تصرفي على نفسك بنقودك
حاولي تكون عندك صديقة دائمة تروحي عندها او تجي عندك
اولا لكي لا تحسي بالغربه وثانيا لكي تفضفضي معاها في مشاكل الحياة
اكثري من الدعاء والصلاة والاستغفار وصلي صلاة الاستخارة والحي في الدعاء لله
انه مجيب الدعاء
والله يطوعلك زوجك يا رب

[ليالي حب]

الله يوسع عليكم دنيا واخره...

[ليالي حب]

مشكوررررين..