ساعدوني وجاوبوا علي قبل الولادة ...

[جوى القلب]

السلام عليكم ورحمة الله وبركاته ،،، أخباركم ان شاء الله بخير

حبايبي للي عندهم خبره ،، عندي كم سؤال وأبغى اجوبه من خبره مو من منتدى او كلام من الناس

أبغى اعرف هل في نوع من الاطعمه والمشروبات مايصير ناكله او نشربه بالشهر الاخير من الحمل ؟

ثاني شي بخصوص حلمات الصدر قريت بالمنتدى انه نسوي مساج للحلمه بثلج ونمسحها برضو بزيت زيتون انا ماعرفت الا الحين وانا بالتاسع هل تفيدني اذا سويتها مع أني تأخرت واذا في طريقه ثانيه خبروني

وحابه اسأل عن زبده الكاكاو أش فائدتها وكيف استخدمها وأي نوع افضل ؟

ثالث شي هل من بداية التاسع ناكل تمر وهل في نوع معين ! انا سمعت ان العجوه مع مويه عصير يعني كويسه! صح ؟

وبخصوص المسحه الطبيه ليه تشتروها ؟ للسره ! اذا للسره مو حاره عالبيبي !!

وصراحه انا ماعندي خبره بس اسمع من الناس في بعضهم يقولوا لازم اذا عندك حالة ولاده تاكلي اي شي لانك بحاجه للطاقه وقت الولاده وعشاني بكر احتمال أتأخر بالمستشفى فلازم اكون متغذيه وبعضهم يقولوا مايصير آكل وانا احترت والله : (

ادري كثرت الأسئلة بس أش نسوي خائفين والله ،، الله يسهل علي وعالجميع اللهم امين