محتارة افيدوووني بليز

[جلنار تفاحة الرمان]

السلام عليكم ورحمة الله وبركاته

اول مشاركة لييي واتمنى تفيدوني لاني احترت وماعرف ويش فيني بالضبط

اني متزوجة من سنة تقريبا والحمدلله الدورة منتظمة ويايي لحد شوال السنة اللي طافت مااجتني اصلا استنيت 10 من تاخرها وسويت تحليل منزلي طلع سالب
تالي استنيت لقريب مابتجيني الدورة الثانية سويت تحليل دم وطلع سالب تالي من بعد يومين من التحليل شرفت غزيرة وغير عن عوايدها والشهر الا بعده خفيف جداا لونه وردي الدم وشهر محرم والحين صفر ماجت بس احس بمثل الرفة في البطن سويت تحليل منزلي بداية صفر وطلع سالب فهل اني حامل ولا ايش القصه مع تاخر الدورة علما بانها هالشهر احس بفرزات كثيرة مع البول واحياانا البول عكر

افيديوني جزيتم خيراا

[جلنار تفاحة الرمان]

اين الردود ؟؟؟

[Yasmina2012]

حبيبتي ما عندي فكرة بس يا رب تكوني حامل انا واياكي و كل محرومة
لا تفكري كتير حبببتي لانو التفكير الو دورو بتأخيرها

[weham]

اعتقد عندك مشكله في الهرمونات والمبايض لذالك تخربطت عندك الدوره او مرات الحالية النفسية تتاخر الدوره احتمال مريتي بحاله عصبية او مشاكل؟ انصحك تروحي للدكتوره وسوي كل الفحوصات وتاخذي علاج ونفس الوقت في اعشاب كويسه للدوره تنظم الدوره اتنمالك الحمل القريب

[مهرة]

الله يفرحك الحمل يارب ونصيحتي انك تتعالجي وشوفي وش عندك لانه لو فيه حمل كان بين معاك الله يكتبلك الخير

[رحيق القلوب]

انا مع weham اكيد فيه مشكله روحي اكشفي فيه اسباب كثير تخربط وتاخر الدوره غير الحمل وتعالجي عشان لو بغيتي تحملين
ولاتفكرين بالحمل كثير خليها ع الله بس اهم شي اكشفي ولاتهملي نفسك
موفقه

[جلنار تفاحة الرمان]

يعني نزول افرزات شبيها للمخاط بدون ريحة من خلل الهرمونات او الوضع عادي
وهم رفة البطن شي طبيعي وهل من الممكن يبان الحمل في الشهر الخامس

[رحيق القلوب]

المشاركة الأصلية كتبت بواسطة جلنار تفاحة الرمان

يعني نزول افرزات شبيها للمخاط بدون ريحة من خلل الهرمونات او الوضع عادي
وهم رفة البطن شي طبيعي وهل من الممكن يبان الحمل في الشهر الخامس

الافرازات ياقلبي علامه للالتهابات او افرازات ماقبل الدوره وبعدها وايام التبويض اما علامه للحمل ابدا عمر ماكانت الافرازات علامه ع الحمل

ثانيا مافهمت سؤالك الثاني كيف رفة بطن ويبان الحمل بالشهر الخامس
يعني انتي الحين بالشهر الخامس وما انتي عارفه انك حامل ويتحرك الجنين ببطنك وماجاتك الدوره لها 5 شهور ماااافهمت؟؟؟

[جلنار تفاحة الرمان]

الدورة ماجتني لها شهرين وحللت بول وطلع سالب بس دايم احس برفة في البطن
اما سوالي عن الحمل في الشهر الخامس سمعت من وحده تقول في ناس ماايبان عندهم الحمل من الشهر الاول فهل هده الكلام صحيح احس غريب انا

[رحيق القلوب]

ياقلبي الرفه اللي بالبطن قصدك الجنين يتحرك بالشهر الثاني او الثالث لان تقولي لها شهرين وحللتي سالب والله ما ادري بس مستحيل يتحرك الجنين بالوقت هذا
ثانيا معقوله حامل لك شهرين ومابين والله مدري
بس اتوقع خربطه بالهرمونات
روحي اكشفي ع الهرمونات يمكن عندك هرمون الحليب مرتفع ممكن كيس ممكن تكيس كل هذي الاشياء تاخر الدوره
وتعالجي بسرعه عشان لو بغيتي تحملين لان هذي الاشياء تعيق الحمل
مووفقه