شو رأيكم بقصتي؟تتوقعوا بنت او ولد

[راجية ملك الملوك]

السلام عليكم...كيفكن اخواتي رح احكي باختصار...
أنا والحمدلله تزوجت وعمري19 سنة ..وأنا أدرس..حملت بعد3شهور والحمدلله ...زوجي وأهله بيحبوا الصبيان كتيييييييير وأنا ما فارقة معي..قلي دكتوري معك بنت فرحت كتير..وجبت بنت...بعد7شهور صرت حامل..رحت لدكتوري وقلي بنت والحمدلله ...ما زعلت بس كنت حابة فرح زوجي بالصبي..وجبت بنت...بعد 3سنين حملت وسبحان الله قلبي قلي انو انشالله صبي وقلي الدكتور صبي والحمدلله جبت صبي....وهلق طلعت حامل لما صار عمرو سنة وعندي ثقة بالله انو رح يطمني أخ لابني..رحت للدكتورة قالتلي بنت بعدين قالت صبي...ولما رحت لدكتوري قلي( معك بنت وانا الي بقول للحوالمل شو معن 15 سنة ما مرة فشلت)
اسفة عالطولة.........المهم ...سبحان الله ما بعرف ليش ما عم صدق الدكتور ...عندي قناعة وثقة بالله كبيرة اني معي صبي ...هل ممكن يخطئ الدكتور.. بعد نجاح 15سنة .. معي أنا بالذات...علما انو بولادي اللي جبتن ما مرة قلي شو معي الا اقتنعت ..خاصة ببنتي التانية ما جادلت مع انو العالم كتير قالولي شكلك بيوحي انو معك صبي ومع هيك ما كنت فكر بحكين ابدا ...بس بهالولد قلبي ما عم يخليني صدق الدكتور...
لما حملت بابني كانت كل أحلامي تفسيرها صبي..وبهالجنين الي حامل فيه هلق شفت منامات كتيرة وكلها تفسيرها صبي ...سبحان الله والحمدلله ...والله أعلم..
شكرا لكل اخواتي يلي دخلوا وقرؤوا فضفضتي...

[أصآآيل]

حبيبتي الي ربي يعطينا اياه نعمه وفضل من الله اهم شي يكونوا تمام وصحتهم تمام

[فوضت امري لله]

حبيبتي الحمدلله اهم شي الخلق الحسن بعني لو قال لك الدكتور صبي بس معاق


ايش راح يكون ردت فعلك الحمدلله وزي ماقلت لك اهم حاجه الخلق الحسن---

[ملكة الثلوج]

ياأختي كل شي مقدر ومحسوب وادعي الله سليم وبالصحة وعافية وخليها مفاجئه هالمره وبتفرح سواء ولد أو بنت ..الله يتمم حملك ..

[همسات ام]

اختي طيب انا راح اسالك سوال ومنتظرة منك الجواب
في حملك هذا اي رجل عندك تحصل فيها تشنجات والام اليمنى والا اليسرى ؟

[راجية ملك الملوك]

شكرا خواتي الغاليات أنا دائما أدعي ربي بولد صالح سليم معافى ..ودايما اقول لزوجي ممكن يكون صبي وهذا الصبي ممكن يكون اما عاق أو معاق لا سمح الله...بس أنا حبيت أفضفض وأحكي لاني ان تكلمت هالكلام أمام أحد من اهلي أو احد قريب لي بيقولوا (حاج تحكي..خلص قلك بنت يعني بنت)وأنا مابدي حدا يحس اني لسا أفكر بالصبي..بس في حاجة انا ما قلت عليها ...زوجي ضد اجهاض الجنين بالمرة..لكن لما قلتله أنا حامل طلب مني انزال الجنين وانا رفضت واقنعته انو الله شايف هالطفل خير عشان هيك هو طعمنا الحمل...وانا أملته وقلتله لانك هيك حكيت الله رح يبعتلنا صبي ليخليك تندم على هالكلام اللي قلته...الكلام طويل ما بدي أخوض فيه...
بالنسبة للاخت الي سألتني عن وجع رجلي فأنا أشكو من رجلي اليسار الى درجة اني ما اقدر نام من وجعي وبحسها أحيانا كانها لاسمح الله مركبة تركيب وباي لحظة ممكن تنخلع...
مشكورات يا غاليات على مروركن الكريم...

[ميآر [ مهند حيآتي ]]

الله يرزقك طفل سليم معافى يا رب

حتى لو بنت يعني مافي احلى من البنوتات ^^

ودي

[همسات ام]

والله اختي وجع الرجل اليسار في الغالب ولد ادخلي على موضوعي اسمه طريقتي في معرفة جنس الجنين وشوفي بنفسك ردود البنات ومو بس في المنتدى والله حتى في عائلتنا الطريقه مضبوطه 90٪ عالاقل
وعلى كل حال اللي يجي من الله كله حلو المهم تمام الخلقه وزين سويتي ما اجهضتي كنتي حملتي نفسك وزوجك قتل نفس ربي يتمم حملك ويقومك بالسلامه *

[مناير999]

حبيبتي انتي مو حاسه انه صبي
انتي متمنيه وتحبي تجيبي ولد

ومتعلقه بالاحلام والمنامات اللي تشوفيها ويمكن شفتيها لانها افكار وامنيات بالولد فتحلمي بيها


برايي صدقي السونار والحمدلله عندك صبي وان شاءالله بعد هالبوته تجيبي توام صبيان يارب

[راجية ملك الملوك]

شكرا ليكم اخواتي الغاليات...
أختي مناير...أنا والحمدلله لما خبرني الطبيب انو معي بنت ثانية ما فكرت هالتفكير...وعلى فكرة أنا أحب البنات كتير كتيييير وسبحان الله اخر همي انو يكون معي صبي وعائلتي بشكل عام مايفكروا هالتفكير والحمدلله..وصدقيني بحياتهم امي وابي ماقالوا لاحد من اخوتي انشالله صبي او انشالله بنت...يعني انا تربيت بمنزل ما يهتم لهيك مسائل..واصلا امي لما كنت اولد انا او احد اخواتي صدقي ماكانت تسال شو ولدنا او تشوف المولود لحتى تطمن علينا والحمدلله.........يعني أنا ان تمنيت الصبي فهذا عشان خاطر زوجي لاني أحبه وأحب اللي يحبه ...يمكن ما فهمتي علي أنا الي شاغل بالي اني بهالولد بالذات ماصدقت الدكتور ولو قلت رح صدقه اسمع صوت بداخلي يقولي لأ ...الله رح يبعتلك صبي...لو كان كلامك صحيح ..كان صار هالشي معي ببناتي ..
لكم جزيييييل الشكر خواتي والله يبعتلنا الخير وينتقيلنا الخير من عنده ..اميييين يارب يا ارحم الراحمين يارب............