بيعملو عمليه لبنتي او ايش يسوو جاوبوني تكفون...

[سنة أولى حمل*]

عزيزاتي
بنتي (ثمانيه شهور) من يوم ولادتها فيها عيب خلقي وهو فتحة الشرج قريبه من فتحة البول يعني متقدمه على قدام فاهميني ....وماادري وش بيسون في الحالات اللي مثل حالتها
جاوبوني تكفون هذي اول فرحتي واموت لو صار فيها شي ..الله يخلي لكم اطفالكم .....

[توتايه]

والله ما حبيت ادخل وما ادعيلج ربي يقومها بالسلامه ويشافيها حبيبتي بس ما اعرف شي الدكاتره وش قالو؟

[سوومي]

الله يشفيها ويخليها لك يارب والله تقطع قلبي عليها ,,

[برووق]

يالغلا اقري عن المووضوع في النت
ويارب تقوم بالسلامه وتفرحي فيها
من جد حاسه فيك
طمنيني عليها
ودي

[نسمة دفا]

لازم تعرضيها على أخصائي مسالك بولية واخصائي جراحة هضمية

وشوفي رأيهم

ممكن لما تكبر تتباعد الفتحتين عن بعض

وممكن تحتاج عملية ,,(تعتبر تجميلية أكثر)..

بس العمليات مثل هذي غالبا يسووها بعد السنتين

ولد قريبتي انولد وعنده فتحة البول مع جنب

سووا له عملية والحمدلله ..

ربي يعافي بنتك يارب ويفرح قلبك

[ماﺀ السماء]

الله يعااااافيها ويحفظها يالغاليه

واظن الحل في هذي الحالات هو اللجوء الى عمليه جراحيه تكون تجميليه اكثر واعتقد بسيطه ان شاء الله

ربي يحفظها انتي اعرضوها على اكثر من دكتور وشوفي ارائهم

[حبيبة حموودي]

الله يشفيلك بنتك يارب
العمليه بتكون تجميليه وبإذن الله سهله
اعرف وحده صلحت لبنتها عمليه في فتحة الشرج لأنها ضيقه
وعمر بنتها 3شهور
والحين الحمدلله بنتها طبيعيه جدا عمرها الآن 9شهور
بس اهم شي روحي مستشفى حكومي هي صلحتها لبنتها في الشميسي
الشميسي ممتاز جدا للأطفال ولد اختي مسوي عمليه فيه كان عنده عيب خلقي في فوهة المعده وصلحوله
عمليه وعمره شهر بس والحمدلله الحين فديته عمره 6شهور ماشاء الله تبارك الله
استخيري وودي بنتك لاتخلينها يمكن يأثر عليها بعدين
وان شاء الله تشوف العافيه وطمنينا وش يصير عليها

[ياورد]

الله يشفيها ويعافيها
دام الدكتور قال لازم تجميل توكلي على الله وسويها
وهي صغيره افضل من تكبر وتتعبي معها
انا اخوي كان عنده الختان مازبط معه وبعد ماكمل يمكن سنه صلحو له تجميل بس تاااالم الم ماانساه لان كان كبير ويمشي
افضل شي سويها وهي صغيره والله يشفيها يارب

[سنة أولى حمل*]

الف شكر حبيباتي ع المرور انا وديتها دكتور ودكتورة بعد فترة وكلهم قالو نفس الكلام لاززم يشوفها دكتور جراحة
اطفال بعد سنتين ....وانا ودي اعرف وش يسوو بس ....الله يعين

[ماﺀ السماء]

الله يعينك ويطمن بالك وقلبك عليها

ويشفيها ويحفظها ويخليها لك اختي