حصلت مشكلة بيني وبين زوجي وهو مطنشني مو سال فيني !!!

[المقروده]

بنات الله يخليكم الحقوا علي ابطق من القهر ..ودي اصررررخ
تهاوشت مع زوجي ورحت لسرير وتغطيت علشان يحس اني زعلانه قووووه..بس جاء وشغل التلفزيون ولاهمه !!!!ثم قمت رحت للحمام وطولت ابيه يجي يسألني ليش طولتي قعدت ربع ساعه ولااهمه!!!!
بعدين رجعت لسرير وتغطيت وماناظر فيني !! وبعدها قمت ولبست الروب واخذت جوالي وطلعت بالحوش بعز البرددد ..قعدت نص ساعه على الارض ابيه يجيني ولااهمه !!!
رجعت للغرفه لقيته مطفي التلفزيون ومتلحف ونايم !!!!
بنات شسوي هو متعود انا اراضيه حتى لو كان هو الغلطان..والحين مو على باله ابد !! سافهني مو هامه شي !!!!!
بنات شسوي علشان هو الي يجي يراضيني ؟؟!!ههن

[احلى من العسل]

حبيبتي لاتنتضري من الرجال اعتذارصريح ممكن يعبر عن اعتذاره باسلوب موالي انتي تبينه بس انتي خليك عادي يعني سوي كلشي من الواجبات من طبخ ونفخ بسلاتتكلمي معاه خليك ساكته واذاكلمك او سئلك عن حاجه ردي بتبسط الكلمات يعني لا تسولفي ولا تضحكي وشوفي امكن يسئلك ليش ساكته ونتي هنى عاتبيه بحنيه وحسسيه انك مجروحه لاانه اكيدماكان يبغى يتكلم معك ونتي معصبه عشان ماتكبر المشكله والله يهدي النفوس

[حمرة الورررد]

انا معا رائي الاخت احلى من العسل
والله يهدي النفوس

[ثلوج الشتاء]

هههههههههههههههه ضحكتيني بقووووة بس ماعليه خلاص طنشي وروحي اعتذري له اذا انتي غلطانه ..

والله يصلح حالكم ,, ومافيها شي المبادره بالعكس كل شي لصالحكم .........

[أم ميوري]

اذا كان هو الغلطان لاتروحي له حتى لوجلستس اسبوع زعلانه ولاتبيني انك مستنيه يراضيك بالعكس تفرجي تلفزين واضحكي طبعا مو معاه ههههههههههه وكلمي جوال وروحي وتعالي ولا على بالك بس اذا كلمك ردي بالقوه وسوي كل واجباتك المنزليه وخليك معاه رسميه وشوفي كيف بيجي يراضيك طيرااااااااااااان والله يصلح بينكم ياقلبي

[حلابالقهوه]

اول شي غيري من المقروده الى السعيده
لانه الاسم احيان ينعكس على الشخص نفسه
فاانتي تفائلي بالاسم
الشيئ الاخر حركة الاطفال يعني انك تتناجري وتروحي تتخبي بالسرير عذرا يعني ^^
وبعدين ليه تقعدي بالحمام تكرمي ابددددددد انتي تضري نفسك ماتضري زوجك
تضري نفسك تقعدي بالحمام مده طويله لانك زعلانه وتروحي الحمام شيصير ! اهل بسم الله يضرونك وانتي بحمامك فاانتبهي تعوديها خافي على روحك
وبعدين ليه تلبسي روب وتقعدي بالحوش ؟ يعني بيجي ينام معاكي بالحوش ؟ غلط طريقتك حبوبه
ويمكن اسلوبك في طريقة تراضيه غلط مااعجبته يمكن يحسها طريقة الطفل
حاولي بطريقة الكلام كلميه افضل

[انثى من الخيال]

أختي انتي الغلطانه .....انتي الي عودتيه ع الدلع.......
......الحين استحملي النتائج...
*شوفي يالغلا......انتي طنشيه بس لا تقسي ع نفسك..يعني نامي واشربي واكلي..وشوفي تلفزيون بس لا تعبريه..واذا كلمك ردي بس ع قد السؤال..وسوي نفسك مرتاحه ..ومو هامك شي...
الله يوفقك يالغلا.........

[أم رزاان]

اسمعي يالغاليه !
روحي لزوجك وراضية .. !!!
زوجك هو جنتك ونااااارك كما أخبرنا سيد البشرية علية الصلاة واتم التسليم !
لَوْ صَلُحَ لِبَشَرٍ أَنْ يَسْجُدَ لِبَشَرٍ لأَمَرْتُ الْمَرْأَةَ أَنْ تَسْجُدَ لِزَوْجِهَا ..
وَالَّذِي نَفْسِي بِيَدِهِ لَوْ كَانَ مِنْ قَرْنِهِ إِلَى مَفْرِقِ رَأْسِهِ قُرْحَةٌ تَفَجَّرُ بِالْقَيْحِ وَالصَّدِيدِ ثُمَّ اسْتَقْبَلَتْهُ فَلَحَسَتْهُ مَا أَدَّتْ حَقَّهُ "

أين نحن من هدي رسول الله في التعامل مع الزوج ؟!!!
أتمنى الا تأخذنا العزة بالأثم او الإنتصار للذات فننسى عظيم حق ازواجنا علينا !

وأنت ياقلبي لو ماكان زوجك زعلان منك ماكان طنشك !!
لو إنك ماكبرتي الموضوع .. وتركتية شووي بس عشان يهدأ
وجيتية ومسكتي يدية وقلتي له .. والله لا تغمض لي عين حتى ترضى
وربي لو قلبه من صخر جلمووود راح يلين ويحنن ربي قلبة عليك
وترتفع مكانتك عندة .. ويصير يحترمك اكثر ولا يفكر يزعلك ابداً !!!

اسأل الله لك حياة ملؤها الإستقرار

[وولاء]

يسلم فمك اختي ام رازان درر

يعطيك العافية...

[تحب زوجها]

منو الغلطان فيكم عشان كل هالزعل ؟.!
اذا انتي غلطانة روحي راضيه لأنه ما في امل يجي يعتذر منج على شي اهو ما غلط فيه
واذا اهو غلطان لا تتعبين نفسج و تهلكينها عشان اعتذار ... اكلي و اشربي و اشتغلي في بيتج و اطلعي و روحي و تعالي و الحياة طبيعية
بس لا تطولينها
و فاتحيه بالموضوع بس بطريقة حلوة ... مو صراخ و كان الهواش من جد و جديد ... يعنى مثلا بابتسامة و نقاش هادئ و استفسار ليش قلت و ليش صار و هكذا ...
و ما فيها شي لو اخذتي كلامه بمنطقية و عقلانية و بديتي انتي و قمتي حبيتي يدينه و راسه وانج ماتقدرين تصبرين على زعله ولا انه متضايق و من هذا الكلام ...



ونصيحة اخيرة ... لا تعودينه على طبع انج تنامين و هو زعلان و لا متضايق
او مجرد ما يصير هواش بتسوين هالحركات عشان يجي وراج .. لانه هذيك الحزة مستحيل يفكر شيصير وياج خصوصا اذا كنتي انتي الغلطانة او انتي مكبرة الموضوع

خلنا عقلانيين شوي و ناخذ المشاكل بالمنطق .....




و الله يهدي الجميع يا حلوة ....