تجهيزات البيبي ؟؟ ضروري قبل لا يجي بكره هههه

[خيوط ملونه..]

السسلام عليكم ورحمه الله وبركااته ..
كيفكم بناات
ندخل بالموضوع على طوول . .
بناات انا بكريه وابي اجهز للبيبي طبعا رحت بيبي شووب من كم يووم وماعرفت شو السالفه صعب حسيت << تحسب انه امتحاان . .
المهم قلت اخذ ملابس دااخليه اخذت عشر .. من صفر لثلاثه . .يوم جيت افتح حسيتها صغاار ماعرف ليه ههههههـ اصلا ماعرف كيف البيبي يلبس وكيف بيكون طوله وعرضه هههههههههههـ ماا افهم بثيااب البيبي
قلت اخذ افرولات اخذت ثلاثه نيوبورن وثلاث من صفر لثلاثه ..
اخذت يمكن اربع قماطات قطنيه
بناات احس اني مب فااهمه الموضوع شو بااقي اخذ ؟؟
اخذ ملابس داخليه نيوبورن ؟كم حبه مابي اخذ واايد واطيح بجبدي لان الاهل مابيقصروون واايد يجيبون هدايا
هيه كم بااقي افروولات اخذ ؟ نيوبورن ومن صفر لثلاث مافكر اخذ قياسات اكبر عشاان انزل السووق بعديين وماعرف شو راح تجيني هدايا من خوااتي واخوااني ..
وهل احتااج ازيد قماطاات
بنات مافكر اخذ كرسي وغيرها لان يمكن تجيني هديه ؟ ولاني مارااح احتاجها فالبداايه يعني لو ماجت هديه رااح اشتري بعديين يوم يكبر البيبي شوي وماحب يتكرر عندي شي وينحط بالبيت كذاا يصير البيت زباله ههههههههههـ ولا انتو شو رايكم ؟
ايه قحاافي كم وحده ؟ ودلاغااات ؟
بناات انا اعرف التجهيزات من المنظفاات لكل شي يحتاجه البيبي حوض وغيره مخزنه عندي لان القسم ملياان مواضيع بس ابي عدد الملابس قماطات وهييك يعني لا تجي وحده تتفلسف فوق رااسي تقول خذي هذا وهذا وهذا
ادري كثرت كلام السموحه منكم ..

[fufualmoon]

ههههههههههانا ضيعت معاك
شوفي يا قلبي انا مثلك بكرية لكني ما سكت كان مافيه احد من اهلي حامل الا وسألتها هذا وانا لسه في شهري الثاني وكللهم كانو يقولون لي بدري بدري بس ما سكت الحين ما شاء الله عندي خبرة من كثر ما اروح السوق واشوف اللي موجود
عن نفسي يا طويلة العمر
خذي لك حق الاربعين بس لانه بيكبر وانتي كذا ولا كذا بترجعي تشتري له ملابس على عمره

خذي لك 4 بربتوزات من ملابس داخلية من ملابس للطلعه من شراريب قفازات وقبعات حق عمر (0-3) واختاري منها ملابس يطلع فيها من المستشفى وكوفلات طبعا خذي لك 3 الى 4 للبيت فقط واختاري اللي تحبيها لطلعه من وحده وحده هههه القطي اللي يعجبك

انا هذا بس اللي فكرت فيه ان شاء الله شهرين ثلاثة شهر يكون خلصو الحريم اقدر اروح واجي على راحتي ارجع السوق واخذ اللي ناقصني
اما الاسواق ومن فين اشتري ومن فين اخذ في كل مكان موجود بس انا ارتحت لسنتر بوينت اشيائهم تفتح النفس ونيو بيبي في جدة بس ما اعرف فين مكانه با الضبط اعتقد انه في حي الصفا
على فكرة احس ها الطريقة افضل لو تفاجئتي بتغير جنس الجنين

معليش ع الاطاله وان شاء الله البنات يفيدونك

[دلع حمودي]

يسلمووووووووووووووو يافوفو
ويسلمو ياخيوط ملونه

[نونو82]

كلشي تشترينة صوريه عشان ماتنسين
وبعدين عشان تعرفين شنواللي ناقصج : )

[غلاامي]

يعطيكي العافيه