الحقوني بنات بليز

[فقدت]

السلام عليكم ورحمه الله وبركاته

اخواتي جزاكن الله خير.. ابي تساعدني ..

انا بكريه ولا اعرف شي الان حامل لي اسبوعين ولله الحمد والمنه في الشهر الثامن ..
عندي في الجانب الايمن تحت الثدي مباشره نبضات .. وبطني احس انا مايله الى الجانب الايمن .. اشوفها مايله حتى سالت الوالده وحمواتي وقالوا صح ..
وبعدين احس الجنين ع الجانب الايمن احس الايسر فاضي دايم مرات انام ع الجانب الايسر ؟؟؟
وعلما عن معلومات سمعتها ان الي يجيها نبضات او حركات او الجنين في الايمن [ تكون حامل في ولد ] ... للمعلوميه عملت سونارين في خاص وحكومي .. قالوا لي بالصوره [ بنت ] .. الحمد لله بنت ولا ولد انا بكريه واتمنى اي شي يسليني ..
بس ارجو منكن ياذوات الخبره افادتي في موضوعي..

وجزاكن الله الف خير والله يرزق كل وحده تمناه ويحقق لها الي بالها سواء ردت ع موضوعي او لم ترد ...
وشكرـآ

[Miss YoYo]

حبيبتي هذا الشي طبيعي
انا من البدايه من شهري الثالث وانا احس فيه بجهة اليسار
وسألت الدكتوره قالت لي طبيعي .. أحيانا الجنين يرتاح بجهه اكثر من الجهه الثانيه
بالنسبه للنبض هذا نبضك إنتي مستحيل تحسين بنبض الجنين
في بعض الحوامل يحسون بالنبض حتى تحت السره او بنص البطن
وسبب الإحساس ان القلب عند المرأه الحامل يعمل تقريبا بنسبه 40% اكثر من المعدل الطبيعي
عشان يضخ الدم لـ جسمك بالكامل وللجنين عشان كذا تبدأين تحسين بالنبض من قوته

اما بالنسبه لجنس الجنين ماله اي دخل مكان الجنين بـ الجنس
انا سمعت هالمعلومه .. والناس تخربط فيها
بعضهم يقولون اللي على جهة اليمين ولد وبعضهم يقولون العكس بنت
وانا اعرف كم وحده جابو اولاد وكانو يتشكون في حملهم ان الجنين جاي على جهية اليمين او اليسار
كلام السونار هو الصح ع الأغلب وهالشي أولا وأخيرا بيد الله

المهم الخلقه التامه والصحه
ربي يتمم لنا على خير

[عبير اسماعيل]

الله يتمملك ع خير