بنات تجربتي مع حافز + برنامج لقاءات .. للفائده للجميع

[سحآبة فجر]

السلام عليكم ورحمة الله وبركآته

كيف حآلكم آل حوامل
لكل الصبايا متزوجات + بنات ، حوامل + مو حوآمل

بأحاول هنا أن أقدم معلوماتي وتجربتي في برنامج لقاءات لأجراء التحليل المهني للتأهيل لسوق العمل

أول شيء انا سجلت في حافز ..
للي ما يعرف حآفز .. وش حافز ؟
برنامج لاعانة العاطلين السعوديين + السعي لتوظيفهم
صدر بمرسوم ملكي من الملك عبد الله آل سعود حفظه الله
طبعاً لأنه لا يكاد يخلو منزل من وجود عاطل او عاطلة

شروط الاستمرار في الحصول على اعانة البحث عن عمل :
_ الاستمرار بالبحث بجديه عن العمل .
_ تحديث معلوماتك بشكل دوري ومنتظم على الموقع .
_ إكمال دورات تأهيلية وتدريبية يتم توفيرها للمستحقين للإعانة .

ثم يتم ايقاف الاعانه للأسباب التاليه :
_ اما حصولك على وظيفه .
_ أو عدم انتظامك لحضور الدورات والتنسيق مع مستشارك الخاص للتوظيف .
_ يحاولون ايجاد وظيفه في مدة 4 اشهر من تسجيلك ولكن قد تمدد المهلة اذا كان الخلل من البرنامج ..مثلا شخص مؤهله لا يوجد له وظيفه تناسبه .

طبعاً انا قدمت في برنامج حآفز وتم صرف الاعانه لي لمدة شهرين و هذا الاسبوع جتني رساله تقول التالي :

السلام عليكم ورحمة الله وبركاته
بناء على بياناتكم المسجلة في برنامج حافز , تم اختيارك للمشاركه في برنامج لقاءات ( اكبر مبادرة وطنية لتوطين الوظائف ) وهو برنامج مشترك بين وزارة العمل وصندوق تنمية الموارد البشريه
الرجاء الدخول للرابط التالي لتحديد الموعد المناسب لكم للحضور لمركز الاعداد بجده :
( وكاتبين لي الرابط اللي ادخل عليه )
فريق عمل برنامج لقاءات يتمنى لك كل التوفيق .

طبعاً دخلت الموقع وسجلت لي موعد لحضور البرنامج وجتني بعدها رساله تذكير بالموعد ومكان اللقاء .



وللحديث بقيه ..

[سحآبة فجر]

بعدها يا حبيباتي بصرآحه ترددت اروح وقلت خلاص بأكبر المخده وأنام
وأجلس على النت أطقطق وشوي قلت خلني ادور اشوف اذا فيه معلومه عن سالفة الرساله اللي جتني وبرنامج لقاءات هذا
والقى وحده كاتبه انه اذا مارحتي يقطعون عنك حافز وانه لازم تروحين والا بتنقطع الاعانه ومافيه وظيفه
عاد أنا
المشكله الحين الساعه 4 ونص الفجر وموعدي اللي اخذته 8 الصبآح يعني وش اسوي
قلت يابنت تعوذي من ابليس وانفضي الكسل وأقوم أتحمم وأروح عالساعه 8 خرجت << كمان متأخره عالموعد

طبعاً بنات لازم تاخذي معك هويتك الأصل وللأحتياط قلم رصاص رغم انهم هم يوزعوا عليك بس احتياط خذي معك ..
اخذت بياناتي ودخلنا قاعه للأختبار عدد البنات كان كبير وقت الامتحان 3 ساعات هم يقولون لكن احنا بدينا متأخر يعني عالساعه9 الا ربع وماخلصنا الا 12 وربع

نجي للمهم

هي 4 اختبارات

اول اختبار هو عبارة عن اختبار انجليزي
و هو الاصعب بين الاختبارات بس كان مرررره ممتمع لكن الوقت يربكك جداً ضيق
مقسم 3 اقسام القرامر 25 فقره اختاري و ليسننق تشغل لك شريط والاسئله عليها عندك في الملزمه يمكن 13 سؤال وبعدها قطعتين والله يبي لها فهم في البدايه هو الشيء الوحيد اللي ينرفز الوقت والا الامتحان حلو ..
بعد كذا امتحان قدرات 40 سؤال في 15 دقيقه ..
بعدين امتحان اسمه السمات الشخصيه 155 سؤال لازم تنحل كلها اجباري طبعاً عن شخصيتك حلو كان
بعدها امتحان اتوقع المتطلبات المهنيه اسمها أو شيء كذا يعني عن المهنه اللي تبغي تشغليها كان 160 سؤال وكمان اجباري ينحل كامل .

1_ بصرآحه الامتحان حلو بس طووووويل ومتعب ..
2_ قالت المدربه انه ماله علاقه بأعانة حآفز وانه هم بس يساعدوا بالتوظيف وهم اخذوا البيانات من حافز للعاطلين علشان يساعدوهم بالتوظيف في شركات ومستشفيات خاصه وجامعات اهليه وحكوميه .
3_ تعاملهم راقي يعني حلوه الروحه للبرنامج بس ترى مو اجباري ولا تنقطع الاعانه لو مارحنا .
4_ برنامج حافز ، جداره ، لقاءات ، نطاقات ، طاقات .. ) كل برناامج منهم مستقل بنفسه ولكن هم ياخذون بيانات العاطلين عن طريق برنامج حافز ..
5_ نسيت اقول لكم الامتحان مافيه نجاح أو رسوب فقط علشان يشوفوا في ايش انت كويسه وقالت المدربه انه الانجليزي اللي تقدري حليه واللي ماتعرفيه مو لازم لأنه تقول عارفه انا كيف كان تدريس الانجليزي بمدارسنا
بس علشان يشوفوا كيف انت فيه ويحددوا لك الوظيفه اللي تناسبك .

اتمنى تكونوا استفدتم من تجربتي حبيت اكتبها لاني حسيت فيكم وكيف كنت اتسآئل قبل لا اروح ..
اي استفسار انا حاظره
بالتوفيق

[Mema26]

الله يسعدك ويوفقك ريحتيني انا في بالي هذي الاسئله وانتي جاوبتيها وريحتيني مشكووووووره حبيبتي

[**سماسم**]

ريحتي الكثير وأفدتيهم يالغاليه بكل تأكيد
طرح راقي ومهم ومفيد
ربي يعطيج العافيه
,,

[ياورد]

الله يعطيك العافيه يعني الاختبار انجحي او ارسبي عادي
والله عن نفسي مابغا وضيفه وساعه اقول ياليت تجي وضيفه اجباريه بس تكون حلوه ومريحه بس ماضنيت لوحده عندها ثانوي وساعه اقول ياليت اني اكمل الجامعه وادخل قسم صعوبات تعلم عن طريق التعلم عن بعد بس زوجي العله رافض الفكره يقول وش تبغين بالدراسه
لاكن الله غني كريم

[سحآبة فجر]

المشاركة الأصلية كتبت بواسطة mema26

الله يسعدك ويوفقك ريحتيني انا في بالي هذي الاسئله وانتي جاوبتيها وريحتيني مشكووووووره حبيبتي

آمين يارب وياك
اسعدني ردك ودعوتك يا قلبي ..
موفقه يارب

[سحآبة فجر]

المشاركة الأصلية كتبت بواسطة **سماسم**

ريحتي الكثير وأفدتيهم يالغاليه بكل تأكيد
طرح راقي ومهم ومفيد
ربي يعطيج العافيه
,,

الله يعافيك ويسعدك يالغاليه
مشكوره على هالمرور الراقي ..

[سحآبة فجر]

المشاركة الأصلية كتبت بواسطة ياورد

الله يعطيك العافيه يعني الاختبار انجحي او ارسبي عادي
والله عن نفسي مابغا وضيفه وساعه اقول ياليت تجي وضيفه اجباريه بس تكون حلوه ومريحه بس ماضنيت لوحده عندها ثانوي وساعه اقول ياليت اني اكمل الجامعه وادخل قسم صعوبات تعلم عن طريق التعلم عن بعد بس زوجي العله رافض الفكره يقول وش تبغين بالدراسه
لاكن الله غني كريم

اي يا قلبي يعني مافي نجاح او رسوب لكن يشوفوا قدرااتك علشان يأهلوك للوظيفه المناسبه ..
ماتدري وين الخير .. الله ييسر امرك ويرزقك من حيث لا تحتسبين ..
موفقه

[دلوعه فصولي]

يعطيك العافيه
صراحه جاوبتي عن تساؤلات كثيره محيرتنا

يسلممممممممممموو

[عيون وليد]

موفقه ان شاء الله ربي يرزقنا وظايف حكوميه

لان الي عرفه ان كل الوظائف سواء في طاقات او لقاءات كلها في شركات اهليه