عندي مشكله مع طفلي .. اتمنى مساعدتكم

[ناعسة العين]

السلام عليكم ورحمة الله

اول شي هو طفلي الاول مولود بعملية قيصريه وبصحة جيده والحمدلله .
عمره الان سنه وعشرة شهور وكم يوم ..

بدخل في المشكله .

اول شي يحب طيور الجنه ويجلس عليها فتره ولاحظت عليه عدة ملاحظات وحرمته منها لاني قلت هي السبب اكيد .

طبعا بقولكم المشكله :

يطالع في الانوار والاضاءات سواءا الصفراء او الحمراء او البيضاء جميعهاااا .
يحب الزوايا يروح يجلس فيها .
يحب كفرات السيارات وحرمته من السيارات الصغيره باقي الكبيره .
يلعب طبعا من حاله او مع نفسه واشاركه اللعب بحكم اني اعمل واحاول العب معاه
طبعا نومه خفيف مره وينام متاخر لانو ينام قيلوله ساعه ونص .
يحب السوائل وماياكل كثير يتحرك كثير وبس طفشااان زي اللي يبكي متنكد .


نجي للحركات اللي يسويها ..

يطالع بعيونه يمين ويسار يعني يناظر بزاويا حادة
يحب يطالع للاطفال او انا او ابوه بالمقلوب يقلب جسمه او يقلب راسه
يمشي بعض المرات على اطراف اصابعه
يحرك رقبته يمين يسار فوق تحت وبشكل سريع
يطالع كف يده ويقلبها باي وقت يسويها واكثر شي اذا صحي من النوم
كمان اذا صحي من النوم يتقلب بشكل غريب يبي يكسر رقبته
ويطيح نفسه ولا يحاسب على نفسه ابدا
كان يقول ماما بابا اما دادا هات افتح .. الحين مايقول منها شي
يسرررررح كثيييييير كثير ويحب المرايا
اذا اناديه يرد بالغصب .. يعني بعض المرات بعد ست نداءات واكثر
واحس بعد مايرد علي يضحك كأنه عارف اني اناديه من اول


اتمنى تساعدوني في اجابتكم وتذكرون لي تجاربكم مع اطفال مروا بنفس حالة ابني ...

طبعا قرأت البارحه عن طيف التوحد وسببه التلفزيون ومدري هل ابني عنده طيف التوحد او مرحله وتعدي ..


هو ابني الوحيد ... اسال الله له الشفاء والصحه والعافية ..

الله يخليكم لاتبخلون علي بااجابتكم ومساعندتكم

[ناعسة العين]

وينكم ..
اتمنى المساعدة

[هدوء أنثي]

والله ماادري شنو اقولك بس احس حركاته عادية مقارنه بعمره


يعني انا كمان بنتي لما اناديها ماترد بسرعة لازم اكرر عشان ترد ,,,, بالنسبة للاضاءات احس عادي الطفل طبيعي يتشتت نظرة ويحاول يطالع للنور


بصفة عامة والله مدري ان كان ولدك مصاب لاقدر الله بالتوحد او لا بس الكل حذر الامهات من جلوس ابنائهم لفترة طويلة امام طيور الجنة

والله يبعد عن ولدك وعن ابنائنا كل شر يارب

[ناعسة العين]

امين
الله يجزاك خير ويجبر بخاطرك ..
اتمنى تطمنوني اكثر الله يسعدكم

[ناعسة العين]

واااو
وينكم وين غطيتوو

[jojo 123456]

معظم الاطفال يحبون الالوان والاضاء ة

بس غلااتي مثل ما قلتي كمان انا قريت ان التلفزيون من اساب اصاب الطفل بالتوحد

حاولي تحددي موعد للتلفزيون كمان طلعيه من العزل وخليه يلعب مع اقرانه او دخليه للروضة هناك يلعب ويستانس

[أسيرة زوجي]

و الله حبيبتي هي بعض عادات طفلك عادية بالنسبة للأطفال

لكن إنه يطالعكم بالمقلوب هذه مشكلة

حبيبتي لازم تحطي ولد في روضة أو حضانة عشان يلعب مع الأطفال و شوفي ردة فعله

إذا ما قدر يلعب مع الأطفال معناه لازم تاخذيه للدكتور

إن شاء الله ما فيه غير العافية يا رب

و لا تنسي تطمنينا عليه

[ناعسة العين]

الله يجبر بخاطركم ويجزاكم خير ...
حاولت ادمجه مع عيال اختي حسيته تفاعل معاهم
بس له موود خاص فيه يعني يلعبون ويطلع من عندهم وياخذ لعبه ويلعب فيها لحاله ..*����

[اروى العابد]

يا اختي هاذي نفس اعراض ابني و المشكلة طيور الجنة واخذتو لطبيبية التوحد وقالتلي عندو طيف من اطياف التوحد ويجل ان تمنعي عنه التلفزيون وخذيه لطبيب مختص وادخليه الروضة فورا لكن ضروري الطبيب

[ناعسة العين]

الحمدلله ابشركم الولد طيب
بس عدواني على اخته يضربها ويرفسها ويدفها مسكينه صغيره
هالمشكله ماقدرت اتغلب عليها