بنات جاني مغص مع دم ي رب رحمتك

[علايم]

بنات انا حامل الشهر االاول معي مغص اذا جاني المغص قوي ينزل بني مع دم تكفوون وش اسوي

بعد الله انا احمل واسقط من تزوجت لي 7 سنوات ونص ما الله كتب لي عيال ي رب تكتب الي بطني وثبته بناات

واسوني ابكي خايفه من امس بس اليووم زاد علي حيييل المغص اخاف يطيح مثل الباقي وان شاء الله يثبته ربي

وقطع المغص عني

من صار مثل حالتي وثبته الله بعد المغص والدم

تكفوون طمنوني وش اسوي

[احساس أنثى]

حبيبتي انتي ماتتابعي عند دكتورة ؟

لازم ماتسكتي روحي لل
الدكتورة تعطيكي حبوب تثبيت او ابرة

وان شاء الله يارب خير ويثبتلك حملك يارب

[وشاء الهوى]

اختي انا صار لي مثلك وعطتني الدكتورة ابرة مثبته والحمد لله انا الحين بالشهر السابع
وللمعلوميه قالت لي انو الرحم يطرد الدم الموجود سابقا وويسوي اتنظيف ويغلق وقالت لي لاتخافين وعطتني ابرة للتاكيد
انتي روحي للمستوصف علشان تتاكدين
والله يرزقك ويفرح قلبك يارب
دعواتي لكِ

[علايم]

جزاكم الف خير

بس عطتني ابر تثبيت مره بالاسبوع ودافستون

بس هالحين يزيد المغص ينزل دم عادي يزودون الجرعه لي وربي مهمومه ي رب تثبته

[علايم]

بناات وينكم 45 وحده ولا رديتوو علي على قل دعوووه يمكن ربي يستجيب ولكم بالمثل

[دروب الأمل]

لازم تلتزمين الرااااحة التامه

لأنك في كل مره يصير تسقيط

المغص بالشهر الأول طبيعي

انا كان معاي , حتى الإفراز البني


.
ولمن نزل دم رحت للمستشفى عطوني مثلك مثبتات+ ابره مره بالإسبوع

وقالت لي لازم ترتاحين

ما وقف الإفراز البني ع طول بس الحمد لله أهون من قبل


..
أقترح عليك تشوفين دكتورة ثانيه يمكن تشوف لو تحتاجين اسبرين

لكن لاااتآخذين شيء من نفسك , لأن الجرعات الزايده مضره

.....

إدعي بين الآذان والإقامة وفي سجودك ان الله يثبته لك

ولاتنسين أذكار الصباح والمساء

وقبل النوم تقرئين المعوذات وآيه الكرسي في كفك وتمسحين بها جسمك وبطنك



..

الله يثبت لك جنينك ويبارك لك في حملك

[ام عبودي وسيفو]

يا ربي يتبث حملك و انا صار معي نزيف في ثلاث شهور الاولى من الحمل , اذا تحركت او ادنى مجهود و اعطاتني الدكتورة كل النواع المتبتات , دوفاستون و تحاميل سايكولوجيست و ابر ثلاث حقن بالاسبوع , و ظليت عليهم لبداية الشهر الرابع و و صرفت لي كمان اسبريت حق الاطفال حتى يوصل الغذاء و الاكسجين للبيبي و و الحين انا بالشهر السادس و بعدي باخذ اسبرين

اول شي لازمتعرفي سبب التسقيط اللي كنت تسقطي قبل, على هالاساس راح تصرف ليك اللي يناسبك
الله يتبت حملك يا رب

[ريمان عبدالعزيز]

مرحبا اختي

انا زيك احمل واسقط ووتوني من سبوعين مسقطه بالشهر الخامس

بس 3 دكاتره قالوا لي الحمله الجايه لازم اسوي ربط

انا انصحك تعرضين هالفكره على دكتورتك يمكن انتي زي عندك ارتخاء بعضلات الرحم

والربط مايخوف عمليه بسيطه ببنج كامل تاخذ اقل من نص ساعه

وشوفي الدكاتره عندنا مستحيل يعطونك معلومه مفيده او كلام صحيح

لازم انتي تسالينهم وتخلينهم يشيكون فشوفي اساليهم يمكن المشيمه عندك نازله

لان انا برضوا بحملي نزلت عندي المشيمه وكانت تسبب لي نزيف ولمن رحت لهم ماعرفوا لي فقلت لهم يمكن المشيمه نازله

قالوا ايوا المشيمه نازله وهذا سبب النزيف

وشوفي اهم شي ابتعدي عن الجماع بكل طرقه ووسائله

وطبعا الراحه التامه اذا موظفه اخذي اجازه واذا طالبه اخذي وقف

ولاتشتغلين بالبيت حاولي بقدر الامكان تكوني نايمه على ظهرك ومريحه

والله يتمم لك على خير ويثبت لك هالحمله ويرزقني انا بعد بطفل

[سلوان]

ياقلبي انصحك بالراحه التامه لاتشيلين شي ثقيل وحاولي تاخذين حبوب مثبته

انا بحملي الاول كان ينزل علي دم بني اعطتني حبوب مثبته لمدة اربعه شهوور

والحمد الله جبت ولد زي القمر الله يثبتلك حملك ياارب وتشوفينه بعد تسعه شهور سليم معافى ان شاء الله

[جومانة]

الله يثبت حملك يارب


ام شئ روحي لدكتورة مختصة تعطيك دواء لتثبيت الحمل