الحلبسة المصرية .........يمممممممم طعمة اوى

[العليــــــــــاء]

السلام عليكم ورحمة الله وبركاته

ازيكم يا حوامل

عارفين الحلبسه اللى هى حمص الشام اللى بنشربها فى الحسين

وبنشربها على الكوبرى (هههههههههههههههههههههه)

النهارده جايبالكم طريقه ولا اروع ولا أسهل وبالصور


المقادير

4/1 كيلو حمص الشام من عند محل العطارة او العلافه ( الكميه دى تكفى ل 4-6 أشخاص )

3 طماطم متوسطة حمراء جدا بس طريه مش ناشفه

ليمون

ملح

كمون

شطة

4-5 فصوص توم كبيره كده ويا سلام لو توم بودرة تبقى اخر حلاوه

بصلاية صغنونه

الطريقه

ننقى حمص الشام ونغسله كويس جدا وننقعه فى الميه مده طويله يعنى مثلا من بالليل للصبح او من الصبح لبليل





خلاص اتنقع ؟؟؟

اكلتى واحده وحسيتيها طريه ؟؟؟

طيب كده تمام جاهزين

تاخدى بقا الحمص بميه النقع بتاعته تنقليها فى حله اكبر

وتزوديه ميه وترفعيه على النار

تضربى الطماطم فى الخلاط وتضيفيها

وتقطعى البصله 4 اربع وتحطيها بس ياريت ماتخليهاش مفصوله عن بعضها يعنى 4 اربع بس ممسوكين من تحت ( فاهميننى طبعا)

وتهرسى التوم وتحطيه

وتحطى معلقه الكمون الكبيره كمان

وتسيبيه يغلى على النار حوالى 3/1 ساعه

تدوقيه تلاقيه استوى وطرى

تحطى الملح حسب تقديرك لحد ماتحسى ان ملحه اتظبط

سيبيه يغلى 5 دقايق كمان

وبعدين تحطى فى الكوبيات

والليمون والشطه حسب الرغبه بس لكل فرد فى كوبايته




وبالهنا والشفا يا قمرات

[السماح]

يممممممممممممم وحشتنى جداااااااااااااااااا الحلبسة
مشكووووووووووورة غاليتى

[ام ارجواااااان]

يعطيك العافيه يالغلاا

وصفة لذيذة جدا

تسلممممي بانتظار جديدك

[ح ـسسآيف]

يسلممممممممممممموو
نعرفها بااسم البليلة وطعمها جنآن ...